完整藏文原文 · 德格版页 当前仅加载第 57 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
པ། རྒྱལ་པོ་ཆེན་པོ་འདི་ལྟར་སྐྱེ་དགུ་ཞེས་བགྱི་བ་ནི་ཉེ་བར་ལེན་པའི་ཕུང་པོ་ལྔའི་ཚིག་{བླ་དགས་,བླ་དྭགས་}ཏེ། ལྔ་པོ་དག་གང་ཞེ་ན། གཟུགས་ཉེ་བར་ལེན་པའི་ཕུང་པོ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཉེ་བར་ལེན་པའི་
D146.057.0102a01.01ཕུང་པོའོ། །རྒྱལ་པོ་ཆེན་པོ་ཡང་ཉེ་བར་ལེན་པའི་ཕུང་པོ་ལྔ་པོ་དེ་དག་ཉིད་ཉེ་བར་བཟུང་སྟེ། སེམས་ཅན་གྱི་འཇིག་རྟེན་དང་སྣོད་ཀྱི་འཇིག་རྟེན་གདགས་པ་ལགས་སོ། །དེ་ལ་སེམས་ཅན་གྱི་འཇིག་རྟེན་གདགས་པ་ནི་སྐྱེ་གནས་བཞིས་ཟིན་པ་སྟེ། མངལ་ནས་སྐྱེ་བ་དང་། སྒོ་ང་ལས་སྐྱེ་བ་དང་།
D146.057.0102a02.01དྲོད་གཤེར་ལས་སྐྱེ་བ་དང་། བརྫུས་ཏེ་སྐྱེ་བའོ། །སྣོད་ཀྱི་འཇིག་རྟེན་གདགས་པ་ནི་ས་དང་། ཆུ་དང་། མེ་དང་། རླུང་དང་། ནམ་མཁའི་ཁམས་ཀྱིས་ཟིན་པའོ། །སྨྲས་པ། བྲམ་ཟེ་སྐྱེ་དགུ་སྐྱོང་བ་གང་ཡིན། སྨྲས་པ། རྒྱལ་པོ་ཆེན་པོ་རང་གི་ལས་ཀྱི་དབང་དང་བདག་པོའོ། །སྨྲས་
D146.057.0102a03.01པ། བྲམ་ཟེ་རྣམ་པ་གང་གིས་ཇི་ལྟར་རང་གི་ལས་ཀྱི་དབང་སྐྱེ་དགུ་སྐྱོང་བར་བྱེད། སྨྲས་པ། རྒྱལ་པོ་ཆེན་པོ་སེམས་ཅན་གང་དག་རང་གི་ལས་ཀྱི་དབང་གིས་རྣམ་པ་དེ་ལྟ་བུའི་གནས་སུ་སྐྱེས་ཤིང་བདག་གིར་བགྱི་བ་མ་མཆིས་པ་དང་། ཡོངས་སུ་བཟུང་བ་མ་མཆིས་པ་
D146.057.0102a04.01དང་མ་རྨོས་མ་བཏབ་པའི་ཡོ་བྱད་རྣམས་ལ་སྤྱོད་ཅིང་ནད་དང་དགྲ་དང་། སྡུག་བསྔལ་ཆེན་པོ་རྣམ་པར་སྤངས་པས་གཅིག་ལ་གཅིག་མི་འཁུ་ཞིང་ཇི་སྲིད་འཚོའི་བར་དུ་འབྱོར་པ་དང་། མོད་པའི་ཡུལ་དུ་བདེ་བ་ལ་རེག་པར་གནས་ཤིང་དུས་ལ་བབ་སྟེ། ལུས་ཞིག་ནས་བདེ་
D146.057.0102a05.01འགྲོ་མཐོ་རིས་ཀྱི་འཇིག་རྟེན་དུ་ལྷའི་ནང་དུ་སྐྱེ་བར་འགྱུར་བ་དག་མཆིས་ཏེ། འདི་ལྟ་སྟེ་དཔེར་ན། བྱང་གི་སྒྲ་མི་སྙན་གྱི་སེམས་ཅན་ལྟ་བུ་དག་ལགས་སོ། །སེམས་ཅན་གང་དག་རང་གི་ལས་ཀྱི་དབང་གིས་རྣམ་པ་དེ་ལྟ་བུའི་དུས་སུ་སྐྱེ་ཞིང་འོད་རང་ལས་འབྱུང་བ། ནམ་མཁའ་
D146.057.0102a06.01ལ་མཆི་བ། དགའ་བའི་ཁ་ཟས་དང་ལྡན་པ། མངལ་ནས་མ་སྐྱེས་པ། ཚེ་རིང་བ་ཡུན་རིང་པོར་འཚོ་བ་དག་མཆིས་ཏེ། འདི་ལྟ་སྟེ་དཔེར་ན། བསྐལ་པ་དང་པོ་པའི་སེམས་ཅན་ལྟ་བུ་དག་ལགས་སོ། །སེམས་ཅན་གང་དག་རང་གི་ལས་ཀྱི་དབང་གིས་སྔོན་གྱི་བསོད་
D146.057.0102a07.01