完整藏文原文 · 德格版页 当前仅加载第 72 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་བཅོམ་ལྡན་འདས་ཡུལ་སེར་སྐྱའི་གཞི་ནྱ་གྲོ་དྷཱའི་ཀུན་དགའ་ར་བ་ན་བཞུགས་སོ། །དེ་ནས་སེར་སྐྱའི་གཞི་ན་གནས་པའི་ཤཱཀྱ་རབ་ཏུ་མང་པོ་འདུན་ཁང་དུ་ཚོགས་ཤིང་འདུས་ནས་བར་སྐབས་ཀྱི་གཏམ་འདི་ལྟ་བུ་དག་གླེང་བར་བྱེད་དེ། ཤེས་ལྡན་དག་ཤཱཀྱ་རྣམས་ནི་གང་ལས་སྐྱེས།
D301.072.0106b01.01ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན། གལ་ཏེ་བདག་ཅག་གི་དྲུང་དུ་འགའ་ཞིག་འོངས་ནས་འདི་སྐད་འདྲི་སྟེ། ཤེས་ལྡན་དག་ཤཱཀྱ་རྣམས་ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་
D301.072.0106b02.01གྱི་རིགས་རྒྱུད་ནི་གང་ཡིན་ཞེས་དེ་སྐད་དུ་འདྲི་ན། བདག་ཅག་གིས་ནི་ཤཱཀྱ་རྣམས་གང་ལས་སྐྱེས་པ་དང་། ཐོག་མ་གང་ཡིན་པ་དང་། རྒྱུ་ནི་ཅི་ཞིག་ཡིན་པ་དང་། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན་པ་ཡང་མི་ཤེས་ན་ཇི་སྐད་དུ་ལུང་བསྟན། ཚུར་བདག་ཅག་
D301.072.0106b03.01བཅོམ་ལྡན་འདས་གང་ན་བ་དེར་དོང་ལ་ལྷགས་པ་དང་། བཅོམ་ལྡན་འདས་ལ་དོན་དེ་ཉིད་ཞུས་ནས་བཅོམ་ལྡན་འདས་ཀྱིས་བདག་ཅག་ལ་ཇི་སྐད་དུ་ལུང་བསྟན་པ་དེ་བཞིན་དུ་གཟུང་བར་བྱའོ། །དེ་ནས་སེར་སྐྱའི་གཞི་ན་གནས་པའི་ཤཱཀྱ་རབ་ཏུ་མང་པོ་བཅོམ་ལྡན་འདས་གང་ན་བ་
D301.072.0106b04.01དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་སེར་སྐྱའི་གཞིའི་ཤཱཀྱ་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ་འདིར་བདག་ཅག་སེར་སྐྱའི་གཞིའི་ཤཱཀྱ་རབ་ཏུ་མང་པོ་
D301.072.0106b05.01འདུན་ཁང་དུ་འཚོགས་ཤིང་འདུས་ནས་བར་སྐབས་ཀྱི་བཀའ་མཆིད་འདི་ལྟ་བུ་དག་གླེང་སྟེ། ཤཱཀྱ་རྣམས་ནི་གང་ལས་སྐྱེས་ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན་གལ་ཏེ་བདག་ཅག་གི་དྲུང་དུ་འགའ་ཞིག་འོངས་ནས་འདི་སྐད་འདྲི་སྟེ།
D301.072.0106b06.01ཤེས་ལྡན་དག་ཤཱཀྱ་རྣམས་ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་ཀྱི་སྔོན་གྱི་རིགས་རྒྱུད་ནི་གང་ཡིན་ཞེས་དེ་སྐད་དུ་འདྲི་ན། བདག་ཅག་གིས་ཤཱཀྱ་རྣམས་ནི་གང་ལས་སྐྱེས། ཐོག་མ་ནི་གང་ཡིན། རྒྱུ་ནི་ཅི་ཞིག་ཡིན། ཤཱཀྱ་རྣམས་
D301.072.0106b07.01