完整藏文原文 · 德格版页 当前仅加载第 72 函德格 30b 版页；藏文 NFD、目录标记与异常页序保留在来源切片中，重复版页行以稳定序号区分。
འགའ་ཡང་སད་པར་མ་གྱུར་ཏོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། གང་བདག་གིས་ཡབ་ལ་མ་བལྟས་པར་འགྲོ་བ་ནི་ངའི་ཚུལ་དང་འཐུན་པ་མ་ཡིན་ནོ་སྙམ་ནས་རྒྱལ་པོ་ཟས་གཙང་མ་གང་ན་བ་དེར་གཤེགས་ཏེ་བྱོན་པ་དང་། རྒྱལ་པོ་ཟས་གཙང་མ་གཉིད་
D301.072.0030b01.01ཀྱིས་ནོན་པར་གྱུར་ཏོ། །དེ་ནས་འདི་སྙམ་དུ་དགོངས་ཏེ་ཇི་ལྟར་ང་འཇིག་རྟེན་ཐམས་ཅད་ཀྱི་ཕར་གྱུར་ཅིང་འཇིག་རྟེན་གྱི་བླ་མ་དང་། འཇིག་རྟེན་གྱི་ཐུ་བོ་ཡིན་མོད་ཀྱི་དེ་ལྟར་ན་ཡང་ཕ་དང་མ་ནི་སྐྱེས་བུའི་སློབ་དཔོན་དུ་གྱུར་པ་དང་། ལྷར་གྱུར་པ་དང་། ཚངས་པར་གྱུར་པ་ཡིན་ཞིང་ཤིན་ཏུ་
D301.072.0030b02.01ཕན་པ་བྱེད་པ་ཡིན་ནོ་སྙམ་དུ་དགོངས་ནས་ཡབ་ཀྱི་ཞབས་གཉིས་ལ་བཏུད་དེ་བསྐོར་བ་ལན་གསུམ་མཛད་ནས་འདི་སྐད་ཅེས་གསུངས་སོ། །བདག་ཀྱང་ཡིད་ལ་བརྩེར་ལྡན་ཞིང་། །བདག་ཀྱང་ཉེ་དུ་རྣམས་ལ་དགའ། །འོན་ཀྱང་འཁོར་བ་རང་བཞིན་ངན། །འདི་མཐོང་ནས་ནི་མཆི་བ་ལགས། །གལ་
D301.072.0030b03.01ཏེ་རྒན་ད་འཆི་བ་དང་། །སྡུག་པའི་གཉེན་བྲལ་ལས་བྱུང་བའི། །གནོད་བྱེད་སྡུག་བསྔལ་མ་མཆིས་ན། །ཁྱོད་ནི་སྤོང་བར་སུ་ཞིག་བྱེད། །གང་ཕྱིར་མི་འདོད་བཞིན་དུ་ནི། །རབ་ཆེ་གཉེན་གྱི་དཀྱིལ་འཁོར་དང་། །མཛའ་བཤེས་ཆུང་མ་དབང་ཕྱུག་རྣམས། །ཡུན་མི་རིང་བར་འཁོར་བར་འགྱུར། །དེ་བས་མ་
D301.072.0030b04.01ཆགས་ཡིད་ཀྱིས་ནི། །འཁོར་བ་ལས་ནི་རྣམ་གྲོལ་ཕྱིར། །བརྩེར་ལྡན་ཉེ་དུ་སྤངས་ནས་ནི། །སྐྱེ་བོ་མེད་ནགས་བསྟན་པ་ལགས། །ལུས་ཅན་འདུ་བ་ངེས་པར་ནི། །མཐར་ནི་འབྲལ་འགྱུར་ཉིད་ལགས་པས། །བདག་ནི་རྗེས་སུ་དགོངས་ནས་ནི། །རྨོངས་པས་ཐུགས་ངན་མ་མཛད་ཅིག །
D301.072.0030b05.01ཅེས་གསུངས་ནས་ཆས་སོ། །དེ་ནས་མིང་ཆེན་གྱིས་རྒྱལ་པོ་ཟས་གཙང་མ་བསླང་སྟེ་སྨྲས་པ། དོན་གྲུབ་འདི་ནི་བཞུད་ལགས་ཀྱིས། །ས་བདག་དེ་ནི་ཟློག་པར་མཛོད། །སྲས་ཀྱི་མྱ་ངན་གྱིས་ཐེབས་ནས། །སྡུག་བསྔལ་གྱིས་གདུངས་བཤུམས་འགྱུར་མཆི། །མ་སྟེས་ཏེ་དེ་
D301.072.0030b06.01ཡང་གཉིད་མ་སད་དོ། །དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་མྱུ་གུ་དང་། མང་ཀུ་ར་དང་། འོད་ཟེར་ཅན་དང་། ལོ་མ་གྱོན་པ་སྟེ་བཞི་ལ་སྨྲས་པ། གྲོགས་པོ་དག་ཁྱེད་རྣམས་ཀྱིས་བྱང་ཆུབ་སེམས་དཔའ་གདེག་པར་ནུས་སམ། དེ་རྣམས་ཀྱིས་སྨྲས་པ། ཤིན་ཏུ་ཡང་ནུས་
D301.072.0030b07.01