完整藏文原文 · 德格版页 当前仅加载第 72 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་དུ་བཅུག་གོ། །ཇི་ཙམ་ན་དུས་གཞན་ཞིག་ན་དྲང་སྲོང་གཽ་ཏ་མས་མཁན་པོ་ལ་སྨྲས་པ། མཁན་པོ་དགོན་པའི་གནས་ན་ཟས་ཀྱིས་འཚོ་བར་རྔོ་མི་ཐོགས་ཀྱིས་གྲོང་འདབ་ཏུ་གནས་པར་བགྱིའོ། །དེས་སྨྲས་པ། བུ་རུང་གིས་གྲོང་ངམ། དགོན་པ་ན་གནས་པའི་དྲང་སྲོང་གིས་
D301.072.0116b01.01ནི་མདོར་ན་དབང་པོ་བསྲུང་བ་ཡིན་གྱིས། ཁྱོད་སོང་ལ་གྲུ་འཛིན་གྱི་ཉེ་འཁོར་དུ་ལོ་མའི་སྤྱིལ་བུ་བྱོས་ལ་འདུག་ཤིག །མཁན་པོ་བཀའ་བཞིན་འཚལ་ཞེས་སྨྲས་ནས། དྲང་སྲོང་གཽ་ཏ་མ་གྲུ་འཛིན་གྱི་ཉེ་འཁོར་དུ་ལོ་མའི་སྤྱིལ་བུ་བྱས་ཏེ་གནས་སོ། །དེའི་ཚེ་གྲོང་ཁྱེར་གྲུ་འཛིན་ན་
D301.072.0116b02.01སྨད་འཚོང་མ་བཟང་མོ་ཞེས་བྱ་བ་དང་། སྐྱེས་བུ་གཡོན་ཅན་པད་མའི་རྩ་ལག་ཅེས་བྱ་བ་གནས་ཏེ། དེས་དེ་ལ་དགའ་མགུར་སྤྱད་པའི་ཕྱིར་གོས་དང་རྒྱན་དག་སྐུར་རོ། །དེས་གོས་དང་རྒྱན་དག་ཐོགས་ནས་ཆས་པ་ལས། ཡང་མི་གཞན་ཞིག་ཀཱ་ར་ཥཱ་པ་ཎ་ལྔ་བརྒྱ་
D301.072.0116b03.01ཐོགས་པ་ཞིག་འོངས་ནས། བཟང་མོ་དགའ་མགུར་སྤྱད་ཀྱིས་ཚུར་ཤོག །དེས་བསམས་པ། གལ་ཏེ་བདག་སོང་ན་ཀཱ་ཥཱ་པ་ཎ་ལྔ་བརྒྱ་ཡང་མི་འཐོབ་ལ་ཁྱིམ་དུ་འོངས་པ་སྤངས་ཏེ། གཞན་དུ་འགྲོ་བ་འདི་ནི་ལེགས་པ་མ་ཡིན་ནོ་སྙམ་ནས་དེས་བུ་མོ་མངག་གཞུག་མ་ལ་
D301.072.0116b04.01སྨྲས་པ། སོང་ལ་པད་མའི་རྩ་ལག་ལ་ཇོ་མོའི་མཆིད་ནས་རེ་ཞིག་བདག་སྐབས་མ་མཆིས་ཏེ་སླད་ཀྱིས་མཆིའོ་ཞེས་སྨྲོས་ཤིག །དེས་དེའི་གན་དུ་སོང་ནས་སྨྲས་སོ། །མི་དེ་ཡང་བྱ་བ་མང་པོ་ཞིག་ཡིན་པས་དེ་དེ་དང་དགའ་མགུར་སྤྱད་ནས་ཐུན་དང་པོ་ཉིད་ལ་སོང་ངོ་། །དེས་བསམས་
D301.072.0116b05.01པ། ནམ་ཚོད་རིང་དུ་ཡོད་པས་དེའི་སེམས་ཀྱང་བསྲུང་བར་ནུས་སོ་སྙམ་ནས་དེས་ཡང་བུ་མོ་དེ་ལ་བསྒོ་བ་པད་མའི་རྩ་ལག་གི་གན་དུ་སོང་ལ་ཇོ་མོའི་མཆིད་ནས་སྟ་གོན་བགྱིས་ལགས་ན་སྐྱེད་མོས་ཚལ་གང་དུ་མཆི་ཞེས་སྨྲོས་ཤིག །དེས་དེའི་གན་དུ་སོང་ནས་སྨྲས་པ་དང་།
D301.072.0116b06.01དེས་སྨྲས་པ། ཁྱོད་ཀྱི་སྐད་ཅིག་ལ་སྐབས་མེད། སྐད་ཅིག་ལ་སྐབས་ཡོད་ཅེའམ། བུ་མོ་དེ་དེ་དང་རེགས་མི་འཕྲོད་པ་ཞིག་པས། དེས་སྨྲས་པ་རྗེའི་སྲས་སྐབས་མ་མཆིས་པ་ནི་མ་ལགས་མོད་ཀྱི། དེ་ཁྱོད་ཀྱི་གོས་དང་རྒྱན་དག་གིས་སྐྱེས་པ་གཞན་དང་ལྷན་ཅིག་
D301.072.0116b07.01