完整藏文原文 · 德格版页 当前仅加载第 72 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ཏེ་ཕྱག་བཅབས་ཤིང་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འཁོད་དོ། །དེ་ནས་བཅོམ་ལྡན་འདས་ཀྱིས་གྲོང་པའི་བུ་
D301.072.0070b01.01མོ་དགའ་མོ་དང་། དགའ་སྟོབས་མ་ལ་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་བཅོམ་ལྡན་
D301.072.0070b02.01འདས་གྲོང་ཁྱེར་སྡེ་ཅན་ནས་གཤེགས་པ་ན་འདི་སྙམ་དུ་དགོངས་ཏེ། ངས་ཡུལ་མ་ག་ངྷཱ་འདིར་ངང་ཚུལ་བཟང་པོར་བཀུར་བའི་དགེ་སྦྱོང་ངམ་བྲམ་ཟེ་གང་ཞིག་དབང་དུ་བྱས་ན་དེ་དབང་དུ་གྱུར་པས་ཚེགས་ཆུང་ངུས་སྐྱེ་བོའི་ཚོགས་ཆེན་པོ་དབང་དུ་འགྱུར་བ་སུ་ཞིག་ཡོད་སྙམ་མོ། །དེའི་ཚེ་ལྟེང་
D301.072.0070b03.01རྒྱས་འོད་སྲུང་རལ་པ་ཅན་བཙས་ནས་ལོ་བརྒྱ་ཉི་ཤུ་ལོན་པ་རྒས་པ་འཁོགས་གཏུགས་པ་ཞིག་ཡོད་པ་དེ་མ་ག་ངྷཱའི་མི་རྣམས་ཀྱིས་བཀུར་སྟིར་བྱ་བ་དང་། བླ་མར་བྱ་བ་དང་། རྗེད་པར་བྱ་བ་དང་། མཆོད་པར་བྱ་བས་དགྲ་བཅོམ་པར་བཀུར་ཅིང་འཁོར་ལྔ་བརྒྱ་དང་ནཻ་རཉྫ་ནཱའི་ཆུ་ཀླུང་གི་
D301.072.0070b04.01འགྲམ་གྱི་བསྟི་གནས་ན་དཀའ་ཐུབ་སྤྱོད་དོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ལྟེང་རྒྱས་འོད་སྲུང་རལ་པ་ཅན་བཙས་ནས་ལོ་བརྒྱ་ཉི་ཤུ་ལོན་པ་རྒས་འཁོགས་གཏུགས་པ་འདི་མ་ག་ངྷཱའི་མི་རྣམས་ཀྱིས་ཞེས་བྱ་བ་ནས་དཀའ་ཐུབ་སྤྱོད་དོ་ཞེས་བྱ་བའི་བར་གོང་མ་བཞིན་
D301.072.0070b05.01དུ་སྟེ། མ་ལ་ངས་ལྟེང་རྒྱས་འོད་སྲུང་རལ་པ་ཅན་དབང་དུ་བྱ་སྟེ་འདི་དབང་དུ་གྱུར་ན་ཚེགས་ཆུང་ངུས་སྐྱེ་བོའི་ཚོགས་ཆེན་པོ་དབང་དུ་འགྱུར་རོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ག་ན་བ་དེར་གཤེགས་སོ། །ལྟེང་རྒྱས་འོད་སྲུང་
D301.072.0070b06.01རལ་པ་ཅན་གྱིས་བཅོམ་ལྡན་འདས་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་བཅོམ་ལྡན་འདས་ཀྱི་ཆེད་དུ་གདན་བཤམས་ནས་འདི་སྐད་ཅེས་ཀྱང་གསོལ་ཏོ། །དགེ་སྦྱོང་ཆེན་པོ་ཚུར་སྤྱོན། དགེ་སྦྱོང་ཆེན་པོ་བྱོན་པ་ལེགས་སོ། །དགེ་སྦྱོང་ཆེན་པོ་ཡུན་རིང་པོ་ཞིག་ལགས་ན་
D301.072.0070b07.01