完整藏文原文 · 德格版页 当前仅加载第 72 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱའོ། །གལ་ཏེ་གཙུག་ལག་ཁང་ཅི་འདྲ་ཞེས་འདྲི་ན། རྒྱལ་བུ་རྒྱལ་བྱེད་ཀྱི་ཚལ་གྱི་རྣམ་པ་བྲིས་ཏེ་བསྟན་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་བྱོན་ནམ་ཞེས་འདྲི་ན། བྱོན་ནོ་ཞེས་བརྗོད་པར་བྱའོ། །ཇི་སྲིད་ཅིག་ན་བྱོན་ཞེས་འདྲི་ན། ཞག་བདུན་
D301.072.0092b01.01ལོན་ནའོ་ཞེས་བརྗོད་པར་བྱའོ། །དེས་གསོལ་པ། བཅོམ་ལྡན་འདས་མཆི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ་སོང་ཤིག །ས་བདག་རྣམས་ནི་ཚིག་གིས་ཏེ། །ལྷ་རྣམས་བསམས་པས་འགྲུབ་འགྱུར་ཞིང་། །དེ་བཞིན་བསམ་གཏན་
D301.072.0092b02.01པ་རྣམས་ཀྱི། །སེམས་བསྐྱེད་པས་ནི་ཐམས་ཅད་འགྲུབ། །བཅོམ་ལྡན་འདས་ཀྱིས་ཚེ་དང་ལྡན་པ་འཆར་ཀ་དེ་ཇི་ལྟར་སྐད་ཅིག་དེ་ཉིད་ལ་གྲོང་ཁྱེར་སེར་སྐྱའི་གཞིར་སོང་བ་དེ་ལྟར་བྱིན་གྱིས་བརླབས་པ་དང་། ཚེ་དང་ལྡན་པ་འཆར་ཀ་བཅོམ་ལྡན་འདས་ལ་དད་པ་
D301.072.0092b03.01དྲག་པོ་སྐྱེས་པ་དེ་རྒྱལ་པོའི་ཁབ་ཀྱི་སྒོར་བསྡད་ནས་སྨྲས་པ། ཤེས་ལྡན་དག་རྒྱལ་པོ་ལ་ཤཱཀྱའི་དགེ་སློང་མཆིས་སོ་ཞེས་གསོལ་ཅིག །དེ་རྣམས་ཀྱིས་སྨྲས་པ། ཅི་ཤཱཀྱའི་དགེ་སློང་གཞན་དག་ཀྱང་ཡོད་དམ། ཤེས་ལྡན་དག་ཡོད་དོ། །དེ་རྣམས་ཀྱིས་
D301.072.0092b04.01རྒྱལ་པོ་ལ་སྨྲས་པ། ཤཱཀྱའི་དགེ་སློང་མཆིས་སོ། །རྒྱལ་པོས་སྨྲས་པ། ནང་དུ་ཐོང་ཤིག །དེ་ནང་དུ་ཞུགས་པ་རྒྱལ་པོ་ཟས་གཙང་གིས་མཐོང་ནས་སྨྲས་པ། འཆར་ཀ་རབ་ཏུ་བྱུང་ངམ། ལྷ་རབ་ཏུ་བྱུང་ངོ་། །ཁྱོད་སླར་འོང་ངོ་ཞེས་སྨྲས་པ་མ་ཡིན་ནམ།
D301.072.0092b05.01འདི་ཅི་ཡིན། འཆར་ཀས་སྨྲས་པ། ལྷ་བཅོམ་ལྡན་འདས་ཀྱིས་སངས་རྒྱས་ཀྱི་ཕོ་ཉ་ནི་འདི་ལྟ་བུ་མ་ཡིན་ནོ། །ཞེས་བཀའ་སྩལ་ནས་ཆོས་འདུལ་བ་ལེགས་པར་གསུངས་པའི་ཕྱིར་བདག་རབ་ཏུ་བྱུང་མོད་ཀྱི་བདག་རང་གི་དད་པས་ཀྱང་རབ་ཏུ་བྱུང་ངོ་། །རྒྱལ་
D301.072.0092b06.01པོས་ཡན་ལག་ཐམས་ཅད་ཀྱིས་འཁྱུད་ནས་སྟན་བཤམས་པ་ཉིད་ལ་འདུག་ཏུ་བཅུག་སྟེ། དེའི་དོན་དུ་ཆུར་བཙགས་པ་དང་། འབྲས་བུ་བཏགས་པ་གཙང་སྦྲ་བྱས་ཏེ་ཟར་བཅུག་གོ། །ཚེ་དང་ལྡན་པ་འཆར་ཀ་མཆོག་ཏུ་ཉེ་བར་ཞི་བ་དང་། དུལ་བར་གནས་པ་
D301.072.0092b07.01