完整藏文原文 · 德格版页 当前仅加载第 72 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པའི་ལྷ་རྣམས་ཀྱང་སྤྱོད་ལམ་ཞི་བ་དང་། གཡོན་ཕྱོགས་ནས་འདོད་པ་ན་སྤྱོད་པ་རྣམས་ཀྱིས་རྒྱལ་མཚན་དང་བ་དན་བསྒྲེང་ནས་ལྷའི་རོལ་མོའི་ཁྱད་པར་སྣ་ཚོགས་དང་། མདུན་ནས་བརྒྱ་བྱིན་དང་ཚངས་པ་ལ་སོགས་པ་རང་རང་གི་སྤྱོད་ལམ་གྱིས་དོང་ངོ་། །ནམ་མཁའི་ངོས་ལ་
D301.072.0031b01.01གནས་པའི་ལྷ་བརྒྱ་སྟོང་དུ་མས་ནི་བྱང་ཆུབ་སེམས་དཔའི་སྟེང་ནས་ལྷའི་མེ་ཏོག་ཨུད་པལ་དང་། པད་མ་དང་། ཀུ་མུ་ད་དང་། པད་མ་དཀར་པོ་རྣམས་ཀྱིས་གཏོར་རོ། །ཨ་ག་རུའི་ཕྱེ་མ་དང་། ཙན་དན་གྱི་ཕྱེ་མ་དང་། ཏ་མ་ལའི་འདབ་མའི་ཕྱེ་མ་དང་། །ལྷའི་མེ་ཏོག་མན་དཱ་ར་
D301.072.0031b02.01བས་ཀྱང་གཏོར་ཏོ། །ལྷའི་རོལ་མོའི་ཆ་སྤྱད་སྣ་ཚོགས་ཀྱང་བརྡུངས་སོ། །གོས་རྣམས་ཀྱང་གཏོར་རོ། །འདིར་སྨྲས་པ། མཁའ་ལ་ལྷ་རྣམས་ག་ཞའི་སྒྲ་ཆེན་འབྱིན་བྱེད་ལ། །དགའ་བའི་ཡིད་ཀྱིས་གོས་ཀྱི་གཡབ་མོ་འདེབས་བྱེད་ཅིང་། །ཁ་ཅིག་བྱང་ཆུབ་སེམས་དཔའ་ལ་
D301.072.0031b03.01ནི་སྟོད་བྱེད་དེ། །ནམ་མཁའ་ལ་ནི་རོལ་མོ་བརྒྱ་ཕྲག་སྒྱུར་བར་བྱེད། །ཁ་ཅིག་དག་ནི་སྒོ་རྣམས་འབྱེད་བྱེད་ཅིང་། །མེ་ཏོག་མན་དཱ་ར་བས་འཐོར་བར་བྱེད། །ཁ་ཅིག་དག་ནི་བཅིབས་པའི་རྐང་འཛིན་ཅིང་། །བདེ་བར་གཤེགས་ལ་རྟོག་ཅིང་རྗེས་བཞིན་འབྲང་། །ཁ་ཅིག་དག་ཀྱང་
D301.072.0031b04.01གཡས་ནས་རྗེས་བཞིན་འབྲང་། །གཡོན་ནས་འགྲོ་བ་དག་ཀྱང་རྗེས་བཞིན་འབྲང་། །བརྒྱ་བྱིན་དེ་བཞིན་ཚངས་པར་བཅས་པ་དང་། །ལུས་ངན་བདག་ཉིད་ཤུལ་ནི་མཚོན་པར་བྱེད། །ཟླ་བ་ཉ་བ་རྒྱུ་སྐར་ཚོགས་ཀྱིས་ལྟར། །བདག་ཉིད་ཆེན་པོ་ལྷ་ཚོགས་མདུན་བདར་
D301.072.0031b05.01ནས། །དཀའ་ཐུབ་ནགས་ནི་ཐུབ་རྣམས་དགྱེས་བྱེད་པ། །འཕགས་པ་དགྱེས་པའི་ནགས་སུ་ཐུགས་དགྱེས་གཤེགས། །དེ་ནས་བྱང་ཆུབ་སེམས་དཔས་བསྔགས་ལྡན་ལ་དབུགས་དབྱུང་བའི་ཕྱིར་གསུངས་པ། མ་སྐྱོ་མ་སྐྱོ་སྟོབས་ནི་གཟུང་བར་གྱིས། །འགྲོ་དོན་དལ་
D301.072.0031b06.01བ་གཅིག་ནི་དེ་རིང་ལོང་། །མི་རིང་བྱང་ཆུབ་ཐོབ་ནས་འགྲོ་བ་རྣམས། །བསམ་གཏན་རྣམ་ཐར་གྱིས་ཚིམ་བྱེད་པར་བྱ། །བྱང་ཆུབ་སེམས་དཔའ་དཔག་ཚད་བཅུ་གཉིས་སུ་བཞུད་ནས་ནང་པར་གྲོང་ཁྱེར་དཔེ་མེད་དུ་བྱོན་ཏོ། །དེ་ནས་ལྷ་རྣམས་ཀྱང་བྱང་ཆུབ་སེམས་དཔའ་
D301.072.0031b07.01