完整藏文原文 · 德格版页 当前仅加载第 57 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་ཡོན་ལྡན་པ་འདི་ན་མང་དུ་མཆིས། །གང་དག་སྔོན་སངས་རྒྱས་ལ་སྤྱད་པ་ལེགས་སྤྱད་པ། །དེ་དག་རྣམས་ལ་ཐུབ་དབང་དེ་རིང་ཆོས་བསྟན་གསོལ། །དེ་དག་གུས་དང་བཅས་ཤིང་ཐལ་མོ་སྦྱར་མཆིས་ནས། །མི་ཡི་ལྷ་ཡི་ཞལ་དུ་ལྟ་ཞིང་མཆིས་ལགས་ན། །དྲང་
D146.057.0087a01.01སྲོང་ཆེན་པོ་དེ་སླད་ཐུགས་རྗེ་བསྐྱེད་མཛད་ཅིང་། །དམ་ཆོས་ཆར་པ་དགྱེས་པ་བཞིན་དུ་དབབ་ཏུ་གསོལ། །ཆོས་རྒྱལ་ཁྱོད་ལ་བདག་ནི་གསོལ་བ་འདེབས་ལགས་ན། །ཆོས་ཀྱི་དམ་པ་གྱ་ནོམ་རབ་ཏུ་བསྟན་དུ་གསོལ། །རྫོགས་པའི་བྱང་ཆུབ་སེམས་དཔའ་ཁྱུ་མཆོག་བསྡུ་སླད་དུ། །
D146.057.0087a02.01མགོན་པོ་དམ་ཆོས་ཕྱག་མཛོད་དབྱེ་བ་མཛད་དུ་གསོལ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། །འཇམ་དཔལ་ལེགས་སོ་ལེགས་སོ། །འཇམ་དཔལ་ཁྱོད་དེ་བཞིན་གཤེགས་པ་དགྲ་བཅོམ་
D146.057.0087a03.01པ་ཡང་དག་པར་རྫོགས་པའི་སངས་རྒྱས་ལ་དོན་འདི་འདྲི་བར་སེམས་པ་ལེགས་སོ་ལེགས་སོ། །འདི་ལྟར་འཇམ་དཔལ་ཁྱོད་ནི་ཆོས་འདི་དག་ལ་མངོན་སུམ་དུ་གནས་པ། ཆོས་ཐམས་ཅད་ལ་ཐེ་ཙོམ་མེད་ཅིང་ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་ལ་མཁས་པས་ངེས་པར་འབྱུང་
D146.057.0087a04.01བ་སྟེ། འཇམ་དཔལ་ཁྱོད་ནི་སྐྱེ་བོ་མང་པོ་ལ་ཕན་པའི་ཕྱིར་ཞུགས་པའོ། །འཇམ་དཔལ་ཁྱོད་ནི་མ་འོངས་པའི་བྱང་ཆུབ་སེམས་དཔའ་རྣམས་ལ་སྣང་བ་བྱ་བར་འདོད་པའོ། །འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག །བྱང་ཆུབ་སེམས་དཔའི་སྤྱོད་ཡུལ་གྱི་
D146.057.0087a05.01ཐབས་ཀྱི་ཡུལ་ལ་རྣམ་པར་འཕྲུལ་པ་བསྟན་པ་ཞེས་བྱ་བའི་ཆོས་ཀྱི་རྣམ་གྲངས་ངས་ཁྱོད་ལ་བཤད་དོ། །བཅོམ་ལྡན་འདས་དེ་བཞིན་འཚལ་ལོ་ཞེས་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་དེ་དག་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་
D146.057.0087a06.01དེ་དག་ལ་འདི་སྐད་ཅེས་བཀའ་སྩལ་པ། རིགས་ཀྱི་བུ་ཆོས་བཅུ་གཉིས་དང་ལྡན་པའི་རིགས་ཀྱི་བུ་འམ་རིགས་ཀྱི་བུ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེ་བར་འགྱུར་རོ། །བཅུ་གཉིས་གང་ཞེ་ན། འདི་ལྟ་སྟེ། རང་བཞིན་གྱིས་རྒྱ་ཆེན་པོ་ལ་མོས་ཤིང་དམན་པ་ལ་
D146.057.0087a07.01