完整藏文原文 · 德格版页 当前仅加载第 72 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱིས་ཇི་སྐད་ལུང་བསྟན། རྒྱལ་པོ་ཟས་གཙང་མས་སྨྲས་པ། རིན་པོ་ཆེ་སྣ་བདུན་དང་ལྡན་པའི་འཁོར་ལོས་སྒྱུར་བའི་རྒྱལ་པོར་འགྱུར་རོ་ཞེས་ཟེར་རོ། །དེ་ནས་དྲང་སྲོང་ཉོན་མོངས་མེད་ཀྱིས་བྱང་ཆུབ་སེམས་དཔའ་མཐོང་ནས་ཚིགས་སུ་བཅད་དེ་སྨྲས་
D301.072.0016a01.01པ། ས་བདག་རྟོག་པ་པོ་རྣམས་བློ་འཁྲུལ་ཏེ། །རྩོད་པའི་དུས་ན་འཁོར་ལོས་སྒྱུར་མི་འབྱུང་། །བསོད་ནམས་མཆོག་གིས་ཆོས་ཀྱི་མཛོད་འདི་ནི། །ཉེས་ལས་རྣམ་པར་རྒྱལ་ནས་སངས་རྒྱས་འགྱུར། །མཚན་མི་གསལ་དང་ལྡན་ན་མི་དབང་པོ། །གླིང་བཞི་རྣམས་ཀྱི་བདག་
D301.072.0016a02.01པོ་དབང་ཕྱུག་འགྱུར། །ཐུབ་དབང་མཚན་ནི་ཤིན་ཏུ་གསལ་བས་ན། །མི་མཆོག་སངས་རྒྱས་ཆོས་ཀྱི་འཁོར་ལོས་སྒྱུར། །དེ་ནས་དྲང་སྲོང་ཉོན་མོངས་མེད་ཀྱིས་བདག་ཉིད་ཀྱི་ཚེའི་མཐའི་ངེས་པ་དང་། བྱང་ཆུབ་སེམས་དཔའི་མངོན་པར་བྱང་ཆུབ་པ་བརྟག་པ་ལ་ཞུགས་
D301.072.0016a03.01པ་དང་། བྱང་ཆུབ་སེམས་དཔའ་ལོ་ཉི་ཤུ་རྩ་དགུ་བཞེས་ནས། ཁབ་ནས་བྱུང་ནས་ལོ་དྲུག་ཏུ་དཀའ་བ་སྤྱོད་པར་འགྱུར་ཏེ་དེ་ནས་བདུད་རྩི་རྟོགས་པར་འགྱུར་བར་མཐོང་ངོ་། །བདག་ནི་བར་སྐབས་དེར་འཆི་བའི་དུས་བྱེད་པར་མཐོང་ནས་དེ་མིག་མཆི་མས་གང་སྟེ་འདུག་པ་
D301.072.0016a04.01རྒྱལ་པོ་ཟས་གཙང་གིས་མཐོང་ནས་དངངས་ནས་ཚིགས་སུ་བཅད་དེ་སྨྲས་པ། སྐྱེས་པ་བུད་མེད་རྣམས་ཀྱིས་མཐོང་བ་ན། །ངོམས་པར་མི་འགྱུར་དགའ་བ་ཐོབ་འགྱུར་བ། །ལུས་བཟང་དགེ་བྱེད་དེ་ནི་འདིར་མཐོང་ནས། །དྲང་སྲོང་ཆེན་པོ་ཅི་སླད་ངུ་བཞིན་གྱུར། །
D301.072.0016a05.01གང་ལས་བདག་གི་གཞོན་ནུ་འཇིགས་པའམ། །ཚེ་ཟད་འགྱུར་བ་ཉེ་བར་མི་གནས་གྲང་། །དེ་ནི་མྱུར་དུ་ལེགས་པར་བདག་ལ་སྨྲོས། །ཁྱོད་ཀྱི་མཆི་མས་བདག་ནི་འདར་བར་གྱུར། །དྲང་སྲོང་ཉོན་མོངས་མེད་ཀྱིས་ཀྱང་ཚིགས་སུ་བཅད་དེ་སྨྲས་པ། གལ་ཏེ་འདི་ཡི་སྟེང་
D301.072.0016a06.01དུ་ནམ་མཁའ་ལས། །རྡོ་རྗེ་སེར་དྲག་འཕངས་པ་བབ་གྱུར་ཀྱང་། །ཐུབ་པ་ཆེན་པོའི་སྐུ་ལ་བ་སྤུ་ནི། །ཉག་མ་གཅིག་ཀྱང་གཡོས་པར་མི་ནུས་སོ། །མེ་ཆེན་རླུང་གི་ཤུགས་ཀྱིས་བདས་པ་དང་། །མཚོན་ཆ་རྣོན་པོ་ཤིན་ཏུ་མི་བཟད་དང་། །དྲག་པོའི་དུག་དང་སྦྲུལ་གྱི་དུག་
D301.072.0016a07.01