完整藏文原文 · 德格版页 当前仅加载第 57 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཉིད་མི་སྲུན་པ་ཞིག་ཏུ་གྱུར་ན་དེ་ལ་སུས་ཆད་པས་བཅད་པར་ནན་ཏན་དུ་བྱ། སྨྲས་པ། རྒྱལ་པོ་ཆེན་པོ་རྒྱལ་པོ་དེ་ཉིད་ཀྱིས་སོ། །གལ་ཏེ་རྒྱལ་པོ་བག་མ་མཆིས་པར་གྱུར་ཏམ། སྙིང་རྗེ་མ་མཆིས་པར་གྱུར་ན་དེའི་སླད་དུ་དེས་ཤེས་རབ་ཀྱི་སྟོབས་ལ་བརྟེན་
D146.057.0107a01.01ཏེ་མི་སྙན་པར་འགྱུར་བའི་འཇིགས་པ་དང་། ངན་སོང་གི་འཇིགས་པ་དང་། ཆོས་གཉིས་པོ་འདི་དག་གིས་བག་མ་མཆིས་པ་དང་སྙིང་རྗེ་མ་མཆིས་པ་ལས་བདག་ཉིད་བཟློག་པར་བགྱིའོ། །རྒྱལ་པོ་ཆེན་པོ་ཆོས་དང་ལྡན་པའི་རྒྱལ་པོས་ནི་རང་གི་རིས་ན་ཡ་རབས་སུ་བཏུ་བའི་དགེ་
D146.057.0107a02.01སྦྱོང་དང་བྲམ་ཟེ་མཁས་པ། གསལ་བ་རིག་པ་དང་ལྡན་པ་དེ་དག་གི་དྲུང་དུ་མཆི་ཞིང་དུས་དུས་སུ་དགེ་བ་ནི་གང་མི་དགེ་བ་ནི་གང་ཅི་བྱས་ན་ལེགས་པར་འགྱུར། ཅི་བྱས་ན་སྡིག་པར་མི་འགྱུར་ཞེས་དྲི་བར་བགྱི་ཞིང་དེ་དག་ཆོས་སྟོན་པར་འགྱུར་བའི་སྐབས་དབྱེ་བར་བགྱིའོ། །དེ་དག་གིས་
D146.057.0107a03.01ཀྱང་དེ་ལ་རྒྱལ་པོའི་ཚུལ་རྙིང་དག་བསྟན་པར་བགྱི་སྟེ། སྐབས་ཕྱེ་ན་ཚིག་གི་ཚུལ་འཇམ་པོས་སྐྱོན་བརྗོད་པར་བགྱི་སྟེ། དེ་ལྟར་ན་དེས་འདི་ལྟ་སྟེ་ནང་གི་སྟོབས་སམ། ཕྱི་རོལ་གྱི་སྟོབས་ལ་བརྟེན་ཅིང་བདག་ཉིད་མི་སྲུན་པ་ལས་ལེགས་པར་ཆད་པས་བཅད་པར་འགྱུར་རོ། །སྨྲས་པ།
D146.057.0107a04.01བྲམ་ཟེ་སྣོད་ཀྱི་འཇིག་རྟེན་གྱིས་ཡོངས་སུ་ཟིན་པའི་སྐྱེ་དགུ་ཆོས་དང་ལྡན་པའི་རྒྱལ་པོས་ཇི་ལྟར་བསྲུང་བར་བྱ། སྨྲས་པ། རྒྱལ་པོ་ཆེན་པོ་མི་སྲེག །མི་གཞིག་པ་ལ་སོགས་པས་བགྱིས་ཏེ། འདི་ལྟར་རྒྱལ་པོ་ཁྲོ་བའི་གནས་ལ་ཁྲོས་ཀྱང་གྲོང་བསྲེག་པའམ། གྲོང་ཁྱེར་བསྲེག་པའམ།
D146.057.0107a05.01རྫིང་དྲལ་བའམ། གནས་གཞིག་པའམ། བཟའ་ཤིང་བཅད་པའམ། ལོ་གཞོམ་པའམ། གང་ཅི་ཡང་རུང་སྟེ་ལེགས་པར་བཤམས་པ། ལེགས་པར་བསྒྲུབས་པ། ལེགས་པར་བྲེས་པའི་སའི་ཕྱོགས་ཉམས་དགའ་བ་དེ་དང་དེ་དག་གཞིག་པར་བགྱི་བར་མི་རིགས་སོ། །དེ་ཅིའི་སླད་
D146.057.0107a06.01དུ་ཞེ་ན་འདི་ལྟར་དངོས་པོ་དེ་དག་ནི་དེ་མ་ལགས་པའི་སེམས་ཅན་གཞན་དག་དང་ཐུན་མོང་གི་ཉེ་བར་འཚོ་བ་ལགས་ཏེ། དེ་དག་གིས་ནོངས་པར་མ་བགྱིས་པའི་སླད་དུའོ། །རྒྱལ་པོ་ཆེན་པོ་འདི་ལྟར་དངོས་པོ་དེ་དག་ལ་ཁྱིམ་དང་གཙུག་ལག་ཁང་དང་། མཆོད་རྟེན་དང་བཟའ་ཤིང་ར་བ་ལ་
D146.057.0107a07.01