完整藏文原文 · 德格版页 当前仅加载第 72 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུག་གོ། །ཡང་རྒྱལ་པོ་ཕྱིར་བྱུང་བར་བརྩམས་པ་ན་དེའི་དབུ་རྒྱན་སྒོ་ལ་ཐུག་གོ། །དེས་ཡང་བསམས་པ། བདག་གིས་ནི་གདོན་མི་ཟ་བར་ལས་སྐྱོན་ཅན་ཞིག་བྱས་ཏེ་དེས་ན་བདག་ལ་ལྟས་ངན་པ་གཞན་སྒོ་ལ་དབུ་རྒྱན་ཐུག་པ་འདི་བྱུང་ངོ་སྙམ་མོ། །ལྷ་དེ་རྣམས་ཀྱིས་
D301.072.0083a01.01ཡང་སྨྲས་པ། རྒྱལ་པོ་ཆེན་པོ་ཁྱོད་ཀྱིས་ལས་སྐྱོན་ཅན་མ་བྱས་མོད་ཀྱི་ཁྱོད་དང་ལྷན་ཅིག་ལས་མཚུངས་པར་སྤྱད་པ་གང་ཡིན་པ་དེ་དག་ཁ་ཅིག་ནི་འདུས་ཀྱང་ཁ་ཅིག་ནི་ཡུལ་ལྗོངས་གཞན་ག་གེ་མོ་ཞེས་བྱ་བ་དག་ན་ལས་ཀྱི་མཐའ་བྱེད་ཅིང་འདུག་པ་དེ་དག་སྦྲོན་ཅིག །རྒྱལ་པོས་ཡུལ་དེ་ན་
D301.072.0083a02.01གནས་པའི་སྐྱེ་བོའི་ཚོགས་ཐམས་ཅད་ཀྱང་བཀུག་གོ། །དེ་ནས་རྒྱལ་པོ་གཟུགས་ཅན་སྙིང་པོ་ཤིང་རྟ་ཁྲི་ཉིས་སྟོང་དང་། ཞབས་འབྲིང་བ་རྟ་པའི་ཚོགས་ཁྲི་བརྒྱད་སྟོང་དང་། མ་ག་དྷཱའི་བྲམ་ཟེ་དང་ཁྱིམ་བདག་བརྒྱ་སྟོང་ཕྲག་དུ་མ་དང་ལྷན་ཅིག་རྒྱལ་པོའི་ཁབ་ནས་བྱུང་སྟེ། བཅོམ་
D301.072.0083a03.01ལྡན་འདས་ལ་བལྟ་བ་དང་། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་ངོ་། །དེ་ཇི་ཙམ་བཞོན་པའི་སའི་བར་དུ་བཞོན་པས་སོང་སྟེ། བཞོན་པ་ལས་བབས་ནས་རྐང་པ་ཁོ་ནས་ཀུན་དགའ་ར་བར་ཞུགས་སོ། །མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་
D301.072.0083a04.01སྙིང་པོས་ཐག་ཇི་ཙམ་ནས་བཅོམ་ལྡན་འདས་མཐོང་བའི་བར་དེ་ནས་རྒྱལ་པོའི་མཚན་མ་ལྔ་པོ་ཟེའུ་ཁ་དང་། གདུགས་དང་། རལ་གྲི་དང་། ནོར་བུའི་རྔ་ཡབ་དང་། ལྷམ་ཁྲ་བོ་རྣམས་ཕུད་དོ། །དེ་ནས་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་རྒྱལ་པོའི་མཚན་
D301.072.0083a05.01མ་ལྔ་བཞག་ནས་བཅོམ་ལྡན་འདས་ག་ན་བ་དེར་སོང་སྟེ་ཕྱིན་པ་དང་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ་དེ་རང་གི་མིང་ནས་ཕྱུང་སྟེ་ལན་གསུམ་དུ་གསོལ་པ། བཙུན་པ་བདག་ནི་མ་ག་དྷཱའི་རྒྱལ་པོ་བཟོ་སྦྱངས་
D301.072.0083a06.01གཟུགས་ཅན་སྙིང་པོ་ལགས་སོ། །བཙུན་པ་བདག་ནི་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ལགས་སོ། །རྒྱལ་པོ་ལགས་སོ། །རྒྱལ་པོ་དེ་དེ་བཞིན་ནོ། །དེ་དེ་བཞིན་ཏེ། རྒྱལ་པོ་ཆེན་པོ་ཁྱོད་མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡིན་ནོ་རྒྱལ་
D301.072.0083a07.01