完整藏文原文 · 德格版页 当前仅加载第 72 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་པ་འཐོབ་པར་འགྱུར། །གང་ཞིག་རེག་དྲི་གཟུགས་དང་མདངས་ལྡན་པའི། །བུད་མེད་དམ་པ་དྲེགས་ལྡན་རྣམས་ཀྱི་མཆོག །ལྷ་མོ་བཞིན་དུ་ཡོན་ཏན་ཀུན་ལྡན་པ། །བུད་མེད་རིན་ཆེན་དེ་འདིར་འཐོབ་པར་འགྱུར། །གང་ཡང་འདི་ན་རྒྱལ་ལ་མུ་ཏིག་དང་། །
D301.072.0012b01.01གསེར་སོགས་ཤིན་ཏུ་མང་པོ་འབུལ་བ་ཡི། །ནོར་ལྡན་མཚུངས་པར་ནོར་མང་ཁྱིམ་བདག་ནི། །རིན་ཆེན་ཐོབ་ནས་རྣམ་པར་སྤྱོད་པར་འགྱུར། །འགྲོ་དང་ཀུན་ཏུ་གནས་དང་རྣམ་ལྡོག་དང་། །མ་ལུས་དཔུང་ལ་མཁས་པར་བྱེད་པ་ཡི། །དཔའ་ལྡན་བདུན་པ་འབྱུང་བར་
D301.072.0012b02.01འགྱུར་བ་ནི། །མི་ཡི་རིན་ཆེན་བློན་པོ་ཞེས་བྱ་ཡིན། །དཔའ་ཞིང་རྟུལ་ཕོད་ཡན་ལག་མཆོག་གཟུགས་ལྡན། །བུ་སྟོང་དག་ནི་འདི་ལ་འབྱུང་འགྱུར་ཞིང་། །གང་གི་གཟི་བརྗིད་ཤིན་ཏུ་སྟོབས་ཆེ་ཞིང་། །ས་བདག་གཞན་དག་འདུད་པར་བྱེད་པ་འབྱུང་། །གལ་ཏེ་
D301.072.0012b03.01ཁྱིམ་ནི་ཉེས་མང་གིས་དཀྲུགས་པ། །རབ་འབར་ཤིང་ནི་བྱ་ཡིས་སྤོང་བ་ལྟར། །ཉེ་བར་ཞི་ཕྱིར་ནགས་སུ་ངེས་སོང་ན། །དེ་འདིར་རིང་པོར་མི་ཐོགས་སངས་རྒྱས་འགྱུར། །ཁྱོད་ཀྱི་སྲས་འདི་དེང་ནི་འདི་འདྲ་བ། །གཞོན་ནུ་འགྲོ་བའི་རིན་ཆེན་གཅིག་བལྟམ་པ། །འགྲོ་བ་
D301.072.0012b04.01གཉིས་ལས་གཞན་དུ་མི་འགྲོ་བ། །དེ་ལྟར་སྔགས་ཀྱི་ཚིག་ལས་མཐོང་བ་ལགས། །ཤེས་ལྡན་དག་གང་དག་དང་ལྡན་པའི་སྐྱེས་བུ་ཆེན་པོ་འགྲོ་བ་གཉིས་སུ་འགྱུར་གྱི་གཞན་དུ་མ་ཡིན་ཞེས་བྱ་བ་ནས་སྔ་མ་བཞིན་དུ་འཇིག་རྟེན་གྱི་སྒྲ་རྣམ་པར་གྲགས་པར་འགྱུར་ཞེས་བྱ་བའི་བར་
D301.072.0012b05.01གྱི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་པོ་ནི་གང་དག་ཡིན། ལྷ་གཞོན་ནུའི་ཞབས་ཤིན་ཏུ་གནས་པ་ལགས་སོ། །ཞབས་གཉིས་ཤིན་ཏུ་གནས་པ་ཉིད་ཀྱིས་ས་ལ་མཉམ་པར་འབབ་སྟེ། ལྷ་འདི་ནི་གཞོན་ནུའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ལགས་སོ། །དེའི་
D301.072.0012b06.01ཞབས་ཀྱི་མཐིལ་གྱི་ངོས་གཉིས་ལ་འཁོར་ལོ་རྩིབས་སྟོང་པ་ལྟེ་བ་དང་མུ་ཁྱུད་དུ་བཅས་པ་རྣམ་པ་ཐམས་ཅད་ཡོངས་སུ་རྫོགས་པ་མཆིས་ཏེ། ལྷ་འདི་ནི་གཞོན་ནུའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུའི་སོར་མོ་རིང་བ་དང་། ཞབས་ཀྱི་རྟིང་པ་ཡངས་པ་
D301.072.0012b07.01