完整藏文原文 · 德格版页 当前仅加载第 72 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་སོ། །ཁྱེད་རྣམས་ལ་སྟོབས་ཅི་ཙམ་ཡོད། མྱུ་གུས་སྨྲས་པ། བདག་གིས་ནི་ས་ལ་རི་ཇི་སྙེད་ཡོད་པ་དེ་ཕྲག་པ་གཅིག་ཏུ་ཐོགས་ཏེ་ཉམ་ང་བ་ཆུང་ངུས་འགྲོ་ནུས་པ་དེ་ཙམ་གྱི་སྟོབས་ཡོད་དོ། །མང་ཀུ་རས་སྨྲས་པ། བདག་གིས་ཀྱང་ས་ལ་ཆུ་ཇི་སྙེད་
D301.072.0031a01.01ཡོད་པ་དེ་ཐམས་ཅད་ཕྲག་པ་གཅིག་ཏུ་ཐོགས་ནས་འགྲོ་ནུས་སོ། །འོད་ཟེར་ཅན་གྱིས་སྨྲས་པ། བདག་གིས་ཀྱང་ས་ལ་རྡུལ་ཇི་སྙེད་ཡོད་པ་དེ་ཐམས་ཅད་ཕྲག་པར་ཐོགས་ཏེ་ཉམ་ང་བ་ཆུང་ངུས་འགྲོ་ནུས་སོ། །ལོ་མ་གྱོན་པས་སྨྲས་པ། བདག་གིས་ཀྱང་ས་ལ་རྩྭ་དང་ཤིང་དང་
D301.072.0031a02.01ཡལ་ག་དང་ལོ་མ་ཇི་སྙེད་པ་དེ་ཐམས་ཅད་ཕྲག་པ་གཅིག་ཏུ་ཐོགས་ཏེ་ཉམ་ང་བ་ཆུང་ངུས་འགྲོ་ནུས་སོ། །བརྒྱ་བྱིན་གྱིས་སྨྲས་པ། གྲོགས་པོ་དག་སྟོབས་འདི་དང་ལྡན་ན། བྱང་ཆུབ་སེམས་དཔའ་གདེག་པར་ནུས་ཀྱིས་དེ་ནས་མྱུ་གུ་དང་། མང་ཀུ་ར་དང་། འོད་ཟེར་ཅན་
D301.072.0031a03.01དང་། ལོ་མ་གྱོན་པ་སྟེ། བཞིས་ཆིབས་རིན་པོ་ཆེ་བསྔགས་ལྡན་ཁྱེར་ཏེ། བྱང་ཆུབ་སེམས་དཔའ་གང་ན་བ་དེར་སོང་སྟེ་ཕྱིན་ནས་སྨྲས་པ། བྱང་ཆུབ་སེམས་དཔའ་ཅི་ལ་བཞུགས། དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ་འདི་རྣམས་ནི་བདག་ཅག་གིས་བྱང་ཆུབ་
D301.072.0031a04.01སེམས་དཔའ་བཏེག་སྟེ། བར་སྣང་ལ་ཁྱེར་རོ་ཞེས་དྲེགས་པ་སྐྱེ་བར་འགྱུར་རོ་སྙམ་ནས་བྱང་ཆུབ་སེམས་དཔའ་རྡོ་རྗེའི་སྐུར་བྱིན་གྱིས་བརླབས་པ་དང་། དེ་རྣམས་ཀྱིས་བསྒུལ་བར་ཡང་མ་ནུས་ནས་ངོ་མཚར་སྐྱེས་ཏེ་གསོལ་པ། གཞོན་ནུ་བདག་ཅག་གིས་ནི་བྱང་ཆུབ་སེམས་
D301.072.0031a05.01དཔའ་རྣམས་ལ་སྟོབས་འདི་འདྲ་བ་མངའ་བར་མ་འཚལ་ཏོ། །དེ་ནས་བྱང་ཆུབ་སེམས་དཔའ་ཆིབས་རིན་པོ་ཆེ་བསྔགས་ལྡན་ལ་བཅིབས་ཏེ་འདི་ལྟར་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་མཐུ་དང་ལྷ་རྣམས་ཀྱི་ལྷའི་མཐུས་ཆིབས་རིན་པོ་ཆེ་བསྔགས་ལྡན་དང་འདུན་
D301.072.0031a06.01པ་སྟེང་གི་ནམ་མཁའ་ལ་འཕགས་སོ། །དེ་ནས་བརྒྱ་བྱིན་དང་ཚངས་པ་ལ་སོགས་པ་ལྷ་རྣམས་ཀྱང་ལྷ་བརྒྱ་སྟོང་ཕྲག་དུ་མས་ཡོངས་སུ་བསྐོར་ནས་བྱང་ཆུབ་སེམས་དཔའ་གང་ན་བ་དེར་སོང་སྟེ་ཕྱིན་པ་དང་། བྱང་ཆུབ་སེམས་དཔའ་བསྐོར་ཅིང་དོང་སྟེ་གཡས་ཕྱོགས་ནས་གཟུགས་ན་
D301.072.0031a07.01