完整藏文原文 · 德格版页 当前仅加载第 57 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པ་མཐོང་བ་མ་ཡིན་པའི་ཕྱིར་ཏེ། བཙུན་པ་ཤ་ར་དྭ་ཏིའི་བུ་མཚན་མ་ཐམས་ཅད་མ་མཐོང་བ་དེ་ནི་དེ་བཞིན་གཤེགས་པ་མཐོང་བའོ། །མངོན་པར་ཞེན་པ་མེད་པ་མཐོང་བ་ནི་དེ་བཞིན་གཤེགས་པ་མཐོང་བའོ། །དངོས་པོ་མེད་པ་མཐོང་བ་ནི་དེ་བཞིན་གཤེགས་པ་མཐོང་བའོ། །
D146.057.0130b01.01ངོ་བོ་ཉིད་མེད་པ་མཐོང་བ་ནི་དེ་བཞིན་གཤེགས་པ་མཐོང་བའོ། །ཡང་དག་པའི་མཐའ་མེད་པར་མཐོང་བ་ནི་དེ་བཞིན་གཤེགས་པ་མཐོང་བའོ། །མིག་གཟུགས་ལ་འདོད་ཆགས་དང་བྲལ་བར་མཐོང་བ་ནི་དེ་བཞིན་གཤེགས་པ་མཐོང་བའོ། །རྣ་བ་སྒྲ་ལ་རྣམ་པར་རིག་པ་མེད་པར་མཐོང་བ་ནི་
D146.057.0130b02.01དེ་བཞིན་གཤེགས་པ་མཐོང་བའོ། །སྣ་དྲི་ལ་འཕོ་བ་མེད་པར་མཐོང་བ་ནི་དེ་བཞིན་གཤེགས་པ་མཐོང་བའོ། །ལྕེ་རོ་ལ་རྣམ་པར་ཤེས་པར་མི་མཐོང་བ་ནི་དེ་བཞིན་གཤེགས་པ་མཐོང་བའོ། །ལུས་རེག་བྱ་ལ་རེག་པར་མི་མཐོང་བ་ནི་དེ་བཞིན་གཤེགས་པ་མཐོང་བའོ། །ཡིད་ཆོས་ལ་
D146.057.0130b03.01རྣམ་པར་མ་བརྟགས་པར་འཛིན་པ་མཐོང་བ་ནི་དེ་བཞིན་གཤེགས་པ་མཐོང་བའོ། །ཤ་ར་དྭ་ཏིའི་བུས་སྨྲས་པ་བདེན་སྨྲ་དེ་ལྟར་མཐོང་བས་གལ་ཏེ་དེ་བཞིན་གཤེགས་པ་མཐོང་བ་ཡིན་ན། འོ་ན་དེ་བཞིན་གཤེགས་པ་ཇི་ལྟར་བལྟ་བར་བྱ། བདེན་སྨྲས་སྨྲས་པ། བཙུན་པ་ཤ་ར་དྭ་ཏིའི་བུ་དེ་
D146.057.0130b04.01བཞིན་གཤེགས་པ་ནི་རིགས་སུ་མི་བལྟའོ། །རུས་སུ་མི་བལྟའོ། །མཚན་ཉིད་དུ་མི་བལྟའོ། །མཚན་ཉིད་མེད་པར་མི་བལྟའོ། །ཆོས་སུ་མི་བལྟའོ། །ཆོས་མ་ཡིན་པར་མི་བལྟའོ། །ཡང་དག་པར་མི་བལྟའོ། །ཡང་དག་པ་མ་ཡིན་པར་མི་བལྟའོ། །དམིགས་པར་མི་
D146.057.0130b05.01བལྟའོ། །དམིགས་པ་མེད་པར་མི་བལྟའོ། །ཡིད་ལ་བྱ་བར་མི་བལྟའོ། །ཡིད་ལ་བྱ་བ་མེད་པར་མི་བལྟའོ། །རྟོག་པར་མི་བལྟའོ། །མི་རྟོག་པར་མི་བལྟའོ། །འདུས་བྱས་སུ་མི་བལྟའོ། །འདུས་མ་བྱས་སུ་མི་བལྟའོ། །དངོས་པོ་ཡོད་པར་མི་བལྟའོ། །དངོས་པོ་མེད་པར་མི་བལྟའོ། །
D146.057.0130b06.01གོང་བུར་མི་བལྟའོ། །རྫས་སུ་མི་བལྟའོ། །གཟུགས་སུ་མི་བལྟའོ། །ཚོར་བར་མི་བལྟའོ། །འདུ་ཤེས་སུ་མི་བལྟའོ། །འདུ་བྱེད་རྣམས་སུ་མི་བལྟའོ། །རྣམ་པར་ཤེས་པར་མི་བལྟའོ། །ཉེ་བར་ལེན་པར་མི་བལྟའོ། །ཉེ་བར་ལེན་པ་མེད་པར་མི་བལྟའོ། །དེ་བཞིན་གཤེགས་པ་ནི་སྐྱེ་བར་
D146.057.0130b07.01