完整藏文原文 · 德格版页 当前仅加载第 72 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་སྨིན་པར་ནུས་པ་དང་། ལ་ལ་དགེ་བའི་རྩ་བ་ཡོངས་སུ་སྨིན་པ་བདེ་འགྲོར་འགྲོ་བར་གཞོལ་བ་དང་། ལ་ལ་འབྲས་བུ་དང་པོ་ཐོབ་པར་གཞོལ་བ་དང་། ལ་ལ་ལན་ཅིག་ཕྱིར་འོང་བའི་འབྲས་བུ་དང་ཕྱིར་མི་འོང་བ་དང་དགྲ་བཅོམ་པ་ཉིད་དང་རང་བྱང་ཆུབ་འཐོབ་པར་གཞོལ་བ་དང་། ལ་ལ་
D301.072.0003b01.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་པའི་སྐལ་བ་དང་ལྡན་པ་དང་། ལ་ལ་ནི་སྔོན་གྱི་སྨོན་ལམ་རྣམས་ཉེ་བར་བསགས་པས་རྐྱེན་ལ་རག་ལས་པ་གང་ཞིག་མ་ཐོས་པས་དམ་པའི་ཆོས་ལས་ཡོངས་སུ་ཉམས་པར་གྱུར་པར་གཟིགས་སོ། །གཟིགས་ནས་ཀྱང་འདི་སྙམ་དུ་དགོངས་ཏེ།
D301.072.0003b02.01ཀྱེ་མའོ་བདག་གིས་ཡུན་རིང་པོ་ནས་ཡང་དག་པར་རྟོགས་པ་རྫོགས་པར་གྱུར་ཅིང་ངའི་ངལ་བ་འབྲས་བུ་དང་བཅས་པར་གྱུར་ཏོ་ཞེས་དགྱེས་ཤིང་ངས་བྱ་བ་ནི་བྱས་སོ། །ངས་ཁུར་བསྐུར་བར་དཀའ་བ་ནི་མཐར་ཕྱིན་ཏེ། གང་ངའི་ཡོངས་སུ་དག་པའི་རྒྱུད་དང་ལྡན་པའི་ཞིང་དུ་གྱུར་ཅིང་གདུལ་བྱའི་སྐྱེ་
D301.072.0003b03.01བོ་རྣམས་ཡུན་རིང་པོར་མི་ཐོགས་པར་པད་མའི་ཚལ་ཡོངས་སུ་སྨིན་ཅིང་ཁ་བྱེ་ལ་མ་རེག་པའི་ཉི་མ་ཤར་བས་རྒྱས་པར་འགྱུར་བ་ལྟ་བུར་གྱུར་གྱིས་ཕྱི་བཤོལ་མི་བྱའོ། །འདིར་གནས་བཞིན་དུ་ཡང་དངོས་པོ་ཐམས་ཅད་རྫོགས་པར་བྱ་བར་ནུས་པ་མ་ཡིན་པས་ན་གཞེས་པའི་དུས་ནི་མ་ཡིན་གྱིས་མ་
D301.072.0003b04.01ལ་བདག་མིའི་འཇིག་རྟེན་དུ་སོང་ལ་དེར་ཕྱིན་ནས་བརྩོན་འགྲུས་ཀྱི་གྲོགས་དང་། དེ་བཞིན་གཤེགས་པའི་བླ་ན་མེད་པའི་ཡེ་ཤེས་རྟོགས་པར་བྱས་ཏེ། འདི་རྣམས་སྐལ་བ་ཇི་ལྟ་བ་བཞིན་དུ་འདི་རྣམས་ཀྱི་དགེ་བའི་རྩ་བ་བསྐྱེད་ཅིང་ཡོངས་སུ་སྨིན་ལ་རྣམ་པར་གྲོལ་བར་བྱ་ཞིང་སྐྱེ་བ་དང་རྒ་བ་
D301.072.0003b05.01དང་ན་བ་དང་འཆི་བ་དང་མྱ་ངན་དང་སྨྲེ་སྔགས་འདོན་པ་དང་སྡུག་བསྔལ་བ་དང་ཡིད་མི་བདེ་བའི་སྡུག་བསྔལ་གྱི་རྒྱ་མཚོར་ལྷུང་བ། སྐྱབས་མེད་པ། ཡོངས་སུ་སྐྱོབ་པ་མེད་པའི་སྲོག་ཆགས་རྣམས་དམ་པའི་ཆོས་བསྟན་པའི་ལག་པ་བརྐྱང་བས་གདོན་པར་བྱའོ། །ཐོག་མ་མེད་པའི་དུས་ནས་རྗེས་སུ་
D301.072.0003b06.01འབྲེལ་བའི་འདོད་ཆགས་དང་། ཞེ་སྡང་དང་གཏི་མུག་གི་མེས་ཀུན་ཏུ་གདུངས་པ་རྣམས་ལ་འཕགས་པའི་ལམ་ཡན་ལག་བརྒྱད་པའི་ཆུའི་རྒྱུན་བླུགས་པས་སྡུག་བསྔལ་མ་ལུས་པ་བསལ་བར་བྱའོ་ཞེས་དེ་ལྟ་བུའི་ཐུགས་ལ་དགོངས་པ་ངེས་པར་བསྐྱེད་ནས། འཛམ་བུའི་གླིང་དུ་འཇུག་པར་
D301.072.0003b07.01