完整藏文原文 · 德格版页 当前仅加载第 57 函德格 90b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོན་ཏན་ཆོས་རྣམས་རབ་ཏུ་རྟོགས་གྱུར་ན། །འཕགས་པ་སངས་རྒྱས་ཡོན་ཏན་གནས་པར་འགྱུར། །མཐའ་གཉིས་རྣམ་པར་སྤང་བ་བྱས་པས་ན། །བདག་དང་གཞན་ལ་རྟག་ཏུ་གནོད་མེད་པར། །བཟོད་པ་ཕུན་སུམ་ཚོགས་པ་མྱུར་བསྒོམ་ཞེས། །ཐུགས་རྗེ་ཆེན་པོའི་
D146.057.0090b01.01དབང་པོ་དེ་སྐད་གསུང་། །རྟག་ཏུ་རྣམ་རྟོག་མེད་པར་བྱ་བ་ལ། །དེ་ནི་བརྟན་པའི་ཡིད་ཀྱིས་བཟོད་པ་སྟེན། །ཟད་པ་ཤེས་པ་བདག་གིས་ཐོབ་བྱ་ཞེས། །ཉོན་མོངས་ཞི་བར་བྱ་ཕྱིར་བཟོད་པ་སྟེན། །མཚན་གཟུགས་དཔེ་བྱད་བཟང་པོ་དག་བྱ་དང་། །ཚངས་པའི་གནས་སུ་
D146.057.0090b02.01འགྲོ་བར་སུ་འདོད་པ། །བརྩོན་འགྲུས་བརྟན་པ་དེ་ཡིས་བཟོད་སྟོབས་སྟེན། །བཟོད་ལ་མོས་ན་ཐམས་ཅད་འབྱོར་པར་འགྱུར། །བདུད་ཀྱི་སྟོབས་ནི་སྟོབས་མེད་བྱ་བ་ལ། །བཟོད་པ་འདྲ་བ་སྟོབས་ཟླ་གང་ཡང་མེད། །དེ་ནི་ཡོན་ཏན་ཀུན་གྱི་འབྱུང་གནས་ཏེ། །དེ་ཕྱིར་བཟོད་
D146.057.0090b03.01པའི་ཡོན་ཏན་དེ་བསྟེན་བྱ། །རིགས་ཀྱི་བུ་གཞན་ཡང་བྱང་ཆུབ་སེམས་དཔས་རྟུལ་བ་བཅུ་གཉིས་ཀྱིས་བརྩོན་འགྲུས་བརྩམ་པར་བྱའོ། །བཅུ་གཉིས་པོ་དག་གང་ཞེ་ན། འདི་ལྟ་སྟེ། ཆོས་ཐམས་ཅད་མངོན་པར་རྫོགས་པར་བྱང་ཆུབ་པར་བྱ་བའི་རྟུལ་བས་བརྩོན་འགྲུས་བརྩམ་
D146.057.0090b04.01པར་བྱ་བ་དང་། དེ་བཞིན་གཤེགས་པ་ཐམས་ཅད་ཀྱི་དྲུང་དུ་འགྲོ་བའི་རྟུལ་བས་བརྩོན་འགྲུས་བརྩམ་པར་བྱ་བ་དང་། དེ་བཞིན་གཤེགས་པ་ཐམས་ཅད་མཆོད་ཅིང་རིམ་གྲོ་བྱ་བའི་རྟུལ་བས་བརྩོན་འགྲུས་བརྩམ་པར་བྱ་བ་དང་། དེ་བཞིན་གཤེགས་པ་ཐམས་ཅད་མཉེས་
D146.057.0090b05.01པར་བྱ་བའི་རྟུལ་བས་བརྩོན་འགྲུས་བརྩམ་པར་བྱ་བ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་རྟུལ་བས་བརྩོན་འགྲུས་བརྩམ་པར་བྱ་བ་དང་། སེམས་ཅན་ཐམས་ཅད་སངས་རྒྱས་ཀྱི་ཆོས་ལ་དགོད་པའི་རྟུལ་བས་བརྩོན་འགྲུས་བརྩམ་པར་བྱ་བ་དང་། སེམས་
D146.057.0090b06.01ཅན་ཐམས་ཅད་ཀྱི་མི་ཤེས་པ་བསལ་བའི་རྟུལ་བས་བརྩོན་འགྲུས་བརྩམ་པར་བྱ་བ་དང་། སེམས་ཅན་ཐམས་ཅད་ལ་སངས་རྒྱས་ཀྱི་ཡེ་ཤེས་ཉེ་བར་བསྒྲུབ་པའི་རྟུལ་བས་བརྩོན་འགྲུས་བརྩམ་པར་བྱ་བ་དང་། སངས་རྒྱས་ཀྱི་ཞིང་ཐམས་ཅད་ཡོངས་སུ་སྦྱོང་བའི་རྟུལ་བས་བརྩོན་
D146.057.0090b07.01