完整藏文原文 · 德格版页 当前仅加载第 57 函德格 94b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་སེམས་ཅན་དམུ་རྒོད་མེད་པའི་ཕྱིར་སེམས་ཅན་ཅང་ཤེས་ཀྱི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་ཐེག་པ་གཅིག་གིས་ངེས་པར་འབྱུང་བའི་ཕྱིར་ཐེག་པའི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་རྫས་ཀྱི་
D146.057.0094b01.01ལྷག་མ་ཡོད་པའི་ཕྱིར་སའི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་གཞན་མུ་སྟེགས་ཅན་ཐམས་ཅད་ཀྱི་བསྟན་པ་མི་སྤྱོད་པའི་ཕྱིར་བསྟན་པའི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་གཡོ་མེད་པའི་ཕྱིར་ཡོན་ཏན་གྱི་སྙིང་པོ་དང་ལྡན་པ་ཡིན། སངས་རྒྱས་
D146.057.0094b02.01ཀྱི་ཞིང་དེ་ནི་སེམས་ཅན་རང་བཞིན་གྱིས་དཀར་བའི་གནས་སུ་གྱུར་པའི་ཕྱིར་བསམ་པ་དང་ལྷག་པའི་བསམ་པའི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་སྦྱིན་པའི་གནས་དང་མི་འབྲལ་བའི་ཕྱིར་འཕགས་པའི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་སྔོན་གྱི་དེ་
D146.057.0094b03.01བཞིན་གཤེགས་པ་རྣམས་བཞུད་ཅིང་རྗེས་སུ་བཞུད་པའི་ཕྱིར་བྱང་ཆུབ་ཀྱི་སྙིང་པོ་དང་ལྡན་པ་ཡིན་ཏེ། འཇམ་དཔལ་གང་དུ་སངས་རྒྱས་བཅོམ་ལྡན་འདས་བྱང་ཆུབ་མངོན་པར་རྫོགས་པར་འཚང་རྒྱ་བའི་སངས་རྒྱས་ཀྱི་ཞིང་དེ་ནི་ཡོན་ཏན་གྱི་སྙིང་པོ་དེ་དག་དང་ལྡན་པ་ཡིན་ནོ། །
D146.057.0094b04.01ཐབས་ལ་མཁས་པའི་ལེའུ་སྟེ་གསུམ་པའོ།། །།འཇམ་དཔལ་དེ་ལྟར་རྣམ་གྲངས་དེས་ཀྱང་འདི་ལྟར་ང་ལ་ཉན་ཐོས་དང་རང་སངས་རྒྱས་ཀྱི་ཐེག་པ་རྣམ་པར་བཀོད་པ་མེད་པར་ཁྱོད་ཀྱིས་རིག་པར་བྱའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ལ་འདུ་ཤེས་ཐ་
D146.057.0094b05.01དད་པ་མེད་པའི་ཕྱིར་རོ། །འཇམ་དཔལ་གལ་ཏེ་དེ་བཞིན་གཤེགས་པ་སེམས་ཅན་ཁ་ཅིག་ལ་ནི་ཐེག་པ་ཆེན་པོ་སྟོན། ཁ་ཅིག་ལ་ནི་རང་སངས་རྒྱས་ཀྱི་ཐེག་པ་སྟོན། ཁ་ཅིག་ལ་ནི་ཉན་ཐོས་ཀྱི་ཐེག་པ་སྟོན་ན། དེ་ནི་དེ་བཞིན་གཤེགས་པའི་སེམས་ཡོངས་སུ་མ་དག་པར་
D146.057.0094b06.01འགྱུར་རོ། །སེམས་མ་སྙོམས་པ་ཉིད་དུ་ཡང་འགྱུར་རོ། །མངོན་པར་ཞེན་པའི་སྐྱོན་དུ་ཡང་འགྱུར་རོ། །སྙིང་རྗེ་ཆེན་པོ་ཕྱོགས་གཅིག་པར་ཡང་འགྱུར་རོ། །འདུ་ཤེས་ཐ་དད་པའི་སྐྱོན་དུ་ཡང་འགྱུར་རོ། །ངས་ཆོས་ལ་སློབ་དཔོན་གྱི་དཔེ་མཁྱུད་བྱས་པར་ཡང་འགྱུར་རོ། །
D146.057.0094b07.01