完整藏文原文 · 德格版页 当前仅加载第 72 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཁྱད་པར་ཐོབ་པར་ནུས་སམ། ཤེས་པའམ། མཐོང་བ་དང་རེག་པར་གནས་པ་ཅུང་ཟད་ཀྱང་མ་ཐོབ་ནད་ལྟར་ཁྱོད་མི་བརྟན་ཞིང་བྱ་བ་མང་ལ་མང་པོས་འཚོ་ཞིང་སྤོང་བ་ཉམས་པས་ད་ཁྱོད་འབྲས་ཅན་དང་ཟན་དྲོན་གྱི་ཁ་ཟས་ལ་མང་དུ་ཟ་ཞིང་ལུས་མར་སར་དང་ཏིལ་མར་གྱིས་བྱུགས་ནས་ཆུ་
D301.072.0059b01.01འཇམ་པོས་ལུས་ཁྲུས་བྱེད་པ་ལྟ་སྨོས་ཀྱང་ཅི་དགོས། དགེ་སློང་ཁྱེད་ཀྱིས་དེ་བཞིན་གཤེགས་པའི་ཞལ་མདོག་དང་དབང་པོ་རྣམས་གསལ་བ་སྔོན་ལས་ཐ་དད་དུ་བྱ་བ་གཞན་ལྟ་མཐོང་ངམ། དེ་རྣམས་ཀྱིས་འདི་སྐད་ཅེས་གསོལ་ཏོ། །ཚེ་དང་ལྡན་པ་གཽ་ཏ་མ་དེ་དེ་བཞིན་ནོ། །དེ་ནས་
D301.072.0059b02.01བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་བཀའ་སྩལ་པ། དགེ་སློང་དག་རབ་ཏུ་བྱུང་བས་ནི་མཐའ་འདི་གཉིས་ལ་བསྟེན་པར་མི་བྱ། བསྙེན་པར་མི་བྱ། བསྙེན་བཀུར་མི་བྱ་སྟེ། གཉིས་གང་ཞེ་ན། འདོད་པ་རྣམས་ལ་འདོད་པའི་བསོད་ནམས་ཀྱི་རྗེས་སུ་བརྩོན་པ། དམན་
D301.072.0059b03.01པ་ངན་པ། ཐ་ཆད་མ་རབས་གང་ཡིན་པ་དང་། བདག་ཉིད་དུབ་པ་ལ་རྗེས་སུ་བརྩོན་པ། སྡུག་བསྔལ་བ་འཕགས་པའི་མ་ཡིན་པ་གནོད་པ་དང་ལྡན་པ་གང་ཡིན་པའོ། །ཁྱེད་ཀྱིས་མཐའ་འདི་གཉིས་ལ་མི་རྟེན་པར་དབུ་མའི་ལམ་མིག་བྱེད་པས། ཡེ་ཤེས་བྱེད་པ། ཉེ་བར་ཞི་
D301.072.0059b04.01བར་འགྱུར་བ། མངོན་པར་ཤེས་པ་དང་། རྫོགས་པར་བྱང་ཆུབ་པ་དང་། མྱ་ངན་ལས་འདས་པར་འགྱུར་བ་ཡོད་དེ། དབུ་མའི་ལམ་གང་ཞེ་ན་འཕགས་པའི་ལམ་ཡན་ལག་བརྒྱད་པ་འདི་ལྟ་སྟེ། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་དག་
D301.072.0059b05.01དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཡིན་ནོ། །བཅོམ་ལྡན་འདས་ཀྱིས་ལྔ་སྡེའི་དགེ་སློང་རྣམས་ལ་ཤེས་པར་བྱ་བ་འདིས་ཤེས་པར་མཛད་སྤྱོད་པས་བཅོམ་
D301.072.0059b06.01ལྡན་འདས་ལྔ་སྡེའི་དགེ་སློང་རྣམས་ལས་གཉིས་ལ་སྔ་དྲོ་གདམས་ངག་འབོགས་པ་ན། གསུམ་གྲོང་ཁྱེར་དུ་བསོད་སྙོམས་ལ་འཇུག་སྟེ། གསུམ་གྱིས་བསྒྲུབས་པ་གང་ཡིན་པ་དེས་དྲུག་ཅར་འཚོ་བར་བྱེད་དོ། །བཅོམ་ལྡན་འདས་ལྔ་སྡེ་རྣམས་ཀྱི་དགེ་སློང་གསུམ་ལ་ཕྱི་དྲོ་གདམས་
D301.072.0059b07.01