完整藏文原文 · 德格版页 当前仅加载第 57 函德格 100b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་མི་འདུམ་པ་ཉིད་དང་། གཡོག་འཁོར་ངན་པ་ཉིད་དོ། །ངག་རྩུབ་པོས་ནི་སེམས་ཅན་དམྱལ་བར་ཁྲིད་པར་འགྱུར་རོ། །དུད་འགྲོའི་སྐྱེ་གནས་སུ་ཁྲིད་པར་འགྱུར་རོ། །གཤིན་རྗེའི་འཇིག་རྟེན་དུ་ཁྲིད་པར་འགྱུར་རོ། །དེ་ནས་གལ་ཏེ་མིའི་ནང་དུ་སྐྱེས་ན་ཡང་རྣམ་པར་སྨིན་པ་
D146.057.0100b01.01གཉིས་མངོན་པར་འགྲུབ་སྟེ། ཡིད་དུ་མི་འོང་བའི་ཚིག་ཐོས་པ་ཉིད་དང་། ཐབ་མོའི་ཚིག་ཉིད་དོ། །ཚིག་འཁྱལ་པས་ནི་སེམས་ཅན་དམྱལ་བར་ཁྲིད་པར་འགྱུར་རོ། །དུད་འགྲོའི་སྐྱེས་གནས་སུ་ཁྲིད་པར་འགྱུར་རོ། །གཤིན་རྗེའི་འཇིག་རྟེན་དུ་ཁྲིད་པར་འགྱུར་རོ། །དེ་ནས་
D146.057.0100b02.01གལ་ཏེ་མིའི་ནང་དུ་སྐྱེས་ན་ཡང་རྣམ་པར་སྨིན་པ་གཉིས་མངོན་པར་འགྲུབ་སྟེ། ཚིག་མི་བཙུན་པ་ཉིད་དང་། མ་ངེས་པའི་སྤོབས་པ་ཉིད་དོ། །བརྣབ་སེམས་ཀྱིས་ནི་སེམས་ཅན་དམྱལ་བར་ཁྲིད་པར་འགྱུར་རོ། །དུད་འགྲོའི་སྐྱེ་གནས་སུ་ཁྲིད་པར་འགྱུར་རོ། །གཤིན་རྗེའི་
D146.057.0100b03.01འཇིག་རྟེན་དུ་ཁྲིད་པར་འགྱུར་རོ། །དེ་ནས་གལ་ཏེ་མིའི་ནང་དུ་སྐྱེས་ན་ཡང་རྣམ་པར་སྨིན་པ་གཉིས་མངོན་པར་འགྲུབ་སྟེ། ཆོག་མི་ཤེས་པ་ཉིད་དང་། འདོད་པ་ཆེ་བ་ཉིད་དོ། །གནོད་སེམས་ཀྱིས་ནི་སེམས་ཅན་དམྱལ་བར་ཁྲིད་པར་འགྱུར་རོ། །དུད་འགྲོའི་སྐྱེ་གནས་སུ་ཁྲིད་པར་
D146.057.0100b04.01འགྱུར་རོ། །གཤིན་རྗེའི་འཇིག་རྟེན་དུ་ཁྲིད་པར་འགྱུར་རོ། །དེ་ནས་གལ་ཏེ་མིའི་ནང་དུ་སྐྱེས་ན་ཡང་རྣམ་པར་སྨིན་པ་གཉིས་མངོན་པར་འགྲུབ་སྟེ། མི་ཕན་པ་ཚོལ་བ་ཉིད་དང་། གཞན་ལ་གནོད་པ་བྱེད་པ་ཉིད་དོ། །ལོག་པར་ལྟ་བས་ནི་སེམས་ཅན་དམྱལ་བར་ཁྲིད་པར་འགྱུར་
D146.057.0100b05.01རོ། །དུད་འགྲོའི་སྐྱེ་གནས་སུ་ཁྲིད་པར་འགྱུར་རོ། །གཤིན་རྗེའི་འཇིག་རྟེན་དུ་ཁྲིད་པར་འགྱུར་རོ། །དེ་ནས་གལ་ཏེ་མིའི་ནང་དུ་སྐྱེས་ན་ཡང་རྣམ་པར་སྨིན་པ་གཉིས་མངོན་པར་འགྲུབ་སྟེ། ལྟ་བ་ངན་པར་ལྟུང་བར་འགྱུར་བ་དང་། གཡོ་སྒྱུ་ཅན་དུ་འགྱུར་བའོ། །རྒྱལ་པོ་ཆེན་
D146.057.0100b06.01པོ་དེ་ལྟར་ན་མི་དགེ་བ་བཅུའི་ལས་ཀྱི་ལམ་འདི་དག་གིས་ནི་སྡུག་བསྔལ་གྱི་ཕུང་པོ་ཆེ་ཞིང་ཚད་མ་མཆིས་པར་ཡང་དག་པར་འདུ་བར་འགྱུར་རོ། །རྒྱལ་པོ་ཆེན་པོ་དེའི་སླད་དུ་བག་མཆིས་པ་དང་། མི་རྟག་པར་སོ་སོར་བརྟག་པ་མང་བར་མཛོད་ཅིག །རྒྱལ་པོ་ཆེན་པོ་འཚོ་བའི་
D146.057.0100b07.01