完整藏文原文 · 德格版页 当前仅加载第 57 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་ཡིད་ཆེས་པར་དཀའ་ལ། རྟོགས་པར་དཀའ་བ་སྟེ། མུན་སྤྲུལ་དུ་མངོན་པར་ཡིད་ཆེས་པའམ། འཇུག་པར་མི་ནུས་སོ། །འཇམ་དཔལ་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ་བབ་པའི་ཚེ་ཆོས་ཀྱི་རྣམ་གྲངས་འདི་གང་ལ་ལ་དག་གིས་ཐོས་
D146.057.0141a01.01ཏེ། ཡིད་ཆེས་པར་གྱུར་ཏམ། ཚོལ་ལམ་རྟོག་ན་དེ་དག་ནི་འཇམ་དཔལ་ཁྱོད་ཀྱིས་སངས་རྒྱས་མང་པོ་ལ་བསྙེན་བཀུར་བྱས་པ། ལེགས་པར་སྤྱོད་པ་སྤྱད་པ། ཐེག་པ་ཆེན་པོ་འདིའི་སྣོད་དུ་གྱུར་པར་ངེས་པར་རིག་པར་བྱ་སྟེ། རིགས་ཀྱི་བུའམ། རིགས་ཀྱི་བུ་མོ་གང་དག་
D146.057.0141a02.01ཆོས་ཀྱི་རྣམ་གྲངས་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གླེགས་བམ་དུ་བྱས་ཤིང་འཆང་བ་དེ་དག་ཐམས་ཅད་ཀྱིས་ཀྱང་བདག་ཅག་གིས་ནི་སྔོན་དེ་བཞིན་གཤེགས་པ་གང་གཱའི་ཀླུང་གི་བྱེ་མ་སྙེད་དག་མཐོང་བར་གྱུར་ཏོ། །མཉེས་པར་
D146.057.0141a03.01བྱས་སོ། །བསྙེན་བཀུར་བྱས་སོ་ཞེས་བྱ་བ་དང་། དེ་དག་གིས་ནི་ང་ཡང་སྐྱེད་མོས་ཚལ་འདི་ན་ཆོས་ཀྱི་རྣམ་གྲངས་འདི་བསྟན་པ་དང་། འཁོར་འདུས་པ་འདི་ཡང་མཐོང་ངོ་ཞེས་དེ་ལྟར་ཤེས་པར་བྱའོ། །དེའི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།
D146.057.0141a04.01ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་ལོང་ཤིག །ཟུང་ཤིག །ཀུན་ཆུབ་པར་གྱིས་ཤིག །དབང་པོ་རྣོན་པོ་རྣམས་མ་གཏོགས་པར་གར་བབ་བབ་ཀྱི་མདུན་དུ་མ་སྟོན་ཅིག །དེ་ཅིའི་ཕྱིར་ཞེ་ན། ཀུན་དགའ་བོ་འདི་ནི་དེ་བཞིན་གཤེགས་པའི་གསང་བ་ཡིན་པ་དང་། འདི་ནི་
D146.057.0141a05.01དེ་བཞིན་གཤེགས་པའི་གསང་ཆེན་ཡིན་པ་དང་། འདི་ནི་དེ་བཞིན་གཤེགས་པའི་བར་ཆད་མེད་པའི་ཆོས་བསྟན་པ་ཡིན་པ་དང་། འདི་ནི་དེ་བཞིན་གཤེགས་པའི་ཕྱག་རྒྱ་ཡིན་པ་དང་། འདི་ནི་དེ་བཞིན་གཤེགས་པའི་བསྲུང་བ་བསྒོམ་པ་ཡིན་པ་དང་། འདི་ནི་དེ་བཞིན་གཤེགས་
D146.057.0141a06.01པའི་གཏེར་གྱི་མཆོག་ཡིན་པའི་ཕྱིར་ཏེ། ཀུན་དགའ་བོ་དེ་བས་ན་ངའི་བུ་ཐུ་བོ་ཆོས་ཀྱི་མཛོད་འཛིན་པ། ཆོས་ཀྱི་མཛོད་སྲུང་བ་དེ་དག་ལ་སྦྱིན་པར་བྱ་བ་མ་གཏོགས་པར་འདི་ནི་ཤིན་ཏུ་སྦ་བར་བྱ་ཞིང་སུ་ལའང་སྦྱིན་པར་མི་བྱའོ། །ཀུན་དགའ་བོས་གསོལ་པ་བཅོམ་ལྡན་འདས་བདག་གིས་ཆོས་ཀྱི་
D146.057.0141a07.01