完整藏文原文 · 德格版页 当前仅加载第 57 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུན་ནི་ཐུང་ངོ་། །ཚེའི་ཚད་ནི་རིང་པོར་མི་ཐུབ་བོ། །ཕ་རོལ་ཏུ་ནི་བཞུད་འཚལ་ལོ། །ཚེའི་འདུ་བྱེད་ནི་རིའི་འབབ་ཆུ་ལྟར་མི་བརྟན་ཞིང་གཡོ་སྟེ། སྐད་ཅིག་ཀྱང་མི་གནས་ཀྱིས་དེའི་སླད་དུ་རྒྱལ་པོ་ཆེན་པོ་ལས་ཀྱི་རྣམ་པར་སྨིན་པའི་དྲུངས་མི་འབྱུང་ཞིང་འཇིག་རྟེན་
D146.057.0101a01.01ཕ་རོལ་གྱིས་འཇིགས་པ་གཟིགས་པར་མཛོད་ཅིག །དེ་ནས་གཅེར་བུ་པའི་བུ་བདེན་སྨྲས་དོན་འདི་ཉིད་རྒྱ་ཆེར་བསྟན་པའི་ཕྱིར་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ས་ཡི་བདག་པོ་རྟག་ཏུ་བག་ཡོད་མཛོད། །བག་མེད་སེམས་ཅན་དམྱལ་བའི་གཡང་སར་འོར། །བག་མེད་
D146.057.0101a02.01སྤྱོད་པ་སེམས་ཅན་དམྱལ་བར་མཆི། །བག་མཆིས་གང་ལགས་དེ་ནི་མཐོ་རིས་མཆི། །རྒྱལ་པོ་ཁྱོད་ནི་སྲོག་གཅོད་མ་མཛད་ཅིག །སྐྱེ་བོ་ཀུན་ལ་སྲོག་ནི་རབ་ཏུ་ཕངས། །དེ་བས་ཡུན་རིང་ཚེ་སྲུང་སུ་འདོད་པས། །ཡིད་ཀྱི་དགུ་ལའང་སྲོག་གཅོད་མི་བསམ་མོ། །འཇིག་རྟེན་
D146.057.0101a03.01སྐྱོང་བ་རྐུ་བ་རྟག་ཏུ་སྤོངས། །དེས་ནི་ལོངས་སྤྱོད་འབྱོར་པ་བརྟན་པ་འཐོབ། །སྲོག་ཆེད་ཉོན་མོངས་ཐུན་ཁོལ་བསགས་བསགས་པ། །གཞན་ནོར་བླངས་པས་དབུལ་པོ་ཉིད་དུ་འགྱུར། །གཞན་གྱི་ཆུང་མ་རྟག་ཏུ་སྤོང་མཛད་ཅིང་། །ས་ཡི་བདག་པོ་བཙུན་མོས་འཚལ་བར་མཛོད། །
D146.057.0101a04.01དེས་ན་རང་གི་བཙུན་མོ་སྡུག་པར་འགྱུར། །བཙུན་མོ་དགྲ་ཟླ་མ་མཆིས་འཐོབ་པར་མཆི། །{བརྫུན་,རྫུན་}གྱི་ཚིག་ནི་ནམ་ཡང་བརྗོད་མ་མཛད། །རྒྱལ་པོ་དབང་པོ་དམ་བཅས་མང་བར་མཛོད། །བདེན་པར་སྨྲ་བ་དབང་པོའི་གནས་སུ་མཆི། །{བརྫུན་,རྫུན་}དུ་གང་སྨྲ་གཤིན་རྗེའི་འཇིག་རྟེན་
D146.057.0101a05.01མཆི། །ཕྲ་མའི་སྐྱོན་ལྡན་ཚིག་ནི་ཡོངས་སྤངས་ནས། །སྐྱེ་བོ་བྱེ་བ་འདུམ་པར་སྡུམས་བགྱིད་ན། །མི་ཕྱེད་གཡོག་འཁོར་འཕགས་པ་འཐོབ་པར་འགྱུར། །འདི་ནས་ཤི་འཕོས་མཐོ་རིས་རབ་ཏུ་མཆི། །ས་ཡི་བདག་པོ་ངག་རྩུབ་སྤང་བར་མཛོད། །གཞན་གྱི་རྣར་སྙན་བདེ་
D146.057.0101a06.01བ་བཀའ་སྩོལ་ཅིག །དེ་རྒྱུས་འཇིག་རྟེན་ཕ་རོལ་ལྷ་དག་གི། །སྣ་ཚོགས་ཡིད་འོང་མཐོ་རིས་ཚིག་གསན་འགྱུར། །ཀྱལ་པའི་ཚིག་རྣམས་རྣམ་པར་སྤང་མཛད་དེ། །ཤིན་ཏུ་དེས་ཤིང་བརྟན་པའི་ཚིག་ཀྱང་གསུངས། །ཕ་རོལ་ལྷ་ཡི་དབང་ཕྱུག་འཇིག་རྟེན་དུ། །སེམས་
D146.057.0101a07.01