完整藏文原文 · 德格版页 当前仅加载第 16 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
སེན་མོ་དང་། བགས་པ་དང་། གློག་པ་དང་། ཤ་དང་ཆུབ་དང་། ཁྲག་དང་། རུས་པ་དང་། རྐང་དང་། སྙིང་དང་མཁལ་མ་དང་མཆིན་པ་དང་། གློ་བ་དང་། མཚེར་པ་དང་། ལོང་ཀ་དང་། རྒྱུ་མ་དང་། གཉེ་མ་དང་། ནང་གྲོལ་དང་། གཅིན་དང་། ཕྱི་ས་དང་། མཆི་མ་དང་།
D8.016.0180b01.01རྔུལ་དང་། ཚིལ་དང་། སྣབས་དང་། ངར་སྣབས་དང་། རྣག་དང་། མཁྲིས་པ་དང་། བད་ཀན་དང་། ཆུ་སེར་དང་། ཁ་ཆུ་དང་། དྲི་མ་དང་། {གླད་པ་,ཀླད་པ་}དང་། གླད་རྒྱས་དང་། རྔུ་མ་དང་། རྣ་སྤབས་དག་ཀྱང་ཡོད་དོ། །ཞེས་བྱ་བར་ཡང་དག་པ་ཇི་ལྟ་བ་བཞིན་དུ་རབ་ཏུ་རྟོག་སྟེ། རབ་
D8.016.0180b02.01འབྱོར་འདི་ལྟ་སྟེ་དཔེར་ན། ཆུན་པའི་སྒྱེ་སྣོད་ཏིལ་དང་། ཡུངས་ཀར་དང་། སྲན་ཆུང་དང་། བལ་སྲན་དང་། ནས་དང་། གྲོ་དང་། འབྲས་དང་། འབྲུ་སྣ་ཚོགས་ཀྱིས་གང་བ་{མྱིག་,མིག་}དང་ལྡན་པའི་{མྱི་,མི་}ཞིག་གིས་ཕྱེ་སྟེ། བལྟས་ན། འདི་ནི་ཏིལ་ལོ། །འདི་ནི་ཡུངས་ཀར་རོ། །
D8.016.0180b03.01འདི་ནི་སྲན་ཆུང་ངོ་། །འདི་ནི་བལ་སྲན་ནོ། །འདི་ནི་ནས་སོ། །འདི་ནི་གྲོའོ། །འདི་ནི་འབྲས་སོ། །འདི་དག་ནི་དེ་མ་ཡིན་པའི་འབྲུ་གཞན་ནོ་ཞེས་བྱ་བར་རབ་ཏུ་ཤེས་སོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་ལུས་འདི་ཉིད་ལ་རྐང་པའི་མཐིལ་
D8.016.0180b04.01ཡན་ཆད། སྐྲ་དང་སྤྱི་བོ་མན་ཆད་སེན་མོ་དང་། སྤུ་དང་། པགས་པ་ཡན་ཆད་དུ་{མྱི་,མི་}གཙང་བ་སྣ་ཚོགས་ཀྱིས་གང་བར་ཡང་དག་པ་ཇི་ལྟ་བ་བཞིན་དུ་རྟོག་སྟེ། ལུས་འདི་ལ་སྐྲ་དང་། སྤུ་དང་། སེན་མོ་དང་། པགས་པ་དང་། གློག་པ་དང་། ཤ་དང་། ཆུ་བ་དང་། ཁྲག་དང་། རུས་
D8.016.0180b05.01པ་དང་། རྐང་དང་། སྙིང་དང་། མཁལ་མ་དང་། མཆིན་པ་དང་། གློ་བ་དང་། མཚེར་པ་དང་། ལོང་ཀ་དང་། རྒྱུ་མ་དང་། གཉེ་མ་དང་། ནང་གྲོལ་དང་། གཅིན་དང་། ཕྱི་ས་དང་། མཆི་མ་དང་། རྔུལ་དང་། ཚིལ་དང་། སྣབས་དང་། ངར་སྣབས་དང་། རྣག་དང་། མཁྲིས་པ་དང་།
D8.016.0180b06.01བད་ཀན་དང་། ཆུ་སེར་དང་། ཁ་ཆུ་དང་། དྲི་མ་དང་། {གླད་པ་,ཀླད་པ་}དང་། གླད་རྒྱས་དང་། རྔུ་མ་དང་། རྣ་སྤབས་དག་ཀྱང་ཡོད་དོ་ཞེས་བྱ་བར་ཡང་དག་པ་ཇི་ལྟ་བ་བཞིན་དུ་རབ་ཏུ་རྟོག་གོ། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་བཅུ་གསུམ་པ།
D8.016.0180b07.01