完整藏文原文 · 德格版页 当前仅加载第 57 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ། །འདུས་པ་གསུམ་པ་ནི་བྱང་ཆུབ་སེམས་དཔའ་དཀྲིགས་ཕྲག་དྲུག་ཅུར་འགྱུར་ཏེ། དེ་ཕྱིན་ཅད་སེམས་ཅན་གྲངས་དང་བགྲང་བ་ལས་འདས་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་ལ་འགོད་པར་འགྱུར་རོ། །འཇམ་དཔལ་དེ་
D146.057.0136b01.01བཞིན་གཤེགས་པ་བདེན་པའི་བློ་གྲོས་ཀྱི་ཏོག་གི་རྒྱལ་པོ་དེ་བྱང་ཆུབ་ཐོབ་པའི་ཚེའི་ཚད་ནི་བར་གྱི་བསྐལ་པ་དྲུག་ཅུར་འགྱུར་རོ། །དེ་ཡོངས་སུ་མྱ་ངན་ལས་འདས་ནས་ཀྱང་ལོ་བྱེ་བ་ཁྲག་ཁྲིག་འབུམ་ཕྲག་བརྒྱད་ཅུར་དམ་པའི་ཆོས་གནས་པར་འགྱུར་རོ། །དམ་པའི་ཆོས་རྒྱས་པས་
D146.057.0136b02.01སེམས་ཅན་དེ་སྙེད་འདུལ་བར་འགྱུར་རོ། །འཇམ་དཔལ་དེ་བཞིན་གཤེགས་པ་དེ་གང་གི་ཚེ་ཡོངས་སུ་མྱ་ངན་ལས་འདའ་བར་འགྱུར་བ་དེའི་ཚེ་བྱང་ཆུབ་སེམས་དཔའ་ཏོག་ཆེན་པོ་ཞེས་བྱ་བ་འདི་ངའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་
D146.057.0136b03.01རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་བཀོད་པ་ཆེན་པོ་ཞེས་བྱ་བར་འགྱུར་རོ་ཞེས་བྱང་ཆུབ་སེམས་དཔའ་ཏོག་ཆེན་པོ་ཞེས་བྱ་བ་ལུང་བསྟན་ནས་ཡོངས་སུ་མྱ་ངན་ལས་འདའ་བར་འགྱུར་རོ། །དེ་ནས་དེའི་ཚེ་ཐམས་ཅད་དང་
D146.057.0136b04.01ལྡན་པའི་འཁོར་དེ་དེའི་ཚེ་དེའི་དུས་ན་བྱང་ཆུབ་སེམས་དཔའ་ཏོག་ཆེན་པོ་ཞེས་བྱ་བ་འབྱུང་ཞིང་། བཅོམ་ལྡན་འདས་དེ་བཞིན་གཤེགས་པ་བདེན་པའི་བློ་གྲོས་ཀྱི་ཏོག་གི་རྒྱལ་པོ་དེའི་འོག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ།
D146.057.0136b05.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཀོད་པ་ཆེན་པོ་ཞེས་བྱ་བར་འགྱུར་བ་དེ་གང་ཞིག་ཡིན་སྙམ་དུ་ཡ་མཚན་དུ་འཛིན་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་དེའི་སེམས་ཀྱི་རྣམ་པར་རྟོག་པ་ཐུགས་
D146.057.0136b06.01ཀྱིས་ཐུགས་སུ་ཆུད་ནས་འཇམ་དཔལ་གཞོན་ནུར་གྱུར་པ་ལ་བཀའ་སྩལ་པ། འཇམ་དཔལ་རིགས་ཀྱི་བུ་བདེན་སྨྲ་འདིའི་མདུན་དུ་བྲམ་ཟེའི་ཁྱེའུ་བདེན་དགའ་ཞེས་བྱ་བ་འདུག་པ་བྲམ་ཟེའི་བྱིས་པ་ཐམས་ཅད་ཀྱི་ནང་ན་མཆོག་ཏུ་བྱ་བ་འདི་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་
D146.057.0136b07.01