完整藏文原文 · 德格版页 当前仅加载第 72 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་། །ཚངས་སོགས་སྐུ་ཚེ་བརྒྱ་ཕྲག་དུ་མར་དགེ་མཛད་ནས། །དོན་ཀུན་སྒྲུབ་བརྩོན་བདག་ཉིད་ཆེན་པོ་ཚེ་གཅིག་ཐོགས། །བྱང་ཆུབ་སེམས་དཔའ་དགའ་ལྡན་གནས་སུ་སྐྱེ་བ་བཞེས། །དེར་བཞུགས་ནས་ནི་འགྲོ་བ་ཀུན་ལ་ལེགས་གཟིགས་ནས། །སྐྱབས་མེད་གཡོ་ཞིང་
D301.072.0002b01.01ཕོངས་པ་དུ་མས་ཡོངས་ཁྱབ་ལ། །ཐུགས་རྗེ་ཆེན་པོས་ཐུགས་ནི་སྤྲོ་བ་བསྐྱེད་གྱུར་ཏེ། །གཞན་གྱི་དོན་མཛད་ཐུགས་དམ་ཉིད་ཀྱི་རྒྱུད་དགོངས་གྱུར། །དེ་བས་འདི་ནི་ཇི་ལྟར་མི་ཡུལ་ཉེར་གཤེགས་ཏེ། །སྐྱེ་དང་རྒ་ཤི་ན་བའི་འཇིགས་པ་གཟིགས་ནས་ནི། །རབ་བྱུང་བློ་གྲོས་དེས་མཛད་
D301.072.0002b02.01བྱང་ཆུབ་ཡང་དག་བརྙེས། །དེ་བཞིན་ཆོས་སྟོན་མཛད་པ་བཤད་ཀྱིས་མཉན་པར་གྱིས། །དེ་ནས་དགའ་ལྡན་གྱི་གནས་ན་བཞུགས་པའི་བྱང་ཆུབ་སེམས་དཔའ་བསྐལ་པ་མང་པོར་བསོད་ནམས་དང་། ཡེ་ཤེས་ཀྱི་ཚོགས་དཔག་ཏུ་མེད་པ་རྣམ་པ་དུ་མར་ཉེ་བར་བསགས་པས་བྱང་ཆུབ་
D301.072.0002b03.01ཀྱི་ཚོགས་ཡོངས་སུ་རྫོགས་པར་མཛད་པ། ཉོན་མོངས་པའི་ཆུ་བོ་སྟོབས་དང་ལྡན་པས་ཤིན་ཏུ་ཆོད་པ་རྣམས་ལ་ཐུགས་རྗེས་ཡོངས་སུ་བསྐུལ་བ། གཞན་གྱི་དོན་མཛད་པའི་ཕྱིར་རྟག་ཏུ་བརྩོན་པར་མཛད་པ་དེ་ཐུགས་ལ་དགོངས་པ་འདི་ལྟ་བུ་མངོན་སུམ་དུ་མཛད་དེ། གང་ངས་སྐྱེ་བ་མང་པོར་
D301.072.0002b04.01ཡོངས་སུ་འཁོར་བ་ན་རང་གི་ཤ་དང་ཁྲག་དང་མགོ་དང་མིག་དང་བུ་དང་ཆུང་མ་རྣམས་གཏོང་བ་དང་ཤིན་ཏུ་གཏོང་བས་ཡོངས་སུ་བཏང་བ་དང་། དཀའ་བའི་ཚུལ་ཁྲིམས་ལ་གནས་པ་དང་། གཞན་གྱིས་སྦྱར་བའི་བསྙེན་བཀུར་མ་ཡིན་པ་སྣ་ཚོགས་པ་བཟོད་པར་བྱས་པ་དང་། རྟག་ཏུ་ལྷོད་པ་མེད་
D301.072.0002b05.01པའི་སྤྲོ་བ་དང་། འབྲས་བུ་དང་བཅས་པའི་ཏིང་ངེ་འཛིན་གྱི་བདེ་བ་ལ་མ་ཆགས་པ་དང་། ཡོད་པ་དང་མེད་པའི་དོན་ལ་རྣམ་པར་དཔྱོད་པ་དང་ལྡན་པས་གཞན་གྱི་དོན་ལ་བརྩོན་པའི་བློ་གྲོས་ཀྱིས་ཤིན་ཏུ་མི་བཟད་པའི་སྡུག་བསྔལ་གྱི་ཚོར་བ་རྣམ་པ་མང་པོས་སེམས་ལ་གདུངས་པའི་སྡུག་ཕོངས་
D301.072.0002b06.01པའི་སྲོག་ཆགས་རྣམས་ལ་མཆོག་ཏུ་སྙིང་རྗེ་བསྐྱེད་ནས་བྱམས་པའི་སྟོབས་དང་། ཟླ་འོད་དང་ཤི་བི་དང་གླང་པོ་དང་ཐམས་ཅད་སྒྲོལ་དང་བཟོད་པར་སྨྲ་བ་དང་སྤྲེའུའི་བདག་པོ་དང་མིག་{བཟངས་,བཟང་}དང་སྨན་ཆེན་པོ་ལ་སོགས་པ་སྐྱེས་པའི་རབས་སྟོང་ཕྲག་སྙེད་ཏུ་སྨོན་ལམ་བྱས་ཤིང་བསགས་པ། ཨེ་མའོ་ཀྱེ་
D301.072.0002b07.01