完整藏文原文 · 德格版页 当前仅加载第 72 函德格 17b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྐང་པ་ལ་ཕྱག་འཚལ་དུ་ཆུག་ཤིག །དེ་ནས་བྱང་ཆུབ་སེམས་དཔའ་གླང་པོ་ཆེ་ལ་བསྐྱོན་ཏེ་དཔུང་གི་ཚོགས་དཔག་ཏུ་མེད་པས་ཡོངས་སུ་བསྐོར་ཏེ་གྲོང་ཁྱེར་སེར་སྐྱའི་གཞིར་འཇུག་པར་བརྩམས་པ་དང་། གྲོང་ཁྱེར་སེར་སྐྱའི་གཞི་སྒྲ་བཅུ་གཉིས་དང་བྲལ་བར་གྱུར་ཅིང་བྱང་ཆུབ་
D301.072.0017b01.01སེམས་དཔའ་དེ་ནང་དུ་ཞུགས་པ་ན་ཐུབ་པ་བཞིན་དུ་གནས་པར་གྱུར་ཏོ། །དེ་ནས་རྒྱལ་པོ་ཟས་གཙང་མས་བསམས་པ། གྲོང་ཁྱེར་འདི་འདི་ལྟ་སྟེ། གླང་པོ་ཆེའི་སྒྲ་དང་། རྟའི་སྒྲ་དང་། ཤིང་རྟའི་སྒྲ་དང་། དཔུང་བུ་ཆུང་གི་སྒྲ་དང་། དུང་གི་སྒྲ་དང་། རྔ་བོ་ཆེའི་སྒྲ་དང་།
D301.072.0017b02.01བེ་དེའི་སྒྲ་དང་། རྭ་དུང་གི་སྒྲ་དང་། གར་གྱི་སྒྲ་དང་། གླུའི་སྒྲ་དང་། རོལ་མོའི་སྒྲ་དང་། སྦྱིན་པ་ནི་བྱིན། བསོད་ནམས་ནི་གྱིས། བསྙེན་གནས་ལ་ནི་ཉེ་བར་གནས། །ཚུལ་ཁྲིམས་ཡང་དག་པར་བླངས་ཏེ་མནོས་ཤིག་ཅེས་བྱ་བའི་སྒྲ་སྟེ་སྒྲ་བཅུ་གཉིས་དང་བྲལ་ཞིང་
D301.072.0017b03.01གཞོན་ནུ་དེ་ནང་དུ་ཞུགས་པ་ན་ཐུབ་པ་བཞིན་དུ་ཞི་བར་གནས་པས་གཞོན་ནུའི་མིང་ཤཱཀྱ་ཐུབ་པ་ཞེས་གདགས་སོ་ཞེས་བྱང་ཆུབ་སེམས་དཔའི་མིང་ཤཱཀྱ་ཐུབ་པ་ཞེས་བྱ་བར་བཏགས་སོ། །དེ་ནས་བྱང་ཆུབ་སེམས་དཔའ་གནོད་སྦྱིན་ཤཱཀྱ་འཕེལ་གྱི་གན་དུ་ཁྱེར་བ་དང་། གནོད་
D301.072.0017b04.01སྦྱིན་ཤཱཀྱ་འཕེལ་གྱིས་བྱང་ཆུབ་སེམས་དཔའ་གནས་དང་ཉེ་བར་ཕྱིན་པ་མཐོང་ངོ་། །མཐོང་ནས་ཀྱང་ཕྱིར་བྱུང་ནས་ལུས་ཐམས་ཅད་ཀྱིས་བྱང་ཆུབ་སེམས་དཔའི་རྐང་པ་གཉིས་ལ་གཏུགས་ཏེ་ཕྱག་བྱས་སོ། །དེ་མཐོང་བ་དང་། རྒྱལ་པོ་ཟས་གཙང་མས་སྨྲས་པ། ལྷས་ཀྱང་
D301.072.0017b05.01རྐང་པ་གཉིས་ལ་གཏུགས་པས་འདི་ནི་ལྷའི་ཡང་ལྷ་ཡིན་པས་གཞོན་ནུའི་མིང་ལྷའི་ཡང་ལྷ་ཞེས་བྱའོ་ཞེས་བྱང་ཆུབ་སེམས་དཔའི་མིང་ལྷའི་ཡང་ལྷ་ཞེས་བྱ་བར་བཏགས་སོ། །དེ་ནས་དེའི་ཚེ་རྒྱལ་པོ་ཟས་གཙང་གིས་དགོས་པའི་ཆེད་ལ་འདུག་ནས་དོན་ཟབ་མོའི་ཚིག་དང་ཡི་གེ་དག་
D301.072.0017b06.01ཤེས་རབ་ཀྱིས་སོ་སོར་འབྱེད་པར་བྱེད་དོ། །དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པ་འཁོར་ལྔ་བརྒྱ་དང་ཡི་གེའི་སློབ་དཔོན་སྲིན་བུ་གོ་ཆ་ལ་ཡི་གེ་སློབ་པར་བཏང་ནས་ཡི་གེའི་སློབ་དཔོན་སྲིན་བུ་གོ་ཆས་བྱང་ཆུབ་སེམས་དཔའ་ལ་ཡི་གེར་བྲིས་ནས་ཕོག་པ་དང་། བྱང་ཆུབ་སེམས་
D301.072.0017b07.01