完整藏文原文 · 德格版页 当前仅加载第 57 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
ཉོན་མོངས་པ་ནི་བསྲབས། དགེ་བའི་ཕྱོགས་ནི་སྤེལ། ཚུལ་ཁྲིམས་དང་ལྡན་པ་རྣམས་ནི་ཚིམ་པར་བགྱིས། བདག་ལ་སྨན་པ་དང་། གཞན་ལ་སྨན་པ་ནི་མཛད་པར་གྱུར་ཏོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་སྦྱིན་པས་ནི་ལོངས་སྤྱོད་ཆེན་པོར་འགྱུར། ཁ་དོག་
D146.057.0112b01.01ཕུན་སུམ་ཚོགས་པས་ནི་ཁ་དོག་དང་ལྡན་པར་འགྱུར། དྲི་ཕུན་སུམ་ཚོགས་པས་ནི་གྲགས་པ་དང་ལྡན་པར་འགྱུར། རོ་ཕུན་སུམ་ཚོགས་པས་ནི་ཡོ་བྱད་དམ་པ་འཐོབ་པར་འགྱུར། རེག་ཕུན་སུམ་ཚོགས་པས་ནི་རྐང་ལག་འཇམ་ཞིང་གཞོན་ཤ་ཆགས་པར་འགྱུར། རིམ་
D146.057.0112b02.01གྲོར་བགྱིས་ཏེ་སྩལ་བས་ནི་གཉེན་ལ་སོགས་པས་རིམ་གྲོར་བགྱི་བར་འགྱུར། ལག་དར་ཏེ་སྩལ་བས་ནི་རིམ་གྲོ་པ་འཐོབ་པར་འགྱུར། དུས་སུ་སྩལ་བས་ནི་དོན་རྣམས་དུས་སུ་འགྲུབ་པར་འགྱུར། འཐུན་པ་ཡིད་དུ་འོང་བ་སྩལ་བས་ནི་ཡིད་དུ་འོང་བའི་ལོངས་སྤྱོད་རྣམས་ལ་
D146.057.0112b03.01སེམས་འཇུག་པར་འགྱུར། གཞན་ལ་མི་གནོད་པར་སྩལ་བས་ནི་ལོངས་སྤྱོད་བརྟན་པ་དག་འཐོབ་པར་འགྱུར། མི་བདེ་བ་བཟོད་པས་སྩལ་བས་ནི་འཁོར་སྙིང་ཉེ་བར་འགྱུར། ཁ་ཟས་སྩལ་བས་ནི་ཉམ་སྟོབས་དང་ལྡན་པར་འགྱུར། གོས་སྩལ་བས་ནི་མདོག་
D146.057.0112b04.01དང་ལྡན་པར་འགྱུར། མར་མེ་སྩལ་བས་ནི་མིག་དང་ལྡན་པར་འགྱུར། སིལ་སྙན་སྩལ་བས་ནི་མ་ཉམས་པའི་རྣ་བ་དང་ལྡན་པར་འགྱུར། བཞོན་པ་སྩལ་བས་ནི་བདེ་བར་འགྱུར། སྨན་སྩལ་བས་ནི་ནད་ཉུང་བར་འགྱུར། གནས་སྩལ་བས་ནི་ཐམས་ཅད་སྩལ་
D146.057.0112b05.01བར་འགྱུར། ཆོས་སྩལ་བས་ནི་བདུད་རྩི་སྩལ་བར་འགྱུར། སྲོག་གཅོད་པ་སྤངས་པས་ནི་ཚེ་རིང་བར་འགྱུར། མ་བྱིན་པར་ལེན་པ་སྤངས་པས་ནི་ལོངས་སྤྱོད་ཆེན་པོར་འགྱུར། འདོད་པ་ལ་ལོག་པར་གཡེམ་པ་སྤངས་པས་ནི་འགྲན་ཟླ་མ་མཆིས་པའི་ཆུང་མ་དང་
D146.057.0112b06.01ལྡན་པར་འགྱུར། {བརྫུན་,རྫུན་}དུ་སྨྲ་བ་སྤངས་པས་ནི་སྐུར་པ་ཉུང་བར་འགྱུར། ཕྲ་མ་སྤངས་པས་ནི་འཁོར་མི་ཕྱེད་པ་དང་ལྡན་པར་འགྱུར། ངག་རྩུབ་པོ་སྤངས་པས་ནི་ཡིད་དུ་འོང་བའི་སྒྲ་ཐོས་པར་འགྱུར། ཚིག་ཀྱལ་པ་སྤངས་པས་ནི་ཚིག་བཙུན་པར་འགྱུར།
D146.057.0112b07.01