完整藏文原文 · 德格版页 当前仅加载第 72 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
མིས་བྱིན་གྱིས་སྨྲས་པ། མཁན་པོ་བཞུད། ཅི་རེ་ཞིག་འཁོར་ལོས་སྒྱུར་བའི་རྒྱལ་པོར་འགྱུར་རམ། འོན་ཏེ་བླ་ན་མེད་པའི་ཡེ་ཤེས་རྟོགས་པར་འགྱུར་བ་རང་ཉིད་ཀྱིས་བལྟ་བར་མཛོད་ཅིག །དྲང་སྲོང་ཉོན་མོངས་མེད་ཀྱིས་སྨྲས་པ། ད་ལྟར་ན་ནི་རྒྱལ་པོ་ཟས་གཙང་མའི་
D301.072.0015b01.01ཁྱིམ་ཉི་འོག་གི་རྒྱལ་པོ་དང་། མཁར་གྱི་རྒྱལ་པོ་དང་། ཚོང་པ་དང་། ཚོང་དཔོན་དང་། དེད་དཔོན་རྣམས་དང་། བྲམ་ཟེ་དང་། ཁྱིམ་བདག་བརྒྱ་སྟོང་དཔག་ཏུ་མེད་པས་ཀུན་ཏུ་ཁྱབ་ནས་འདུག་གིས་གང་གི་ཚེ་དེ་དབེན་པར་གྱུར་པ་དེའི་ཚེ་རྒྱལ་པོ་ཟས་གཙང་མའི་གན་དུ་འགྲོ་
D301.072.0015b02.01བར་བྱའོ། །དེ་ནས་རྒྱལ་པོ་ཟས་གཙང་མ་འདི་སྙམ་དུ་ཀྱེ་མའོ་དྲང་སྲོང་ཉོན་མོངས་མེད་རྐང་གིས་སེར་སྐྱའི་གཞིར་འོངས་ན་ཅི་མ་རུང་སྙམ་དུ་སེམས་སོ། །དེ་ནས་དྲང་སྲོང་ཉོན་མོངས་མེད་སྟེང་གི་ནམ་མཁའ་ལ་མངོན་པར་འཕགས་ནས་རྒྱལ་པོ་ཟས་གཙང་མའི་ཕོ་བྲང་སྒོར་ཕྱིན་
D301.072.0015b03.01པ་དང་། ཇི་ཙམ་ན་སྒོ་སྲུངས་ཀྱིས་རྒྱལ་པོ་ཟས་གཙང་མ་ལ་ལྷ་དགྱེས་པ་བསྐྱེད་དུ་གསོལ། དྲང་སྲོང་ཉོན་མོངས་མེད་འདིར་མཆིས་སོ་ཞེས་རིག་པར་བྱས་པ་དང་། རྒྱལ་པོ་ཟས་གཙང་མས་ཐོས་ཏེ་དགའ་བ་དང་། མགུ་བ་དང་། རབ་ཏུ་དགའ་བ་དང་། མཆོག་ཏུ་རངས་པ་
D301.072.0015b04.01བྱུང་ནས་མཆོག་ཏུ་གུས་པས་མཆོད་དེ་འདི་སྐད་ཅེས་སྨྲས་སོ། །དྲང་སྲོང་ཆེན་པོ་ལེགས་པར་འོངས་སོ། །དགོས་པ་ཅི་ཞིག་ལ་འོངས། ཉོན་མོངས་མེད་ཀྱིས་སྨྲས་པ། རྒྱལ་པོ་ཆེན་པོ་བདག་ནི་འདིར། །ཁྱེད་སྲས་བལྟ་བའི་ཕྱིར་མཆིས་ཏེ། །འཇིག་རྟེན་གཙོ་བོ་རྣམ་
D301.072.0015b05.01འདྲེན་པ། །ཐུབ་པ་དེ་ནི་མཐོང་བར་འཚལ། །རྒྱལ་པོས་སྨྲས་པ། གལ་ཏེ་དེ་ལྟ་ན་ནི་གཞོན་ནུ་གཉིད་ལོག་གིས་སད་ཀྱི་བར་དུ་རེ་ཞིག་སྡོད་ཅིག །ཉོན་མོངས་མེད་ཀྱིས་སྨྲས་པ། རིགས་དང་ལྡན་པའི་རྟ་རྣམས་ནི། །མཚན་མོའི་བཞི་ཆ་ཉལ་བ་ལྟར། །དགོས་པ་དོན་
D301.072.0015b06.01གཉེར་རྣམས་ཀྱི་གཉིད། །མིག་ལ་ཡུན་རིང་མི་གནས་སོ། །དེ་ནས་གཞོན་ནུ་ཤཱཀྱ་ཐུབ་པ་མ་མའི་པང་ན་འདུག་པ་དྲང་སྲོང་ཉོན་མོངས་མེད་ལ་བྱིན་པ་དང་། དྲང་སྲོང་ཉོན་མོངས་མེད་ཀྱིས་ལག་པ་གཉིས་ཀྱིས་བླངས་ནས་ཡུད་ཙམ་བརྟགས་ཏེ་སྨྲས་པ། ལྷ་གཞོན་ནུ་འདི་མཚན་མཁན་
D301.072.0015b07.01