完整藏文原文 · 德格版页 当前仅加载第 57 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
རྟོགས་པར་མི་ནུས་པ། བལྟར་མེད་པ། རིལ་པོ་མ་ཡིན་པ། རྫས་མེད་པ། མུན་པ་མེད་པ། སྣང་བ་མེད་པ། རྟགས་མེད་པ། དབྱིབས་མེད་པ། སྨྲར་མེད་པ། སྨོས་སུ་མེད་པ། རེག་པར་བྱར་མེད་པ། རྣམ་པར་ཤེས་པར་མི་རུང་བ།
D146.057.0134a01.01ཐོས་པར་མི་རུང་བ། དབྱངས་མེད་པ། ཚིག་གི་ལམ་མེད་པ། ཐོགས་པ་མེད་པ། མ་བཅིངས་པ། མ་གྲོལ་བ། འདོད་ཆགས་མེད་པ། ཞེ་སྡང་མེད་པ། གཏི་མུག་མེད་པ། རྒྱུ་ཐམས་ཅད་ཀྱིས་གདགས་སུ་མེད་པ། གདགས་པར་བྱ་བ་མ་ཡིན་པ་སྟེ། བཙུན་
D146.057.0134a02.01པ་འོད་སྲུང་བྱང་ཆུབ་ནི་དེ་ལྟ་བུའི་རང་བཞིན་ཡིན་པས་དེ་ནི་ལུས་ཀྱིས་མངོན་པར་རྫོགས་པར་འཚང་རྒྱ་བར་མི་ནུས་སོ། སེམས་ཀྱིས་ཀྱང་མི་ནུས་སོ། །དེ་ཅིའི་ཕྱིར་ཞེ་ན། བཙུན་པ་འོད་སྲུང་ལུས་ནི་སེམས་མེད་པ། གཡོ་བ་མེད་པ། རྩྭ་དང་། ཤིང་དང་། རྩིག་པ་དང་། བོང་བ་
D146.057.0134a03.01སྣང་བ་ལྟ་བུ་སྟེ། དེས་བྱང་ཆུབ་མངོན་པར་རྫོགས་པར་འཚང་རྒྱ་བར་མི་ནུས་སོ། །སེམས་ཀྱང་དེ་ལྟ་བུའི་རང་བཞིན་ཡིན་ཞིང་བལྟར་མེད་པ། དེས་ཀྱང་བྱང་ཆུབ་མངོན་པར་རྫོགས་པར་འཚང་རྒྱ་བར་བྱ་བར་མི་ནུས་སོ། །གང་གིས་མངོན་པར་རྫོགས་པར་འཚང་རྒྱ་བར་བྱ་བའི་སེམས་ཅན་
D146.057.0134a04.01དེ་དག་ཀྱང་མི་དམིགས་ཏེ། བཙུན་པ་འོད་སྲུང་ཆོས་ཐམས་ཅད་དེ་ལྟ་བུའི་རང་བཞིན་ཡིན་ན། དེ་ལ་ཅིའི་ཕྱིར་ཁྱོད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱ་ཞེས་ཇི་སྟེ་དེ་ལྟར་སེམས་པར་གྱུར། དེ་ནས་བྱང་ཆུབ་སེམས་དཔའ་དེ་དག་དང་། དགེ་
D146.057.0134a05.01སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དེ་དག་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་སེམས་ཅན་བདག་ཅག་གི་བསམ་པ་དང་མོས་པ་བཞིན་དུ་ཐེ་ཙོམ་དང་ནེམ་ནུར་དང་ཡིད་གཉིས་
D146.057.0134a06.01བསལ་བའི་ཕྱིར་རིགས་ཀྱི་བུ་བདེན་སྨྲ་འདི་ཇི་སྲིད་ཅིག་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་དང་། འཇིག་རྟེན་གྱི་ཁམས་གང་དུ་མངོན་པར་རྫོགས་པར་འཚང་རྒྱ་བ་དང་། འདི་བྱང་ཆུབ་ཐོབ་ནས་མཚན་ཅི་ཞེས་བྱ་བར་འགྱུར་བ་དང་། ཚེའི་ཚད་
D146.057.0134a07.01