完整藏文原文 · 德格版页 当前仅加载第 72 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་བཙའ་བར་འགྱུར་རོ། །རྒྱལ་པོས་སྨྲས་པ། ངའི་མིང་ཟས་གཙང་ཞེས་བྱ་བའི་བུ་ཡན་ལག་མ་ཚང་བར་བྱའམ། དེའི་ཚེ་གྲོང་ཁྱེར་སེར་སྐྱའི་གཞི་ན་ཀུན་ཏུ་རྒྱུ་མིག་དམར་ཞེས་བྱ་བ་མིག་འཕྲུལ་ལ་བྱང་བ་ཞིག་འདུག་པ་དེ་རྒྱལ་པོས་བཀུག་ནས་རྒྱ་མཚོ་ཆེན་པོ་ལས་
D301.072.0009a01.01ཆུ་མྱུར་བར་ཁུག་ཤིག་ཅེས་བསྒོ་བ་དང་། དེས་དེ་ཉིད་ན་འདུག་བཞིན་དུ་རྒྱ་མཚོ་ཆེན་པོ་བཞིའི་ཆུ་དྲངས་ཏེ་དེ་རྣམས་ལ་བཙུན་མོ་འཐུང་དུ་བཅུག་པ་དང་། དེའི་འདོད་པ་སྐྱེས་པ་གང་ཡིན་པ་དེ་དང་བྲལ་བར་གྱུར་ཏོ། །དེ་ནས་དུས་གཞན་ཞིག་ན་བཙུན་མོ་སྒྱུ་འཕྲུལ་ཆེན་མོ་ཚུལ་འདི་ལྟ་བུའི་
D301.072.0009a02.01འདོད་པ་སྐྱེས་ཏེ། ཀྱེ་མའོ་བདག་ལུས་ལུམ་བི་ནཱིའི་ཚལ་དུ་ཞུགས་ལ་ཤིང་གི་རྩར་ཡལ་གའི་མཐར་འདུག་པར་བྱའོ་སྙམ་མོ། །དེ་ནས་རྒྱལ་པོ་ཟས་གཙང་མས་བཙུན་མོ་སྒྱུ་འཕྲུལ་ཆེན་མོ་ཚུལ་དེ་ལྟ་བུའི་འདོད་པ་སྐྱེས་པར་རིག་ནས་རིན་པོ་ཆེ་སྣ་བཞི་ལས་བྱས་པའི་ཁྱོགས་བཤམས་ཏེ་
D301.072.0009a03.01གླང་པོའི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་ཏེ་དཔུང་གི་ཚོགས་ཡན་ལག་བཞི་པ་གོ་བསྐོན་ནས་སྐྱེ་བོའི་ཚོགས་ཆེན་པོས་ཡོངས་སུ་བསྐོར་ཏེ། བཙུན་མོ་སྒྱུ་འཕྲུལ་ཆེན་མོ་དང་ལྷན་ཅིག་ཏུ་ཆས་ནས་ལུམ་བི་ནཱིའི་ཚལ་དུ་ཕྱིན་ཏོ། །
D301.072.0009a04.01དེ་ནས་བཙུན་མོ་སྒྱུ་འཕྲུལ་ཆེན་མོས་ལུམ་བི་ནིའི་ཚལ་མཐོང་བ་ན་སེམས་རྩེ་གཅིག་པར་གྱུར་པ་དང་། དེ་ཁྱོགས་ལས་བབས་ཏེ། ཤིང་མྱ་ངན་འཚང་མེ་ཏོག་ཡང་དག་པར་རྒྱས་པ་མཐོང་བས་དགའ་བ་དང་ཡིད་བདེ་བ་སྐྱེས་ཏེ་དེ་དེར་སོང་ནས་མེ་ཏོག་དང་། འདབ་མའི་གཡུར་གྱིས་
D301.072.0009a05.01དུད་པའི་ཡལ་ག་ལ་འཇུས་ཏེ། བུད་མེད་རྒན་པས་བསྐོར་ནས་གནས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་ཏེ་བཙུན་མོ་སྒྱུ་འཕྲུལ་ཆེན་མོ་སྲས་བལྟམ་པར་ཉེ་བར་གནས་ཀྱིས་མ་ལ་བདག་གིས་བྱང་ཆུབ་སེམས་དཔའ་དེ་དང་པོ་བལྟམ་པ་ན་བླང་བར་བྱའོ། །
D301.072.0009a06.01དེ་ནས་ཡང་བསམས་པ། བཙུན་མོ་སྒྱུ་འཕྲུལ་ཆེན་མོ་ནི་ངོ་ཚ་ཤེས་པ་དང་ལྡན་པ་ཡིན་པས་བདག་གི་མདུན་དུ་བལྟམ་མི་ཕོད་ཀྱིས་ཐབས་ཤིག་བཤམ་པར་བྱའོ་སྙམ་ནས་ལྷའི་དབང་པོ་བརྒྱ་བྱིན་བུད་མེད་རྒན་མོ་ཞིག་གི་ཆ་བྱད་དུ་སྤྲུལ་ཏེ། དེས་གང་གིས་བུད་མེད་རྒན་མོ་དེ་རྣམས་ཕྱོགས་
D301.072.0009a07.01