完整藏文原文 · 德格版页 当前仅加载第 72 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པར་ཆས་པ་མཐོང་ངོ་། །དེ་ནས་སྐད་འཛེར་ཅིང་མིག་མཆི་མས་གང་བས་སྨྲས་པ། གཞོན་ནུ་འདི་ཅི་མཛད། མིང་ཆེན་འགྲོའོ་གཞོན་ནུ་འདི་ནི་རིགས་པ་མ་ལགས་སོ། །བྱང་ཆུབ་སེམས་དཔས་གསུངས་པ། མིང་ཆེན་འདི་ཉིད་རིགས་པ་ཡིན་ཏེ།
D301.072.0030a01.01གང་གི་ཕྱིར་ངས་བསྐལ་པ་གྲངས་མེད་པ་གསུམ་དུ་དཀའ་བ་བརྒྱ་སྟོང་དུ་མས་སེམས་ཅན་རྣམས་ཀྱི་དོན་དུ་བྱང་ཆུབ་ཡང་དག་པར་བསྒྲུབས་པ་དེས་ན་དང་ཅི་ཁྱིམ་ན་འདུག་ཕོད་དམ། འདི་ནི་ངེས་ཏེ་དཀའ་ཐུབ་ཀྱི་ཚལ་དུ་འགྲོའོ། །གང་ཞིག་འབར་བའི་ཁྱིམ་ཆེན་ལས། །མཁས་རྣམས་
D301.072.0030a02.01མྱུར་དུ་འབྱུང་བ་ལ། །ལེགས་མིན་སྨྲ་བར་མི་འོས་ཀྱི། །དེ་ནི་བསྔགས་པར་འོས་ཉིད་ཡིན། །དེ་བཞིན་རྒན་ད་འཆི་བ་ཡིས། །རབ་འབར་སྲིད་པའི་གཟེབ་ལས་ནི། །འབྱུང་བར་འདོད་གྱུར་གང་ཡིན་ལ། །འདིར་ནི་མི་རིགས་ཅི་ཞིག་མཐོང་། །དེ་ལྟར་གསུང་དྲག་པོས་སྤྱོས་པ་
D301.072.0030a03.01དང་། མིང་ཆེན་གདོང་ལས་མཆི་མ་ཆར་བཞིན་དུ་འབབ་ཅིང་ཆོ་ངེ་འདེབས་པ་ལ་ཞུགས་ཏེ་ཀྱི་ཧུད། དེང་དུ་རྒྱལ་པོ་ཟས་གཙང་དང་། །ཤཱཀྱ་དག་ནི་ཐམས་ཅད་ཀྱིས། །ཡང་དང་ཡང་དུ་བསམ་པ་ཡི། །རེ་བ་འབྲས་བུ་མེད་པར་གྱུར། །དེང་དུ་རྒྱལ་པོ་ཟས་གཙང་ནི། །སྲས་ཀྱི་
D301.072.0030a04.01མྱ་ངན་གྱིས་གདུངས་པ། །ལག་བསྒྲེང་བཞིན་དུ་སྡུག་བསྔལ་ཞིང་། །མི་བཟད་སྒྲ་ནི་འབྱིན་པར་འགྱུར། །ས་འཚོ་གྲགས་འཛིན་{རི་དགས་,རི་དྭགས་}སྐྱེས། །དེ་བཞིན་བཙུན་མོའི་འཁོར་རྒྱས་པའང་། །དོན་གྲུབ་དང་ནི་བྲལ་བ་ཡིས། །ཤིན་ཏུ་སྡུག་བསྔལ་མྱོང་བར་འགྱུར། །ཞེས་
D301.072.0030a05.01སྨྲས་ནས། དེ་དངངས་པས་གྲགས་འཛིན་མ་བསླང་སྟེ་སྨྲས་པ། དོན་གྲུབ་འདི་ནི་ཤེས་གྱུར་གྱིས། །ཁྱིམ་ཐབ་སྡུག་བསྔལ་གྱིས་གདུངས་ནས། །སྡུག་བསྔལ་ཉམ་ཐག་དུ་མ་འོང་། །ཁྱིམ་ཐབ་སྡུག་པ་དེ་ཟློག་ཤིག །ཁྱེད་ཀྱི་ཁྱིམ་ཐབ་གཤེགས་གྱུར་འདི་ནི་མཐོང་དཀའ་སྟེ། །
D301.072.0030a06.01ཁྱོད་ཀྱིས་འདི་ལྟོས་ཁྱིམ་ཐབ་མཐོང་བའི་ཐ་མ་ཡིན། །ཀྱི་ཧུད་ཕོངས་པ་བདག་གིས་མཚན་མོ་ཁུས་བཏབ་ཀྱང་། །སུས་ཀྱང་ལན་མ་སྟེར་བས་བདག་གིས་མ་ཉེས་སོ། །དེས་ནི་དེ་ལྟར་ཁུས་བཏབ་ཀྱང་། །འདི་ལྟར་ལྷ་རྣམས་བྱིན་བརླབས་ཀྱིས། །དགོན་པར་འོ་དོད་བོས་པ་བཞིན། །
D301.072.0030a07.01