完整藏文原文 · 德格版页 当前仅加载第 57 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་ལ་འདི་སྐད་ཅེས་སྨྲས་སོ། །བདེན་སྨྲ་ཅི་ལས་བསམས་ཏེ་དེ་སྐད་ཅེས་སྨྲ། སྨྲས་པ། བཙུན་པ་ཤ་ར་དྭ་ཏིའི་བུ་ཁོ་བོ་ནི་བསམས་པ་མེད་པར་ཆོས་ཐམས་ཅད་དེ་ལྟར་སྟོན་ཏོ། །བཙུན་པ་ཤ་ར་དྭ་ཏིའི་བུ་ཆོས་ཀྱི་དབྱིངས་ལ་ནི་གཉིས་མི་དམིགས་པའི་ཕྱིར་བསམས་པ་ཡང་མི་
D146.057.0132a01.01དམིགས་མ་བསམས་པ་ཡང་མི་དམིགས་སོ། །སྨྲས་པ། བདེན་སྨྲ་ཁྱོད་འགྲོ་བ་དག་དང་མི་སྦྱོར་རམ། སྨྲས་པ། བཙུན་པ་ཤ་ར་དྭ་ཏིའི་བུ་གལ་ཏེ་ཁོ་བོས་འགྲོ་བ་ཞིག་དམིགས་ན་ནི་སྦྱོར་བ་ཡང་ཡོད། གལ་ཏེ་ཁོ་བོ་ལ་སྐྱེ་བ་ཞིག་ཡོད་ན་ནི་སྐྱེ་བར་ཡང་འགྱུར། གལ་ཏེ་ཁོ་བོ་ལ་འཕོ་བ་ཞིག་
D146.057.0132a02.01ཡོད་ན་ནི་འཕོ་བར་ཡང་འགྱུར་ན། བཙུན་པ་ཤ་ར་དྭ་ཏིའི་བུ་ཆོས་ཐམས་ཅད་ནི་འཕོ་བ་མེད་པ་སྟེ། འགྲོ་བ་མེད་ཅིང་ཤི་འཕོ་དང་སྐྱེ་བ་མེད་པའོ། །སྨྲས་པ། བདེན་སྨྲ་དེ་བཞིན་གཤེགས་པས་དགེ་སློང་ཁྱོད་ནི་སྐྱེའོ། །རྒའོ། འཆིའོ། འཕོའོ། འབྱུང་ངོ་ཞེས་འདི་མ་གསུངས་སམ། སྨྲས་པ། བཙུན་
D146.057.0132a03.01པ་ཤ་ར་དྭ་ཏིའི་བུ་འགྲོ་བ་ལ་རྟེན་ཅིང་ལྷག་པའི་ང་རྒྱལ་ཡོད་པའི་སེམས་ཅན་རྣམས་ཀྱི་རྟེན་པ་བསལ་བའི་ཕྱིར་དེ་བཞིན་གཤེགས་པ་དེ་སྐད་ཅེས་སྟོན་ཏེ། བསྟན་པའི་ཆོས་ཉིད་ཇི་ལྟ་བ་བཞིན་དུ་བྱ་ན་འདི་ལ་འགྲོ་བ་མེད། ཤི་འཕོ་མེད། སྐྱེ་བ་མེད་དོ། །ཤ་ར་དྭ་ཏིའི་བུས་སྨྲས་པ། བདེན་སྨྲ་
D146.057.0132a04.01ལེགས་སོ་ལེགས་སོ། །འདི་ལྟར་ཐེག་པ་ཆེན་པོ་འདི་བསྟན་པའི་དོན་རྣམ་པར་ངེས་པ་ལ་མཁས་པ་ལེགས་སོ་ལེགས་སོ། །བདེན་སྨྲས་སྨྲས་པ། བཙུན་པ་ཤ་ར་དྭ་ཏིའི་བུ་ཁྱོད་ཀྱིས་དོན་ནི་གང་། རྣམ་པར་ངེས་པ་ནི་གང་ཡིན་པ་མཁྱེན་ཏམ། ཤ་ར་དྭ་ཏིའི་བུས་སྨྲས་པ། རིགས་ཀྱི་བུ་ཁོ་བོ་ནི་
D146.057.0132a05.01སྟོན་པར་འདོད་པ་མ་ཡིན་གྱི་ཉན་པར་འདོད་པ་ཡིན་གྱིས། རིགས་ཀྱི་བུ་དོན་ནི་གང་། རྣམ་པར་ངེས་པ་ནི་གང་ཁྱོད་ཀྱིས་སྟོན་ཅིག་དེ་སྐད་ཅེས་སྨྲས་པ་དང་། གཅེར་བུ་པའི་བུ་བདེན་སྨྲས། ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤ་ར་དྭ་ཏིའི་བུ་དོན་ཞེས་བྱ་བ་ནི་བརྗོད་
D146.057.0132a06.01དུ་མེད་པའོ། །དེ་བརྗོད་པ་གང་ཡིན་པ་དེ་ནི་རྣམ་པར་ངེས་པ་ཞེས་བྱའོ། །དོན་ཞེས་བྱ་བ་ནི་སྨྲར་མེད་པའོ། །དེ་སྨྲ་བ་གང་ཡིན་པ་དེ་ནི་རྣམ་པར་ངེས་པ་ཞེས་བྱའོ། །དོན་ཞེས་བྱ་བ་ནི་སྨོས་སུ་མེད་པའོ། །དེ་སྨོས་པ་གང་ཡིན་པ་དེ་ནི་རྣམ་པར་ངེས་པ་ཞེས་བྱའོ། །དོན་ཞེས་བྱ་བ་ནི་གཡོ་བ་མེད་པ། བསམ་པ་མེད་པ།
D146.057.0132a07.01