完整藏文原文 · 德格版页 当前仅加载第 72 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཉིད་ལས་གཞན་དག་གང་ཡང་མ་མཐོང་སྟེ་ཁྱེད་རྣམས་སོང་ལ་བཅོམ་ལྡན་འདས་དེ་ཉིད་མཉེས་པར་གྱིས་ཤིག །དེ་ནས་བདུད་ཀྱི་བུ་མོ་གསུམ་བཅོམ་ལྡན་འདས་ག་ལ་བ་དེ་
D301.072.0051a01.01ལོགས་སུ་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བདུད་ཀྱི་བུ་མོ་གསུམ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ཅག་གིས་བྱིས་པ་ཇི་ལྟ་བ་
D301.072.0051a02.01དང་། རྨོངས་པ་ཇི་ལྟ་བ་དང་། མི་གསལ་བ་ཇི་ལྟ་བ་དང་། ཐབས་མི་མཁས་པ་ཇི་ལྟ་བར་ཇི་ཙམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཉེས་པར་བགྱི་བ་མཉེས་པར་མ་བགྱིས་པ་ནི་ནོངས་ལགས་ཀྱིས། བཅོམ་ལྡན་འདས་ནོངས་པ་གཟུང་
D301.072.0051a03.01དུ་གསོལ། བདེ་བར་གཤེགས་པ་བཟོད་པར་མཛད་དུ་གསོལ། བཅོམ་ལྡན་འདས་བདག་ཅག་གི་རྒས་པའི་དངོས་པོ་མི་སྣང་བར་མཛད་དུ་གསོལ། བདེ་བར་གཤེགས་པ་བདག་ཅག་གི་རྒས་པའི་དངོས་པོ་མི་སྣང་བར་མཛད་དུ་གསོལ། དེ་ནས་བཅོམ་ལྡན་འདས་
D301.072.0051a04.01ཀྱིས་དེ་རྣམས་རྒས་པའི་དངོས་པོ་མི་སྣང་བར་མཛད་དོ། །དེ་ནས་བདུད་ཀྱི་བུ་མོ་གསུམ་པོ་རང་གི་གཟུགས་ཉིད་རྙེད་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་བཅོམ་ལྡན་འདས་ལ་དད་པར་གྱུར་པ་དང་དེ་ཉིད་དུ་མི་སྣང་བར་གྱུར་ཏོ། །དེ་ནས་རྒྱལ་པོ་ཟས་གཙང་
D301.072.0051a05.01ལ་རང་གི་སྐྱེས་བུ་རྣམས་ཀྱིས་ལྷ་དགྱེས་པ་བསྐྱེད་དུ་གསོལ། གཞོན་ནུས་བླ་ན་མེད་པའི་ཡེ་ཤེས་བརྙེས་སོ། །དེ་ཐོས་པ་དང་ཉི་མ་དེ་ཉིད་ལ་གྲགས་འཛིན་མ་ལ་ཡང་ཁྱེའུ་ཞིག་བཙས་སོ། །བདུད་རྩི་ཟས་ལ་ཡང་ཁྱེའུ་ཞིག་བཙས་སོ། །དེ་ཉིད་ཀྱི་ཉིན་མོ་ཟླ་བ་ཡང་སྒྲ་གཅན་
D301.072.0051a06.01གྱིས་ཟིན་ཏོ། །དེ་ནས་རྒྱལ་པོ་ཟས་གཙང་གིས་ཕུན་སུམ་ཚོགས་པ་དེ་མཐོང་ནས་དགའ་བ་དང་། མགུ་བ་དང་། རབ་ཏུ་དགའ་བ་དང་། རངས་པ་རྒྱ་ཆེན་པོ་དང་། ཡིད་བདེ་བ་སྐྱེས་པར་གྱུར་ཏོ། །དེ་ནས་གྲོང་ཁྱེར་སེར་སྐྱའི་གཞི་རྡོ་བ་དང་། གསེག་མ་དང་། གྱོ་མོ་
D301.072.0051a07.01