完整藏文原文 · 德格版页 当前仅加载第 72 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ང་གྲོང་ཁྱེར་ནས་འབྱུང་ན་དཔལ་འབྱུང་བར་འགྱུར་རོ། །རྒྱལ་པོ་ཟས་གཙང་མས་ཀྱང་རྨི་ལམ་རྨིས་པ་དཔལ་གྱི་མལ་ཁྲི་ཆག་པ་དང་། ཕའི་རྒྱུད་ཆད་པའོ། །བྱང་ཆུབ་སེམས་དཔས་དེ་གསན་པ་དང་། དེ་དེ་བཞིན་ཏེ། ང་ནི་གྲགས་འཛིན་མའི་དཔལ་གྱི་གནས་སུ་
D301.072.0026b01.01གྱུར་པ་དང་། ཟས་གཙང་མའི་ཕའི་རིགས་རྒྱུད་ཀྱི་གནས་སུ་གྱུར་པས་ང་རབ་ཏུ་བྱུང་ན་ཤཱཀྱ་རྣམས་ཀྱི་རིགས་རྒྱུད་ཆད་པར་འགྱུར་རོ། །མཚན་མཁན་རྣམས་ཀྱིས་རྒྱལ་པོ་ཟས་གཙང་མའི་མདུན་དུ་གལ་ཏེ་གཞོན་ནུ་ཞག་བདུན་གྱི་བར་དུ་རབ་ཏུ་མ་བྱུང་ན་འཁོར་ལོས་སྒྱུར་བའི་རྒྱལ་
D301.072.0026b02.01པོར་འགྱུར་རོ་ཞེས་ལུང་བསྟན་ཏོ། །འདི་སྐད་ཅེས་ཀྱང་སྨྲས་སོ། །གལ་ཏེ་དེ་ཡི་བཟང་པོ་གཟིགས་བཞེད་ན། །དེ་སླད་དགུང་བདུན་བར་དུ་སྲུངས་ཤིག་དང་། །མི་དབང་གདུགས་ནི་བདལ་བར་གྱུར་པ་ལྟའི། །རིན་ཆེན་སྣ་བདུན་འབྱུང་བར་ཐེ་ཙོམ་མེད། །ཁྱོད་སྲས་
D301.072.0026b03.01རིན་ཆེན་བདུན་པོ་ཡི། །དབང་ཕྱུག་གི་ནི་རྒྱལ་པོར་འགྱུར། །རྒྱ་མཚོ་ལ་ནི་ཐུག་པའི་ས། །ཆད་པ་མེད་པས་སྐྱོང་བར་འགྱུར། །འོན་ཏེ་ས་ནི་སྤངས་ནས་སུ། །བསྙེངས་མེད་ནགས་སུ་བཞུད་ན་ནི། །ཐམས་ཅད་མཁྱེན་པ་ཐོབ་གྱུར་ནས། །འགྲོ་བ་སྒྲོལ་བ་མཛད་
D301.072.0026b04.01པར་འགྱུར། །ཞེས་ཐོས་སོ། །ཐོས་ནས་ཀྱང་ཟས་གཙང་དང་། ཟས་དཀར་དང་། བྲེ་བོ་ཟས་དང་། བདུད་རྩི་ཟས་བཞི་ལྷན་ཅིག་གཅིག་ཏུ་ཚོགས་ནས་གྲོས་བྱ་བར་བརྩམས་པ། ཤེས་ལྡན་དག་མཚན་མཁན་དང་ལྟས་མཁན་གྱི་བྲམ་ཟེ་རྣམས་ཀྱིས་བྱང་ཆུབ་སེམས་དཔའ་
D301.072.0026b05.01ཤཱཀྱ་ཐུབ་པ་ལ་གལ་ཏེ་ཞག་བདུན་གྱི་བར་དུ་རབ་ཏུ་མ་བྱུང་ན་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ལུང་བསྟན་གྱིས་དེ་ལྟ་བས་ན་བདག་ཅག་གིས་བྱང་ཆུབ་སེམས་དཔའ་ཞག་བདུན་གྱི་བར་དུ་བསྒྲིམས་ཏེ་བསྲུང་བར་བྱ་ཞིང་གྲོང་ཁྱེར་ཡང་ལེགས་པར་བསྲུང་བར་བྱའོ། །དེ་ནས་
D301.072.0026b06.01དེ་རྣམས་ཀྱིས་སེར་སྐྱའི་གཞིའི་གྲོང་ཁྱེར་ར་བ་རིམ་པ་བདུན་དང་། འོབས་རིམ་པ་བདུན་གྱིས་བསྐོར་ནས་གྲོང་ཁྱེར་གྱི་སྒོ་འཕར་ལྕགས་ལས་བྱས་ཤིང་སྒོ་འཕར་རྣམས་ལ་དྲིལ་བུ་ཤིན་ཏུ་སྒྲ་གསལ་བ་བཏགས་ཏེ། སྒོ་ཕྱེ་ན་དེའི་སྒྲས་དཔག་ཚད་གཅིག་ཁོར་ཡུག་ཏུ་གྲག་པར་འགྱུར་རོ། །
D301.072.0026b07.01