完整藏文原文 · 德格版页 当前仅加载第 72 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ན་མཛོད་ཀྱི་ནང་དུ་རྫས་བཞག་པ་བཞིན་དུ་མངལ་གྱི་དྲི་མ་དང་། ཤ་མའི་དྲི་མ་དང་། ཁྲག་གི་དྲི་མ་དང་། མི་གཙང་བ་གང་ཡང་རུང་བ་སྣ་ཚོགས་ཀྱིས་མ་སྦགས་སོ། །དཔེར་ན་ནོར་བུ་རིན་པོ་ཆེ་ཀ་ཤིའི་རས་ཀྱིས་མི་གོས་པ་དང་། ཀ་ཤིའི་རས་ཀྱང་
D301.072.0008a01.01ནོར་བུ་རིན་པོ་ཆེས་མི་གོས་པ་དེ་བཞིན་དུ་གང་གི་ཚེ་བྱང་ཆུབ་སེམས་དཔའ་ཡུམ་གྱི་ལྷུམས་ན་བཞུགས་པ་ན་མཛོད་ཀྱི་ནང་དུ་རྫས་བཞག་པ་བཞིན་དུ་མངལ་གྱི་དྲི་མ་དང་། ཤ་མའི་དྲི་མ་དང་། ཁྲག་གི་དྲི་མ་དང་། མི་གཙང་བ་གང་ཡང་རུང་བ་སྣ་ཚོགས་ཀྱིས་མ་སྦགས་སོ། །
D301.072.0008a02.01ཇི་ལྟར་ནོར་བུ་ཚོན་ཤེལ་འོད་གསལ་དང་། །རབ་གཙང་ཀ་ཤིའི་རས་ཀྱང་གོས་པ་མེད། །དེ་བཞིན་ཐུབ་ཆེན་ལྷུམས་ན་བཞུགས་པ་ན། །མངལ་གྱི་དྲི་མ་ཅིས་ཀྱང་གོས་པ་མེད། །གང་གི་ཚེ་བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ནས་འཕོས་ནས་ཡུམ་གྱི་ལྷུམས་ན་བཞུགས་
D301.072.0008a03.01པ་དེའི་ཚེ་ཡུམ་གྱི་ལྷུམས་ན་དེ་ཐམས་ཅད་ཡོངས་སུ་རྫོགས་པས་བཞུགས་པ་མཐོང་ངོ་། །དཔེར་ན་ནོར་བུ་བཻ་དཱུརྱ་ཟུར་བརྒྱད་པ་བཟང་པོ། རིགས་དང་ལྡན་པ། དང་བ་གསལ་བ། དྲི་མ་མེད་པ། ཚོན་སྐུད་སྣ་ལྔ་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་
D301.072.0008a04.01བརྒན་ལ་བརྒྱུས་ལ་དེ་སྐྱེས་བུ་མིག་དང་ལྡན་པས་མཐོང་ན་འདི་ནི་སྐུད་པའོ། །འདི་ནི་ནོར་བུའོ། །སྐུད་པ་འདི་ལ་ནོར་བུ་བརྒྱུས་པ་ཡིན་ནོ་ཞེས་ཤེས་པ་དེ་བཞིན་དུ། གང་གི་ཚེ་བྱང་ཆུབ་སེམས་དཔའ་ཤཱཀྱ་ཐུབ་པ་དགའ་ལྡན་གྱི་གནས་ནས་འཕོས་ཏེ་ཡུམ་གྱི་ལྷུམས་ན་བཞུགས་པ་དེའི་
D301.072.0008a05.01ཚེ། དེའི་ཡུམ་གྱི་ལྷུམས་ན་རྣམ་པ་ཐམས་ཅད་ཡོངས་སུ་རྫོགས་པར་ལྷུམས་ཀྱི་ནང་ན་བཞུགས་པ་མཐོང་ངོ་། །ཇི་ལྟར་དྲི་མེད་ནོར་བུ་བཻ་དཱུརྱ། །འོད་གསལ་ལག་པར་བཞག་པ་སྣང་བ་ལྟར། །དེ་བཞིན་ཐུབ་ཆེན་ཡུམ་གྱི་ལྷུམས་བཞུགས་པ། །ཤེས་ཤིང་སེམས་པས་ཡུམ་
D301.072.0008a06.01ནི་ཡང་དག་ལྟ། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་ཤཱཀྱ་ཐུབ་པ་དགའ་ལྡན་ནས་འཕོས་ནས་ཡུམ་གྱི་ལྷུམས་ན་བཞུགས་པ་དེའི་ཚེ། དེའི་ཡུམ་འདི་ལྟ་སྟེ་བྱང་ཆུབ་སེམས་དཔའ་འཛིན་པས་ལུས་ངལ་བ་འམ་ལུས་དུབ་པར་འགྱུར་བ་མེད་དོ། །ལས་ཀྱི་རྣམ་སྨིན་ཟད་པས་མཐོ་རིས་
D301.072.0008a07.01