完整藏文原文 · 德格版页 当前仅加载第 72 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་མེལ་ཙེ་མཛོད་ཅིག །མེལ་ཙེ་མཛད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། གཉིད་ལོག་པ་ནི་རྟག་ཏུ་མྱོས། །མྱོས་འགྱུར་བྲེ་བོས་འཐུངས་པ་ཉལ། །དགོན་པ་ནགས་སུ་ཉལ་བ་འདྲས། །དེ་བས་མ་ཉལ་མེལ་ཙེ་བྱོས། །བྱང་སྒོར་
D301.072.0027b01.01སོང་ནས་སྨྲས་པ། སུ་ཞིག་མེལ་ཙེ་བྱེད། སུ་ཞིག་མེལ་ཙེ་བྱེད། བདུད་རྩི་ཟས་ཀྱིས་སྨྲས་པ། ཁོ་བོ་མེལ་ཙེ་བྱེད་དོ། །ལྷ་མེལ་ཙེ་མཛོད་ཅིག །མེལ་ཙེ་མཛད་དང་ཁྱོད་ལ་ལེགས་པར་འགྱུར་རོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། རི་ཉལ་རི་སུལ་ཉལ་བ་བཞིན། །རྒྱ་
D301.072.0027b02.01མཚོའི་ཆུར་ནི་ཉལ་བ་དང་། ལྗོན་ཤིང་རྩེ་ལ་ཉལ་བ་བཞིན། །དེ་བས་མ་ཉལ་མེལ་ཙེ་བྱོས། །དབུས་ཀྱི་བཞི་མདོ་དང་། སུམ་མདོ་དག་ཏུ་སོང་ནས་སྨྲས་པ། སུ་ཞིག་མེལ་ཙེ་བྱེད། སུ་ཞིག་མེལ་ཙེ་བྱེད། སྲུངས་མ་རྣམས་ཀྱིས་སྨྲས་པ། བདག་ཅག་མེལ་ཙེ་བགྱིད་དོ། །
D301.072.0027b03.01མེལ་ཙེ་བྱོས་ཤིག །མེལ་ཙེ་བྱས་དང་ལེགས་པར་འགྱུར་རོ། །ཞེས་སྨྲས་ནས་ཚིགས་སུ་བཅད་དེ་སྨྲས་པ། ཆོས་སྤྱོད་ཆོས་མ་ཡིན་མ་སྤྱོད། །བདེན་པར་སྨྲོས་ཤིག་{བརྫུན་,རྫུན་}མ་སྨྲ། །མུན་པ་ཆེན་པོར་འཇུག་པར་འགྱུར། །དེ་བས་མ་ཉལ་མེལ་ཙེ་བྱོས། །དེ་ནས་ནམ་
D301.072.0027b04.01ནངས་ནས་ཤཱཀྱ་མིང་ཆེན་གྱིས་རྒྱལ་པོ་ཟས་གཙང་ལ་སྨྲས་པ། ལྷ་དགུང་སངས་ལགས་ཏེ། དགུང་བདུན་ལ་དགུང་གཅིག་ནི་ཐལ་དགུང་དྲུག་ནི་ལུས་སོ། །རྒྱལ་པོ་ཟས་གཙང་གིས་སྨྲས་པ། ལེགས་ཀྱིས་ཞག་དྲུག་འདས་ནས་གཞོན་ནུ་འཁོར་ལོས་སྒྱུར་བར་གྱུར་ན་བདག་
D301.072.0027b05.01ཅག་ནམ་མཁའི་ངོས་ལ་རྒྱུ་ཞིང་གླིང་བཞིར་ཕྱི་བཞིན་འདོང་ངོ་། །དེ་བཞིན་དུ་དགུང་གཅིག་ལུས་སོ་ཞེས་བྱ་བའི་བར་དུའོ། །དེ་ནས་ལྷའི་དབང་པོ་བརྒྱ་བྱིན་འདི་སྙམ་དུ་སེམས་ཏེ། མི་དབང་ཤཱཀྱའི་སྲས་པོ་ཐུབ་པ་འདི། །བདག་ཉིད་ཆེན་པོ་ཕ་རོལ་ཕྱིན་དྲུག་རྫོགས། །ཐུགས་
D301.072.0027b06.01རྣམས་དགྱེས་པར་མཛད་པ་དཀའ་ཐུབ་ཚལ། །འཕགས་པ་དགྱེས་པའི་ནགས་སུ་གཤེགས་པར་བཞེད། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། བདག་ལ་གཞན་དག་གཞོན་ནུ་ཤཱཀྱ་ཐུབ་པ་ནི་སྐྱེས་པ་མ་ཡིན་ཏེ། གང་གི་ཕྱིར་གྲགས་འཛིན་མ་དང་།
D301.072.0027b07.01