完整藏文原文 · 德格版页 当前仅加载第 57 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་རབ་རྣམས་དང་། དེའི་ཕྱི་བཞིན་བསྡད་པར་བགྱིའོ། །དེ་ལྟར་བགྱིས་ན་དེ་དག་ཆུ་གང་དང་། འཇིགས་པ་དང་། སྤྱན་མཉེས་པར་བགྱི་བ་དང་། རྒྱབ་རྣམས་རྣམ་པར་དག་པ་དང་། བྱས་པ་གཟོ་བར་བགྱི་བའི་སླད་དུ་རྔོ་ཅི་ཐོགས་ཀྱིས་རྒོལ་ཞིང་སླར་མི་ལྡོག་
D146.057.0110b01.01སྟེ། ད་ལྟར་ཐ་མའི་དུས་ལ་ཐབས་མཁས་པ་སྦྱར་བར་བྱའོ། །དེ་ལྟར་ཐབས་མཁས་ཤིང་གཡུལ་ལེགས་པར་ཤོམ་པའི་རྒྱལ་པོས་ནི་ཕ་རོལ་གྱི་དཔུང་བཀུམ་མམ། རྨ་ཕྱུང་ཡང་དེས་རྒྱལ་པོ་ལ་ཁ་ན་མ་ཐོ་བ་ཆུང་ཞིང་བསོད་ནམས་མ་ལགས་པ་ཆུང་
D146.057.0110b02.01བ་དང་། འབྲས་བུ་མྱོང་བ་ཡང་ངེས་པ་མ་མཆིས་པར་འགྱུར་རོ། །དེ་ཅིའི་སླད་དུ་ཞེ་ན། འདི་ལྟར་དེས་སྙིང་རྗེ་བ་དང་། ཡོངས་སུ་མི་གཏང་བའི་སེམས་ཀྱིས་ལས་དེ་མངོན་པར་འདུ་བགྱིས་པའི་སླད་དུའོ། །གང་དེས་སྐྱེ་དགུ་ཡོངས་སུ་བསྐྱང་བ་དང་། བུ་
D146.057.0110b03.01དང་ཆུང་མ་དང་། རིགས་ཀྱི་དོན་དུ་བདག་དང་ལོངས་སྤྱོད་ཡོངས་སུ་བཏང་སྟེ་ལས་དེ་བགྱིས་པས། གཞི་དེ་ལས་བསོད་ནམས་ཚད་མ་མཆིས་པ་ཡང་རབ་ཏུ་འཕེལ་ལོ། །རྒྱལ་པོ་ཆེན་པོ་ཐབ་མོའི་གཡུལ་ཞིག་ཉེ་བར་གནས་ན་ཆོས་དང་ལྡན་པའི་རྒྱལ་པོས་
D146.057.0110b04.01དེ་ལྟར་ནན་ཏན་དུ་བགྱིའོ། །བྲམ་ཟེ་དེ་ལྟར་སྐྱེ་དགུ་ཡོངས་སུ་བསྐྱང་བ་ལ་བརྩོན་པའི་ཆོས་ཀྱི་རྒྱལ་པོས་འདུ་ཤེས་ཀྱིས་གནས་པ་རྣམ་པ་དུ་ཞིག་གིས་གནས་པར་བྱ། སྨྲས་པ། རྒྱལ་པོ་ཆེན་པོ་བརྒྱད་ཀྱིས་ཏེ། སྐྱེ་དགུའི་རིས་སུ་གཏོགས་པའི་སེམས་ཅན་
D146.057.0110b05.01རྣམས་ལ་བུའི་འདུ་ཤེས་དང་། མི་སྲུན་པའི་རྣམས་ལ་ནད་པའི་འདུ་ཤེས་དང་། སྡུག་བསྔལ་བ་རྣམས་ལ་སྙིང་རྗེའི་འདུ་ཤེས་དང་། བདེ་བ་རྣམས་ལ་དགའ་བའི་འདུ་ཤེས་དང་། དགྲ་རྣམས་ལ་དེའི་རྒྱུས་ཉེས་པའི་འདུ་ཤེས་དང་། མཛའ་བཤེས་
D146.057.0110b06.01རྣམས་ལ་རྗེས་སུ་བསྲུང་བའི་འདུ་ཤེས་དང་། ལོངས་སྤྱོད་རྣམས་ལ་སྨན་གྱི་འདུ་ཤེས་དང་། བདག་ལ་བདག་མེད་པའི་འདུ་ཤེས་སོ། །དེ་ལ་སྐྱེ་དགུའི་རིས་སུ་གཏོགས་པའི་སེམས་ཅན་རྣམས་ལ་བུའི་འདུ་ཤེས་ཀྱིས་གནས་པ་ནི་རྒྱལ་པོ་དེ་ཕས་བུ་བཅོས་པ་
D146.057.0110b07.01