完整藏文原文 · 德格版页 当前仅加载第 57 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་རིན་པོ་ཆེའི་རྒྱལ་པོ་ཡིད་བཞིན་གྱི་ནོར་བུ་གང་དུ་བྱུང་བ་དེར་ནི་མཆིང་བུ་རྣམས་མི་འབྱུང་ངོ་། །འཇམ་དཔལ་དེ་བཞིན་དུ་དེ་བཞིན་གཤེགས་པ་ཡེ་ཤེས་རིན་པོ་ཆེ་ཆེན་པོ་གང་དུ་བྱུང་བ་དེར་ནི་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་ཐམས་ཅད་
D146.057.0097a01.01མི་འབྱུང་བར་རིག་པར་བྱའོ། །འཇམ་དཔལ་འདི་ལྟ་སྟེ། དཔེར་ན་རིན་པོ་ཆེའི་འབྱུང་ཁུང་གང་ནས་འཛམ་བུའི་ཆུ་བོའི་གསེར་བྱུང་བ་དེ་ནས་ལྕགས་འགྱེས་ཀྱི་ཕུང་པོ་མི་འབྱུང་ངོ་། །འཇམ་དཔལ་དེ་བཞིན་དུ་འཇིག་རྟེན་གྱི་ཁམས་གང་དུ་དེ་བཞིན་གཤེགས་པ་བྱུང་བ་དེར་
D146.057.0097a02.01གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་ཐམས་ཅད་མི་འབྱུང་ངོ་། །འཇམ་དཔལ་རྣམ་གྲངས་དེས་ཀྱང་འདི་ལྟར་དེ་བཞིན་གཤེགས་པ་གང་དུ་བྱུང་བ་དེར་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་ཐམས་ཅད་མི་འབྱུང་བར་རིག་པར་བྱའོ། །འཇམ་དཔལ་ཡང་སངས་
D146.057.0097a03.01རྒྱས་ཀྱི་ཞིང་འདི་ན་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་གང་དག་སྣང་བ་འདི་ཡང་དེ་བཞིན་གཤེགས་པའི་བྱིན་གྱི་རླབས་དང་ཐབས་ལ་མཁས་པའི་ཡུལ་བསམ་གྱིས་མི་ཁྱབ་པ་ཡིན་པར་རིག་པར་བྱའོ། །དེ་ཅིའི་ཕྱིར་ཞེ་ན། འདི་ལྟར་མུ་སྟེགས་ཅན་གཞན་གྱི་
D146.057.0097a04.01སྒོ་འདི་དག་ཐམས་ཅད་ནི་རྣམ་པར་ཐར་པ་བསམ་གྱིས་མི་ཁྱབ་པའི་སྒོ་ལ་གནས་པ་དག་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ངེས་པར་བྱུང་བ་དག་གོ། །ཐབས་ལ་མཁས་པས་རྣམ་པར་རྩེ་བ་དག་གོ། །སངས་རྒྱས་དང་ཆོས་དང་དགེ་འདུན་ཡིད་ལ་བྱ་བ་མ་བཏང་བ་དག་གོ། །
D146.057.0097a05.01སེམས་ཅན་ཡོངས་སུ་སྨིན་པར་བྱ་བ་རྣམས་ལ་དམ་པའི་ཕ་རོལ་ཏུ་སོན་པ་དག་གོ། །སེམས་ཅན་ཡོངས་སུ་སྨིན་པར་བྱ་བའི་ཕྱིར་དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་གྱིས་བརླབས་པ་དག་གོ། །བསྟན་པ་འདི་བཤད་པ་ན་ལྷའི་བུ་ཉན་ཐོས་ཀྱི་ཐེག་པ་ལ་གནས་པ་བརྒྱད་
D146.057.0097a06.01སྟོང་གིས་ཐེག་པ་གཅིག་ཅེས་ཐོས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དགེ་སློང་ལྔ་བརྒྱས་ཐེག་པ་གཅིག་ཏུ་ཡང་དག་པར་འདུ་བའི་སྒྲོན་མའི་ཏིང་ངེ་འཛིན་ཐོབ་པར་གྱུར་ཏོ། །བྱང་ཆུབ་སེམས་དཔའ་སྟོང་ཉིས་བརྒྱས་མི་སྐྱེ་བའི་
D146.057.0097a07.01