完整藏文原文 · 德格版页 当前仅加载第 72 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འཛིན་ནུས་པ་དང་རང་གི་དོན་ཡང་ཉམས་པར་མི་བྱེད་པ་ཡིན་པར་གཟིགས་སོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། སྒྱུ་འཕྲུལ་ཆེན་མོ་འདི་ནི་མ་མེས་དང་ཕ་མེས་ཟུང་བདུན་གྱི་བར་དུ་སྤྱོད་པ་ལ་སྐྱོན་མེད་ཅིང་གཟུགས་དང་ལྡན་པ་དང་། རིགས་དང་ལྡན་པ་དང་། ཚུལ་
D301.072.0005b01.01དང་ལྡན་ཞེས་བྱ་བ་ནས་བུད་མེད་ཐམས་ཅད་ཀྱི་མཆོག་ཏུ་གྱུར་ཅེས་བྱ་བའི་བར་གོང་མ་བཞིན་ཏེ། ཁྲོ་བག་ཅན་མ་ཡིན་པ་དང་། རིགས་འཕེལ་བར་འགྱུར་བ་དང་། བྱང་ཆུབ་སེམས་དཔའ་རུམ་དུ་ཟླ་བ་བཅུར་འཛིན་ནུས་པ་དང་། རང་གི་དོན་ཡང་མི་ཉམས་པ་ཡིན་ལ་འདི་ལྟར་སྒྱུ་འཕྲུལ་
D301.072.0005b02.01ཆེན་མོས་སྔོན་སངས་རྒྱས་རྣམས་ལ་ཀྱེ་མ་བདག་སངས་རྒྱས་ཀྱི་ཡུམ་དུ་གྱུར་ཅིག་ཅེས་སྨོན་ལམ་བཏབ་པ་ཡང་ཡིན་པས་བདག་ལ་གཞན་དག་བྱང་ཆུབ་སེམས་དཔས་མཚན་ངན་པ་དང་ལྡན་པའི་བུད་མེད་ཀྱི་རུམ་དུ་ཉིང་མཚམས་སྦྱོར་བ་བླངས་སོ་ཞེས་ཁ་ཟེར་བར་མི་འགྱུར་རོ་སྙམ་མོ། །འདི་
D301.072.0005b03.01ལྟར་བྱང་ཆུབ་སེམས་དཔས་སྨད་པར་མི་འགྱུར་བའི་ལས་བྱས་ཤིང་བསགས་པ་དང་། སངས་རྒྱས་བཅོམ་ལྡན་འདས་རྣམས་ནི་ཆོས་བཤད་པ་འབྲས་བུ་མེད་པ་མ་ཡིན་པས་རྒྱུ་འདིས་ན་བྱང་ཆུབ་སེམས་དཔའ་བུད་མེད་རྣམས་ལ་གཟིགས་པར་མཛད་དོ། །དེ་ནས་བྱང་ཆུབ་སེམས་དཔའ་
D301.072.0005b04.01གཟིགས་པ་ལྔས་གཟིགས་ནས་དགའ་ལྡན་ན་སྤྱོད་པའི་ལྷའི་རིས་རྣམས་ལ་གསུངས་པ། གྲོགས་པོ་དག་ཤེས་པར་གྱིས་ཤིག །ང་འཛམ་བུའི་གླིང་དུ་བབས་ནས་ཡུལ་དབུས་སུ་ཉིང་མཚམས་སྦྱོར་བ་ལེན་གྱིས་ཁྱེད་ཅག་ལས་གང་དག་བདུད་རྩི་དོན་དུ་གཉེར་བ་དེ་ཕལ་ཆེར་ཡུལ་དབུས་ཀྱི་གྲོང་ཁྱེར་
D301.072.0005b05.01ཆེན་པོ་དྲུག་པོ་འདི་ལྟ་སྟེ། མཉན་ཡོད་དང་སཱ་ཀེ་ཏ་དང་ཡངས་པ་ཅན་དང་ཙམ་པ་དང་རྒྱལ་པོའི་ཁབ་དང་བཱ་རཱ་ཎ་སཱིར་ཉིང་མཚམས་སྦྱོར་བ་ལོང་ཤིག །དེ་སྐད་ཅེས་བཀའ་སྩལ་པ་དང་། དགའ་ལྡན་གྱི་རིས་ཀྱི་ལྷ་རྣམས་ཀྱིས་བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ། །བྱང་ཆུབ་
D301.072.0005b06.01སེམས་དཔའ་མཁྱེན་པར་མཛོད་ཅིག །ད་ལྟར་འཇིག་རྟེན་ནི་སྡིག་པས་གོས་པ། སྐྱེ་དགུ་ནི་མ་རུངས་པའི་བསམ་པ་ཅན། འཛམ་བུའི་གླིང་ན་རྟོག་གེ་པ་དྲུག་དང་། རྗེས་སུ་སྒྲོགས་པ་དྲུག་དང་། སྙོམས་པར་འཇུག་པ་དྲུག་གིས་དཀྲུགས་པ་ལགས་སོ། །དེ་ལ་རྟོག་གེ་པ་དྲུག་གང་
D301.072.0005b07.01