完整藏文原文 · 德格版页 当前仅加载第 57 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། སྐར་མ་ལྟུང་བ་དང་། ལྕེ་འབབ་པ་དང་། ས་གཡོ་བའི་རྒྱུས་ཚར་ཕྱིན་པ། ལོ་ལེགས་པ་དང་། མུ་གེ་དང་། འཇིག་རྟེན་འཇིག་པ་དང་། ལོ་ཁྱུད་ཁོར་གྱི་རྒྱུས་རྣམས་རྟོགས་པར་ཁོང་དུ་ཆུད་པ་ལགས་ན། དེ་ནི་སྐྱོན་དང་བཅས་པ་ལགས་སོ། །
D146.057.0114a01.01སྨྲས་པ། བྲམ་ཟེ་བྲམ་ཟེ་དབྱར་བྱེད་ཀྱི་སྐྱོན་གང་། སྨྲས་པ། རྒྱལ་པོ་ཆེན་པོ་བྲམ་ཟེ་དབྱར་བྱེད་ནི་བྱི་བ་ལ་དགའ་བ་སྟེ། རྒྱལ་པོ་ཆེན་པོ་མཁས་པས་ནི་གཞན་གྱི་མཆིས་བྲང་དང་བསྟེན་པར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་གཞན་གྱི་མཆིས་བྲང་
D146.057.0114a02.01བསྟེན་པས་ནི་ཚེ་འདི་དང་ཚེ་ཕྱི་མ་ལ་སྡུག་བསྔལ་ཆེས་མང་པོ་འཐོབ་པར་འགྱུར་ཏེ། ལྷ་དང་མིར་བཅས་པའི་འཇིག་རྟེན་གྱིས་ཀྱང་སྨད་པར་འགྱུར་བའི་སླད་དུའོ། །དེ་ལ་འདི་སྐད་ཅེས་བགྱི་སྟེ། བྱི་བ་བགྱིད་པའི་ངང་ཚུལ་ཅན། །མ་བསྡམས་མི་སྲུན་ཡུལ་ལ་བརྐམ། །
D146.057.0114a03.01བདག་གི་ཆུང་མས་མི་ཆོག་སྟེ། །འཇིག་རྟེན་དག་ན་སྨད་འོས་ལགས། །འདི་དང་ཕ་རོལ་སྡུག་བསྔལ་འགྱུར། །བསད་བཅིང་ཆད་པ་དྲག་པོ་མྱོང་། །སེམས་ཅན་དམྱལ་བ་རྣམས་སུ་སྐྱེ། །བདེ་བ་ཆུང་ཞིང་སེམས་ལ་གནོད། །སྨྲས་པ། བྲམ་ཟེ་སེམས་ཅན་གྱི་
D146.057.0114a04.01རིས་ཀྱི་འཇིག་རྟེན་འདི་ན་སེམས་ཅན་གང་ལ་ལ་མཛངས་ཤིང་མཁས་ལ་བརྟགས་ཤིང་ཡིད་གཞུངས་པར་གྱུར་པ་ཡིན་ལ་དེ་ཡང་སྐྱོན་དང་བཅས་པར་གྱུར་པ་གཞན་ཡང་ཡོད་དམ། སྨྲས་པ། རྒྱལ་པོ་ཆེན་པོ་མཆིས་སོ། །སྨྲས་པ། བྲམ་ཟེ་དེ་གང་། སྨྲས་པ། རྒྱལ་
D146.057.0114a05.01པོ་ཆེན་པོ་བྲམ་ཟེ་བྷ་ར་དྭ་ཛ་འདི་ནི་མཛངས་ཤིང་མཁས་ལ་བརྟགས་ཤིང་ཡིད་གཞུངས་པ་སྟེ། ཚུལ་དང་འདུལ་བ་ལ་མཁས་པ་ལགས་ན། དེ་ཡང་སྐྱོན་དང་བཅས་པ་ལགས་སོ། །སྨྲས་པ། བྲམ་ཟེ་བྲམ་ཟེ་བྷ་ར་དྭ་ཛའི་སྐྱོན་གང་། སྨྲས་པ། རྒྱལ་པོ་ཆེན་པོ་བྲམ་ཟེ་བྷ་ར་དྭ་ཛ་
D146.057.0114a06.01འདི་ནི་རྨུགས་པ་དང་ཡུར་བ་མང་བ་དང་། ཧ་ཅང་གཉིད་ཆེ་བ་ལགས་ཏེ། རྒྱལ་པོ་ཆེན་པོ་མཁས་པས་ནི་རྨུགས་པ་དང་ཡུར་བ་དང་གཉིད་ཆེ་བར་མི་བགྱིའོ། །དེ་ཅིའི་སླད་དུ་ཞེ་ན། རྒྱལ་པོ་ཆེན་པོ་རྨུགས་པ་དང་གཉིད་འདི་ནི་འཇིག་རྟེན་པ་དང་འཇིག་རྟེན་ལས་འདས་པའི་ཆོས་
D146.057.0114a07.01