完整藏文原文 · 德格版页 当前仅加载第 72 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཀྱང་མི་རོ་དབུ་རྟེན་དུ་བཅུག་ཞབས་ལ་ཞབས་བཞག་སྟེ། སྣང་བའི་འདུ་ཤེས་དང་དྲན་པ་དང་ཤེས་བཞིན་དང་ལྡན་པའི་འདུ་ཤེས་ཡིད་ལ་མཛད་པས་གློ་གཡས་པས་མནལ་བར་མཛད་དོ། །དེའི་ཚེ་གྲོང་ཁྱེར་གྱི་གཞོན་ནུ་རྣམས་དང་། གྲོང་ཁྱེར་གྱི་གཞོན་ནུ་མ་རྣམས་ལྷགས་ནས་ཤིང་བུས་དེའི་སྙན་གཉིས་
D301.072.0041a01.01ཀྱི་བུ་གར་འཛུགས་པར་བྱེད་རྣ་བ་གཉིས་ཀ་ནས་འདྲེན་པར་བྱེད་ཅིང་འདི་སྐད་ཅེས་ཀྱེ་ཕྱག་དར་ཁྲོད་ཀྱི་ཤ་ཟ་ལ་ལྟོས། ཀྱེ་ཕྱག་དར་ཁྲོད་ཀྱི་ཤ་ཟ་ལ་ལྟོས་ཞེས་སྨྲ་བར་ཡང་བྱེད་དོ། །དེའི་ཚེ་ཕྱག་དར་དང་བོང་རྡོག་དང་། གསེག་མས་ཀྱང་འཐོར་བར་བྱེད་དོ། །འོན་ཀྱང་བྱང་ཆུབ་སེམས་དཔའ་ནི་གྲོང་ཁྱེར་གྱི་གཞོན་
D301.072.0041a02.01ནུ་རྣམས་སམ། གྲོང་ཁྱེར་གྱི་གཞོན་ནུ་མ་དེ་རྣམས་ལ་ངན་སེམས་སྐྱེད་པའམ་སྡིག་པའི་ཚིག་དབྱུང་བར་མི་དགོངས་སོ། །བྱང་ཆུབ་སེམས་དཔའ་དཀའ་ཐུབ་ཆེན་པོ་ལ་དཀའ་བ་སྤྱོད་པས་ན། དགེ་སྦྱོང་ཆེན་པོ་དགེ་སྦྱོང་ཆེན་པོ་ཞེས་མཚན་དུ་གྱུར་ཏེ། དེ་ལྟར་ལོ་དྲུག་གི་བར་དུ་དཀའ་ཐུབ་སྤྱད་པར་མཛད་དོ། །
D301.072.0041a03.01དེ་ནས་ལྷ་གསུམ་ཞིག་བྱང་ཆུབ་སེམས་དཔའ་གང་ན་བ་དེར་ལྷགས་ཏེ། དེ་ནས་ལྷ་གཅིག་གིས་འདི་སྐད་ཅེས་སྨྲས་སོ། །དགེ་སྦྱོང་གཽ་ཏ་མ་ནི་ནག་པོ་ཞིག་གོ། །གཉིས་པས་འདི་སྐད་ཅེས་སྨྲས་སོ། །འདི་ནི་ནག་པོ་མ་ཡིན་གྱིས། འོན་ཀྱང་སྔོ་བསངས་ཞིག་གོ། །གསུམ་པས་འདི་སྐད་ཅེས་སྨྲས་སོ། །
D301.072.0041a04.01འདི་ནི་ནག་པོ་ཡང་མ་ཡིན། སྔོ་བསངས་ཀྱང་མ་ཡིན་གྱི་དམར་སྨུག་ཞིག་གོ། །བྱང་ཆུབ་སེམས་དཔའི་སྐུ་མདོག་བཟང་པོར་སྣང་བ་ནི་ཐམས་ཅད་ཀྱི་ཐམས་ཅད་དུ་ནུབ་པར་གྱུར་ཏོ། །དེ་ནས་དེའི་ཚེ་བྱང་ཆུབ་སེམས་དཔའ་ལ་སྔོན་མ་གསན་པའི་དཔེ་གསུམ་ཞིག་གསན་པ་འདི་ལྟ་སྟེ། ཤིང་རློན་པ་ཆུ་ཅན་
D301.072.0041a05.01ཞིག་ཆུ་ནས་ཕྱུང་སྟེ། ཉེ་བར་སྐམ་ལ་བཞག་པ་དང་། དེ་ནས་མི་མེ་དོན་དུ་གཉེར་བ་མེ་ཚོལ་བ་ཞིག་འདིར་འོངས་ནས་དེས་དེ་ལ་གཙུབ་སྟན་བྱས་ཏེ། གཙུབ་ཤིང་བཞག་ནས་གཙུབས་ན་འདི་ལྟར་ཤིང་དེ་རློན་པ་ཆུ་ཅན་ཡིན་པའི་ཕྱིར་མེ་འབྱུང་བ་དང་འབར་དུ་མི་བཏུབ་པ་དེ་བཞིན་དུ་དགེ་སྦྱོང་ངམ་བྲམ་ཟེ་ཁ་ཅིག་འདོད་
D301.072.0041a06.01པ་རྣམས་ལ་ལུས་དང་སེམས་ཀྱིས་ཐག་སྲིང་བར་མི་གནས་ཀྱི་དེ་རྣམས་ཀྱི་འདོད་པ་རྣམས་ལ་འདོད་པ་ལ་འདུན་པ་དང་། འདོད་པ་ལ་ཆགས་པ་དང་། འདོད་པ་ལ་དགའ་བ་དང་། འདོད་པ་ལ་ཞེན་པ་དང་། འདོད་པ་ལ་འཆུམས་པ་དང་། འདོད་པ་ལ་ལྷག་པར་ཞེན་པ་གང་ཡིན་པ་དེ་ནི་དེ་རྣམས་ཀྱི་སེམས་ཡོངས་སུ་གཏུགས་ཏེ་
D301.072.0041a07.01