完整藏文原文 · 德格版页 当前仅加载第 72 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཆེན་པོར་གྱུར་པ་དང་། བསམ་གཏན་གྱི་ཚེར་མ་ནི་སྒྲ་ཡིན་པས་དྲང་སྲོང་སེར་སྐྱ་སེམས་རྩེ་གཅིག་པ་ཉིད་དུ་མ་བཏུབ་ནས་ཤེས་ལྡན་དག་མཐོང་ཟིན་གྱིས་ཁོ་བོ་གཞན་དུ་འགྲོའོ། །དྲང་སྲོང་ཆེན་པོ་ཅིའི་ཕྱིར། བསམ་གཏན་གྱི་ཚེར་མ་ནི་སྒྲ་ཡིན་པས་སེམས་རྩེ་གཅིག་པ་ཉིད་
D301.072.0121b01.01དུ་མ་བཏུབ་པས་སོ། །དྲང་སྲོང་ཆེན་པོ་ཁྱོད་འདི་ཉིད་ན་བཞུགས་ཤིག །བདག་ཅག་གཞན་དུ་མཆི་ན། འོན་ཀྱང་སའི་ཕྱོགས་ཤིག་བདག་ཅག་ལ་ཕོག་ཤིག །ཤེས་ལྡན་དག་རུང་ངོ་། །དྲང་སྲོང་བདག་ཉིད་ཆེན་པོ་དེ་རྣམས་ནི་འདོད་པ་བཞིན་ཡིད་ལ་རེ་བ་འགྲུབ་པ་
D301.072.0121b02.01ཡིན་པས་དེས་གསེར་གྱི་བྱ་མ་བུམ་བླངས་ཏེ། ཆུའི་རྒྱུན་གྱིས་གྲོང་ཁྱེར་གྱི་རྣམ་པ་དག་བྲིས་ནས་དེ་རྣམས་ཀྱིས་གྲོང་ཁྱེར་བརྩིགས་སོ། །དྲང་སྲོང་སེར་སྐྱས་དེ་རྣམས་ཀྱི་གནས་ཀྱི་ཕྱིར་གཞི་ཡོངས་སུ་བཏང་བས་སེར་སྐྱའི་གཞི་སེར་སྐྱའི་གཞི་ཞེས་བྱ་བར་གྱུར་ཏོ། །དེ་རྣམས་
D301.072.0121b03.01དེར་འཕེལ་བར་གྱུར་པས་སྐྱེ་བོའི་ཚོགས་ཆེན་པོར་གྱུར་ཏེ། དོགས་པས་འཕེལ་ཆེ་བར་མ་གྱུར་ཏོ། །ལྷ་རྣམས་ཀྱི་སེམས་ཀྱིས་དེ་རྣམས་ཀྱི་སེམས་ཤེས་ནས་ཕྱོགས་གཞན་ཞིག་བསྟན་པ་དང་། དེ་རྣམས་དེར་དོང་སྟེ་གྲོང་ཁྱེར་ཅིག་ཤོས་བརྩིགས་ནས་ལྷས་བསྟན་ལྷས་
D301.072.0121b04.01བསྟན་ཅེས་བྱ་བར་གྱུར་ཏོ། །དེ་ནས་དེ་རྣམས་ཚོགས་ཤིང་འདུས་ནས་ཕན་ཚུན་གྲོས་བྱ་བར་བརྩམས་པ། ཤེས་ལྡན་དག་གང་གི་ཕྱིར་བདག་ཅག་སྤྱུགས་པ་ནི་རིགས་མཉམ་པ་ལས་ཆུང་མ་མ་བླངས་པ་དེ་ལས་གྱུར་གྱིས་དེ་ལྟ་བས་ན་བདག་ཅག་ལས་སུས་ཀྱང་རིགས་
D301.072.0121b05.01མཉམ་པ་ལས་ཆུང་མ་བླང་བར་མི་བྱ་སྟེ་གཅིག་ཁོ་ནས་ཆོག་ཤེས་པར་བྱའོ། །དེ་རྣམས་རིགས་མཉམ་པ་གཅིག་ཁོ་ན་ལས་ཆུང་མ་ལེན་གྱི་ཆུན་མ་ནི་མི་ལེན་ཏོ། །དེ་ནས་དུས་གཞན་ཞིག་ན་རྒྱལ་པོ་འཕགས་སྐྱེས་པོ་བུ་སྡུག་པ་རྣམས་རྗེས་སུ་དྲན་ནས་བློན་པོ་རྣམས་ལ་སྨྲས་པ།
D301.072.0121b06.01ཀྱེ་གྲོང་པ་དག་གཞོན་ནུ་དེ་རྣམས་ད་ལྟར་གང་ན་འདུག །དེ་རྣམས་ཀྱིས་སྨྲས་པ། ལྷས་ནོངས་པ་འགའ་ཞིག་ལ་སྤྱུགས་པ་ལས་དེ་རྣམས་རང་རང་གི་སྲིང་མོ་ཁྲིད་དེ་འདི་ནས་མཆིས་པ་ན་གངས་རི་དང་ཉེ་བ་ཆུ་བོ་སྐལ་ལྡན་ཤིང་རྟའི་འགྲམ་དྲང་སྲོང་སེར་སྐྱའི་བསྟི་གནས་
D301.072.0121b07.01