完整藏文原文 · 德格版页 当前仅加载第 72 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཀྱང་མཚན་མཁན་རྣམས་ཀྱིས་ལུང་བསྟན་པ། འདི་དག་གིས་ཀྱང་ཉན་ཐོས་ཆེན་པོ་རྣམས་ལ་ཚིག་ངན་པ་སྨྲས་ནས་དམྱལ་བར་གཞོལ་བར་འགྱུར་རོ། །ཉེ་དགའ་གླང་པོ་ཆེ་ལ་ཞོན་ནས་ཕན་ཚུན་དུ་ལྟ་བར་བྱེད་པ་ན་མུ་ཏིག་གི་དོ་ཤལ་ལྷུང་བ་དང་། དེ་གླང་པོ་ཆེ་ལས་བབས་ཏེ་
D301.072.0104b01.01བླངས་སོ། །དེ་ཡང་དེ་རྣམས་ཀྱིས་ལུང་བསྟན་པ། འདི་ཧ་ཅང་འདོད་ཆེན་ཆེས་པས་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ། །དེ་ནས་བཟང་ལྡན་དང་། ནམ་གྲུ་དང་། མ་འགགས་པ་དང་། ལྷ་སྦྱིན་ལ་སོགས་པ་ཤཱཀྱ་ལྔ་བརྒྱ་པོ་དེ་རྣམས་སྐྱེད་མོས་ཚལ་དུ་དུས་སྟོན་ལ་
D301.072.0104b02.01འགྲོ་བ་བཞིན་དུ་བཟང་པོས་འགྲན་ཅིང་བཅོམ་ལྡན་འདས་གང་ན་བ་དེར་དོང་ངོ་། །བཅོམ་ལྡན་འདས་ཀྱིས་དགོངས་པ། གལ་ཏེ་ངས་ཤཱཀྱ་རྣམས་ལ་དགེ་སློང་ཚུར་ཤོག་ཅེས་བྱ་བས་རབ་ཏུ་བྱུང་ན་ཁ་ཅིག་གིས་ནི་མཉེས་པར་བྱེད་པར་འགྱུར། ཁ་ཅིག་གིས་ནི་མཉེས་པར་བྱེད་
D301.072.0104b03.01པར་མི་འགྱུར་ཏེ། མཉེས་པར་བྱེད་པར་མི་འགྱུར་བ་གང་དག་ཡིན་པ་དེ་དག་གཞན་དུ་སེམས་ལ། དགེ་སློང་ཚུར་ཤོག་ཅེས་བྱ་བ་ནི་ཐམས་ཅད་སྲིད་པ་ཐ་མ་པ་ཡིན་པས། མལ་ངས་ཐམས་ཅད་དགེ་སློང་རྣམས་ཀྱིས་གསོལ་བ་དང་བཞིའི་ལས་ཀྱིས་རབ་ཏུ་བྱུང་བ་དང་། བསྙེན་
D301.072.0104b04.01པར་རྫོགས་སུ་གཞུག་གོ་སྙམ་དུ་དགོངས་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་སེར་སྐྱའི་གཞིའི་ཤཱཀྱ་རྣམས་གསོལ་བ་དང་བཞིའི་ལས་ཀྱིས་རབ་ཏུ་བྱུང་བ་དང་། བསྙེན་པར་རྫོགས་པར་གྱིས་ཤིག །བཙུན་པ་བཀའ་བཞིན་འཚལ་ཞེས་དགེ་སློང་དེ་རྣམས་
D301.072.0104b05.01ཀྱིས་བཅོམ་ལྡན་འདས་ལས་མཉན་ཏོ། །རྒྱལ་པོ་ཟས་གཙང་གིས་ཤཱཀྱ་རྣམས་ཀྱི་འདྲེག་མཁན་ཉེ་བར་འཁོར་ཞེས་བྱ་བ། དེ་རྣམས་རབ་ཏུ་འབྱིན་པ་ན་སྐྲ་འབྲེག་པར་བཏང་ནས་ཤཱཀྱའི་རྒྱལ་པོ་བཟང་ལྡན་གྱི་སྐྲ་འབྲེག་པ་ན། དེ་ངོམ་ཟུང་གནག་ཅིང་མཆི་མ་འཛག་ཅིང་སྐད་འཛེར་ཅིང་
D301.072.0104b06.01དབུགས་བརྩེགས་པས་སྐྲ་འདྲེག་པར་བྱེད་དོ། །ཤཱཀྱའི་རྒྱལ་པོ་བཟང་ལྡན་གྱིས་སྨྲས་པ། ཉེ་བར་འཁོར་ཅིའི་ཕྱིར་དུ། དེ་སྙིང་རྗེ་རྗེ་སྐད་དུ་གཅོམ་ཆུང་ངུར་དལ་བུས་ཚིག་རེ་རེ་ནས་སྨྲས་པ། ལྷ་བདག་འཛམ་བུའི་གླིང་གི་སྐྱེས་བུ་གཙོ་བོ་རྣམས་ལ་བསྙེན་བཀུར་བགྱིད་བགྱིད་
D301.072.0104b07.01