完整藏文原文 · 德格版页 当前仅加载第 57 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ང་ཡི་མྱ་ངན་འདའ་གཅིག་ཐེག་པ་གཅིག །ང་ཡི་ཐེག་པ་ཐ་དད་མེད་པ་སྟེ། །ཡང་དག་ཏུ་ན་ཐེག་པ་གཅིག་ཏུ་བསྟན། །དེ་ནི་ཐབས་ཀྱི་ཡུལ་དུ་ཤེས་པར་གྱིས། །རྒྱུད་ཞན་བསམ་པ་ཆུང་བའི་སྐྱེ་བོ་དག །འཕྲལ་དུ་ཐོས་པས་འཇིགས་པར་འགྱུར་སྲིད་ཅེས། །དེ་དག་
D146.057.0098a01.01རྣམས་ལ་ཐེག་པ་གསུམ་བསྟན་གྱི། །ཐེག་པ་གཅིག་སྟེ་ཐེག་པ་གཉིས་སུ་མེད། །ངས་བསྟན་འདིས་ནི་ཆོས་ལ་མོས་པ་དང་། །བསྟན་པའི་ལམ་ལ་དེ་བཞིན་འཇུག་འགྱུར་ཞེས། །ཐེག་པ་གཅིག་པོ་རྣམ་པ་གསུམ་དུ་བསྟན། །ཐེག་པ་ཐ་དད་ནམ་ཡང་ཡོད་པ་མིན། །དཔེར་
D146.057.0098a02.01ན་འཕོང་ཤེས་ཕ་རོལ་ཕྱིན་གྱུར་པ། །ཤེས་པ་དེ་ཉིད་རྣམ་པ་གསུམ་དུ་སྟོན། །དེ་བཞིན་སྟོན་པ་ཆོས་ལ་མཁས་པའི་མཆོག །ཐེག་པ་གཅིག་པོ་རྣམ་པ་གསུམ་དུ་སྟོན། །འདྲེན་པ་སེམས་ཅན་ཀུན་ལ་མཉམ་པའི་སེམས། །ང་ལ་ཐ་དད་འདུ་ཤེས་ནམ་ཡང་མེད། །ཐེག་པ་དམན་
D146.057.0098a03.01པ་གཞན་ལ་ངས་བསྟན་ན། །དེ་ནི་ང་ལ་སེར་སྣའི་སྐྱོན་དུ་འགྱུར། །དཔེར་ན་རིན་ཆེན་དམ་པ་ཨན་ད་རྙིལ། །གང་དང་གང་གི་གནས་སུ་གཞག་གྱུར་པ། །ཕྱོགས་དེ་ཐམས་ཅད་མདོག་གཅིག་སྒྱུར་བྱེད་དེ། །ཁ་དོག་སྔོན་པོར་གྱུར་ཡང་རྟོག་པ་མེད། །འཇིག་རྟེན་འདྲེན་པ་ཡེ་ཤེས་རིན་
D146.057.0098a04.01ཆེན་ཡང་། །དེ་བཞིན་འོད་འགྱེད་ཞིང་ཀུན་རྒྱས་མཛད་ཅིང་། །སྲོག་ཆགས་ཐམས་ཅད་ཁ་དོག་གཅིག་བསྒྱུར་ཏེ། །བྱང་ཆུབ་མཆོག་བསྒྱུར་རྣམ་རྟོག་སེམས་མི་མངའ། །དཔེར་ན་མེ་སྟག་ཆུང་ངུ་འཕེལ་གྱུར་ན། །མེ་ལྕེ་ཆེན་པོ་འབར་ཞིང་མཆེད་པ་ལྟར། །ཉན་ཐོས་ཡེ་ཤེས་མེ་ཡི་མེ་
D146.057.0098a05.01སྟག་ཀྱང་། །དེ་ཉིད་སངས་རྒྱས་ཡོན་ཏན་མེ་ལྕེ་སྐྱེད། །དཔེར་ན་གང་དག་རི་རྒྱལ་ལྷུན་པོའི་དྲུང་། །ཕྱིན་པ་དེ་དག་དེ་མཐུས་མདོག་གཅིག་འགྱུར། །དེ་བཞིན་སྟོབས་བཅུ་དག་ན་གང་འོངས་པ། །མཁས་པ་དེ་དག་བྱང་ཆུབ་མཆོག་ཏུ་འགྱུར། །དཔེར་ན་སྦྲང་མ་དག་གི་མཆུ་ཡིས་
D146.057.0098a06.01ནི། །བཟང་དང་མི་བཟང་སྣ་ཚོགས་གང་བླངས་པ། །དེ་དག་ཐམས་ཅད་གཅིག་ཏུ་བསོགས་བྱས་ཤིང་། །སྦྲང་རྩི་ཉིད་དུ་སྒྱུར་བར་བྱེད་པ་ལྟར། །དེ་བཞིན་མཁས་པ་འཇིག་རྟེན་གྲགས་པ་ཡང་། །ཐེག་པ་གསུམ་པོ་ཉེ་བར་བསྟན་མཛད་ཅིང་། །དཀར་པོ་ཐམས་ཅད་ཡོངས་སུ་
D146.057.0098a07.01