完整藏文原文 · 德格版页 当前仅加载第 57 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲོས་པ་མེད་པ། བརྟགས་པ་མེད་པ། རྣམ་པར་བསྒྲུབས་པ་མེད་པ། དངོས་པོ་མེད་པ། རྫས་མེད་པ། ངར་འཛིན་པ་མེད་པ། དབའ་རླབས་མེད་པ། གཟུང་བ་མེད་པ། གནས་མེད་པ། གནས་ཀྱི་ཚིག་གི་ལམ་ཐམས་ཅད་ལས་ཡང་དག་པར་འདས་པའོ། །རྣམ་པར་ངེས་པ་ཞེས་བྱ་བ་ནི་
D146.057.0132b01.01བསམ་པ་དང་། གཞལ་བ་དང་། བགྲང་བ་དང་། བརྟག་པ་དང་། གཞན་གྱི་སེམས་ཀྱི་རྒྱུད་ལ་གོ་བར་བྱེད་པའོ། །དོན་ཞེས་བྱ་བ་ནི་དོན་སོ་སོ་ཡང་དག་པར་རིག་པའོ། །རྣམ་པར་ངེས་པ་ཞེས་བྱ་བ་ནི་ཆོས་དང་ངེས་པའི་ཚིག་དང་སྤོབས་པ་སོ་སོ་ཡང་དག་པར་རིག་པ་སྟེ། བཙུན་པ་ཤ་ར་
D146.057.0132b02.01དྭ་ཏིའི་བུ་འདི་ནི་མདོར་ན་དོན་ཏོ། །འདི་ནི་རྣམ་པར་ངེས་པའོ། །དེ་ནས་བཅོམ་ལྡན་འདས་ཀྱིས་རིགས་ཀྱི་བུ་བདེན་སྨྲ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ལེགས་སོ་ལེགས་སོ། །ཇི་ལྟར་ཁྱོད་སྟོན་པ་དེ་ལྟར་གཞན་གྱིས་ཀྱང་བསྟན་པར་བྱའོ། །ཁྱོད་ཀྱིས་བསྟན་པ་འདི་བཤད་པས་
D146.057.0132b03.01ལྷའི་བུ་སྟོང་ཕྲག་གསུམ་མི་སྐྱེ་བའི་ཆོས་ལ་བཟོད་པ་སྐྱེས་པར་གྱུར་ཏོ། །སྲོག་ཆགས་ཉི་ཁྲིས་ཁྱོད་ཀྱི་སྤོབས་པའི་ཆེ་བ་ཕུན་སུམ་ཚོགས་པ་འདི་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་པར་གྱུར་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་མཽད་གལ་གྱི་བུ་ཆེན་པོས་
D146.057.0132b04.01འདི་སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུ་བདེན་སྨྲས་མུ་སྟེགས་ཅན་གྱི་ཆ་བྱད་འདིས་སེམས་ཅན་ཇི་སྙེད་ཅིག་ཡོངས་སུ་སྨིན་པར་བགྱིས་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །མཽད་གལ་གྱི་
D146.057.0132b05.01བུ་ཆེན་པོ་གནས་འདི་ཐོས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མ་གཏོགས་པར་ལྷ་དང་བཅས་པའི་འཇིག་རྟེན་རྨོངས་པར་འགྱུར་རོ། །མཽད་གལ་གྱི་བུ་ཆེན་པོ་འོན་ཀྱང་མགོ་ཙམ་ཞིག་བསྟན་གྱིས་རིགས་ཀྱི་བུ་བདེན་སྨྲ་འདིས་ཁ་དོག་དང་། གཟུགས་དང་། སྤྱོད་ལམ་སྣ་ཚོགས་ཀྱིས་སེམས་ཅན་
D146.057.0132b06.01ཇི་སྙེད་ཡོངས་སུ་སྨིན་པར་བྱས་པ་ཉོན་ཅིག །མཽད་གལ་གྱི་བུ་ཆེན་པོ་རིགས་ཀྱི་བུ་བདེན་སྨྲ་འདིས་མུ་སྟེགས་ཅན་གྱི་གཟུགས་སུ་གནས་ཏེ། སེམས་ཅན་རི་རབ་ཀྱི་རྡུལ་ཕྲ་རབ་ཀྱི་རྡུལ་སྙེད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །སྤྱོད་པའི་གཟུགས་ཀྱིས་སེམས་ཅན་
D146.057.0132b07.01