完整藏文原文 · 德格版页 当前仅加载第 57 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
འམ། མི་རིགས་པའི་འདོད་ཆེན་གྱིས་ཟིལ་གྱིས་ནོན་པའམ། ལོག་པའི་ཆོས་ཀྱིས་འཁོར་བ་དེ་ལྟ་བུའི་སེམས་ཅན་མ་མཆིས་ཏེ། དེའི་ཚེ་འཁོར་ལོས་སྒྱུར་བའི་རྒྱལ་པོ་དེ་རང་གི་ཆོས་ཀྱི་དབང་གིས་རྒྱལ་པོའི་བགྱི་བ་དེ་དང་དེ་དག་ལ་མི་ཟློགས་པའི་རྟོགས་པ་
D146.057.0104a01.01དང་ལྡན་པས་དེའི་དོན་ཐམས་ཅད་ཚེགས་ཆུང་ངུས་འགྲུབ་ཅིང་ཀུན་ཀྱང་འཐུན་པར་གནས་པས་དེའི་སླད་དུ་དེ་ལ་བསྟན་བཅོས་མི་འཚལ་ལོ། །གང་གི་ཚེ་སེམས་ཅན་རྣམས་ཆོས་མ་ལགས་པའི་འདོད་པ་ལ་ཆགས་ཤིང་མི་རིགས་པའི་འདོད་ཆེན་གྱིས་ཟིལ་གྱིས་ནོན་པ་དང་ལོག་
D146.057.0104a02.01པའི་ཆོས་ཀྱིས་འཁོར་བར་གྱུར་པ་དེའི་ཚེ་རྒྱལ་པོ་རྣམས་ཀྱི་རང་རང་གི་སྤོབས་པ་ལ་འབྲི་བར་འགྱུར་ཏེ། དེ་ལ་ཆོས་ཀྱིས་སྐྱེ་དགུ་ཡོངས་སུ་བསྐྱང་བའི་སླད་དུ་དྲང་སྲོང་ཆེན་པོ་རྣམས་བསྟན་བཅོས་དག་བགྱིད་དོ། །སྨྲས་པ། བྲམ་ཟེ་ཆོས་མ་ཡིན་པའི་འདོད་པ་ལ་ཆགས་པ་གང་
D146.057.0104a03.01ཡིན། སྨྲས་པ། རྒྱལ་པོ་ཆེན་པོ་གང་མི་དགེ་བ་བཅུའི་ལས་ཀྱི་ལམ་ལ་མངོན་པར་དགའ་བ་ལགས་སོ། །སྨྲས་པ། མི་རིགས་པའི་འདོད་ཆེན་གང་ཡིན། སྨྲས་པ། གང་རང་གི་ལག་མཐུས་བསྒྲུབས་པ་དུས་ལ་གཏོགས་པ། ཆོས་དང་ལྡན་པར་ཆོས་ཀྱིས་ཐོབ་པའི་ལོངས་སྤྱོད་
D146.057.0104a04.01རྣམས་ཀྱིས་ཆོག་མ་འཚལ་བ་ལགས་སོ། །སྨྲས་པ། ལོག་པའི་ཆོས་ཀྱིས་འཁོར་ཞེས་བྱ་བ་གང་ཡིན། སྨྲས་པ། དོན་གྱི་བསྟན་བཅོས་སུ་མིང་བཏགས་པ། གནོད་པར་འགྱུར་བ་དང་ལྡན་པ། དམ་པའི་ཆོས་ལྟར་བཅོས་པ། རྩོད་པའི་དུས་ན་སྐྱེས་བུ་དམ་པ་
D146.057.0104a05.01མ་ལགས་པས་བགྱིས་པ་ལ་མོས་པས་ཡོངས་སུ་བསྒོས་པའི་ལྟ་བས་ཡོན་ཏན་དུ་ལྟ་བ་ལགས་སོ། །སྨྲས་པ། བྲམ་ཟེ་བསྟན་བཅོས་གང་ལ་ཆོས་དང་ལྡན་པའི་རྒྱལ་པོས་བརྟེན་ཅིང་སྐྱེ་དགུ་སྐྱོང་བར་བྱེད་པའི་བསྟན་བཅོས་གང་ཡིན། སྨྲས་པ། རྒྱལ་པོ་ཆེན་པོ་དེ་ནི་བསྟན་
D146.057.0104a06.01བཅོས་གང་ལས་མི་རིགས་པའི་ཆགས་པ་དང་། མི་རིགས་པའི་ཞེ་སྡང་དང་། མི་རིགས་པའི་གཏི་མུག་གི་གཉེན་པོ་རང་བཞིན་ནམ། རབ་ཏུ་དབྱེ་བའམ། ཕན་ཡོན་གྱི་སྒོ་ནས་བསྟན་པ་སྟེ། དེ་ལ་གཉེན་པོའི་རང་བཞིན་ནི་འདི་ལགས་ཏེ། འདི་ལྟ་སྟེ། དེའི་གཉེན་པོར་
D146.057.0104a07.01