完整藏文原文 · 德格版页 当前仅加载第 57 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། སྨྲས་པ། མི་རིགས་པའི་ཆགས་པ་དང་ཞེ་སྡང་དང་གཏི་མུག་རྣམ་པར་སྤངས་པའི་སླད་དུའོ། །སྨྲས་པ། ཇི་ལྟར་ན་སྙོམས་པ་ཡིན། སྨྲས་པ། ཕྱོགས་སུ་མ་ལྷུང་བར་ཡོངས་སུ་སྐྱོང་བའི་སླད་དུའོ། །སྨྲས་པ། ཇི་ལྟར་ན་ལེགས་པར་ཕབ་སྟེ་གནས་པར་འགྱུར།
D146.057.0103b01.01སྨྲས་པ། གཞན་དག་རང་རང་གི་རིས་ནས་མ་སྐྱེས་པའི་སླད་དུའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་འདི་ལྟར་འཁོར་ལོས་སྒྱུར་བའི་རྒྱལ་པོ་གང་གི་ཚེ་གླིང་ལས་རྣམ་པར་རྒྱལ་བར་བགྱིད་པ་དེའི་ཚེ་དེ་ན་རྒྱལ་ཕྲན་ཇི་སྙེད་ཅིག་གནས་པ་དེ་དག་ལྷགས་ནས་འཁོར་
D146.057.0103b02.01ལོས་སྒྱུར་བའི་རྒྱལ་པོ་ལ་འདི་སྐད་ཅེས་མཆིའོ། །ལྷའི་རྣམ་པར་རྒྱལ་བ་འདི་དག་ནི་འབྱོར་པ་རྒྱས་པ། བདེ་བ། ལོ་ལེགས་པ། སྐྱེ་བོ་མང་པོ་དང་མིས་གཏམས་པ་ལགས་ཏེ། དེ་དག་ལྷས་བསྐྱང་བ་མཛད་དུ་གསོལ། བདག་ཅག་ཀྱང་ལྷའི་ཞབས་འབྲིང་འཚལ་
D146.057.0103b03.01ལོ་ཞེས་མཆིའོ། །དེ་དག་ལ་འཁོར་ལོས་སྒྱུར་བའི་རྒྱལ་པོ་འདི་སྐད་བསྒོ་སྟེ། དེའི་ཕྱིར་ཡུལ་གྱི་བདག་པོ་དག་རང་རང་གི་རྣམ་པར་རྒྱལ་བ་ལེགས་པར་སྐྱོང་ཤིག །དེ་ཡང་ཆོས་དང་འཐུན་པས་བསྐྱང་གི་ཆོས་དང་མི་འཐུན་པས་མ་ཡིན་ནོ། །སྙོམས་པས་བསྐྱང་
D146.057.0103b04.01གི་མི་སྙོམས་པས་མ་ཡིན་ནོ། །ཁྱེད་ཀྱིས་ཆོས་དང་མི་འཐུན་པར་སྤྱད་པའམ་མི་རིགས་པར་སྤྱད་པས་ཡུལ་འཁོར་ན་འཁོད་པར་དགའ་བར་མ་བྱེད་ཅིག །དེ་ལྟར་ན་ཁྱོད་ཀྱང་ངའི་རྗེས་སུ་འབྲང་བ་ཡིན་ནོ། །ཞེས་རྣམ་པ་དེ་ལྟ་བུའི་འཁོར་ལོས་སྒྱུར་བའི་རྒྱལ་པོ་ནི་སྐྱེ་དགུ་དེ་ལྟར་
D146.057.0103b05.01སྐྱོང་སྟེ། རྒྱལ་པོ་ཆེན་པོ་དང་ཁམས་ཀྱི་རྒྱལ་པོ་དང་རྒྱལ་ཕྲན་དེ་དག་ནི་དེའི་རྗེས་སུ་འབྲང་བ་ལགས་ཏེ། རྒྱལ་པོ་ཆེན་པོ་དེ་ལྟར་ན་བདག་པོས་སྐྱེ་དགུ་སྐྱོང་བ་ལགས་པའི་སླད་དུའོ། །སྨྲས་པ། བྲམ་ཟེ་ཆོས་དང་ལྡན་པའི་རྒྱལ་པོ་ཅི་ལ་གནས་ཤིང་སྐྱེ་དགུ་སྐྱོང་བར་བྱེད།
D146.057.0103b06.01སྨྲས་པ། རྒྱལ་པོ་ཆེན་པོ་འཁོར་ལོས་སྒྱུར་བའི་རྒྱལ་པོ་མ་གཏོགས་པར་གཞན་ནི་བསྟན་བཅོས་ལ་གནས་ཤིང་སྐྱེ་དགུ་སྐྱོང་ལགས་སོ། །དེ་ཅིའི་སླད་དུ་ཞེ་ན། འཁོར་ལོས་སྒྱུར་བའི་རྒྱལ་པོས་སྐྱེ་དགུ་སྐྱོང་བ་དེའི་ཚེ་ན་ཆོས་མ་ལགས་པའི་འདོད་པ་ལ་དགའ་བ་ལ་ཆགས་པ་
D146.057.0103b07.01