完整藏文原文 · 德格版页 当前仅加载第 72 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། གཞན་ཡང་སྐྱེ་བོའི་ཚོགས་ཆེན་པོས་བསྒྲིམས་ན་ཞུགས་དགུམ་པའི་རྔོ་མ་ཐོགས་ནས་བདག་འདི་སྙམ་དུ་སེམས་ཏེ། བདག་གི་ཉེ་འཁོར་ན་དགེ་སྦྱོང་ཆེན་པོ་བཞུགས་ན་དེའི་མཐུ་ཞིག་བྱུང་བར་མ་གྱུར་གྲང་སྙམ་བགྱིད་དོ། །འོད་སྲུང་མེ་དེ་ཞི་བར་བྱའམ། དགེ་སྦྱོང་
D301.072.0073a01.01ཆེན་པོ་ཞི་བར་མཛད་དུ་གསོལ། དེ་ནས་འདི་ལྟར་སངས་རྒྱས་རྣམས་ཀྱི་སངས་རྒྱས་ཀྱི་མཐུ་དང་། ལྷ་རྣམས་ཀྱི་ལྷའི་མཐུས་མེ་ཁང་དེ་རང་ཉིད་ཞི་བར་གྱུར་ཏོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་
D301.072.0073a02.01ཡིན་ཏེ་ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་རྒྱལ་པོ་ཆེན་པོ་བཞི་པོ་དག་ཁ་དོག་འཕགས་པས་མཚན་མོ་ལ་བབ་པ་ན་བཅོམ་ལྡན་འདས་
D301.072.0073a03.01གང་ན་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་དེ་རྣམས་དཔེར་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། དགེ་
D301.072.0073a04.01སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ་འདི་ལྟར་དེའི་སྤྱན་སྔ་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་ཡོད་དོ་སྙམ་མོ། དེ་ནས་ལྟེང་རྒྱས་འོད་སྲུང་རལ་པ་ཅན་ནང་པར་སྔར་ལངས་ཏེ་བཅོམ་ལྡན་འདས་གང་
D301.072.0073a05.01ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་གསོལ། འདིར་བདག་མ་དང་སུམ་རྒྱུ་སྐར་རྣམས་ལ་ལྟ་བ་ན་དགེ་སྦྱོང་ཆེན་པོའི་སྤྱན་སྔ་ན་ཞུགས་ཀྱི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་
D301.072.0073a06.01གཅིག་ཏུ་གྱུར་ཏེ་སྲེག་པར་བྱེད་པ་བཞི་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དོ། །འདི་ལྟར་དེའི་སྤྱན་སྔ་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་
D301.072.0073a07.01