完整藏文原文 · 德格版页 当前仅加载第 72 函德格 73b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་མཆིས་སོ་སྙམ་མོ། །འོད་སྲུང་ཅིང་མེ་ལ་ཡོངས་སུ་སྤྱོད་དམ། ང་མེ་ལ་ཡོངས་སུ་མི་སྤྱོད་དེ། མཁས་པ་ཀུན་ནས་ཉོན་མོངས་ལས། །སེམས་ནི་ཡོངས་སུ་ཟློག་བྱེད་ཀྱི། །མེ་འམ་ཡང་ན་ཆུ་དག་ལ། །ཡོངས་བསྟེན་ཡོན་ཏན་ཅི་ཞིག་ཡོད། །དེ་ལྟ་མོད་ཀྱི་འདིར་མདང་སུམ་
D301.072.0073b01.01རྒྱལ་པོ་ཆེན་པོ་བཞི་པོ་དག་ཁ་དོག་འཕགས་པས་མཚན་མོ་ལ་བབ་པ་ན་ང་གང་ན་བ་དེར་འོངས་ཏེ་ལྷགས་ནས་ངའི་ཞབས་གཉིས་ལ་མགོ་བོས་ཕྱག་བྱས་ཏེ་དེ་རྣམས་དཔེར་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་པོ་ལྟ་
D301.072.0073b02.01བུའི་ལུས་ཀྱིས་ཕྱོགས་གཅིག་ཏུ་འདུག་པ་ཡིན་ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ་ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་ལྷ་རྣམས་ཀྱི་དབང་པོ་བརྒྱ་
D301.072.0073b03.01བྱིན་ཁ་དོག་འཕགས་པས་མཚན་མོ་ལ་བབ་པ་ན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། དེ་དཔེར་ན་མེའི་ཕུང་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ། མེ་ལྕེ་གཅིག་ཏུ་གྱུར་པ་བཞི་པོ་
D301.072.0073b04.01དེ་དག་པས་ཆེས་ལྷག་ཅིང་ཆེས་འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་གོ། །ལྟེང་རྒྱས་འོད་སྲུང་རལ་པ་ཅན་དེ་ཉིད་ཀྱི་མཚན་མོ་རྒྱུ་སྐར་རྣམས་ལ་ལྟ་བ་ན། བཅོམ་ལྡན་འདས་ཀྱི་སྤྱན་སྔ་ན་མེའི་ཕུང་པོ་འབར་ཞེས་བྱ་བ་ནས། དགེ་སྦྱོང་ཆེན་པོ་རྫུ་
D301.072.0073b05.01འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ་ཞེས་བྱ་བའི་བར་དུ་གོང་མ་བཞིན་ནོ། །དེ་ནས་མི་མཇེད་ཀྱི་བདག་པོ་ཚངས་པ་ཁ་དོག་འཕགས་པས་མཚན་མོ་ལ་བབ་པ་ན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་
D301.072.0073b06.01འདས་ཀྱི་ཞབས་ལ་མགོ་བོས་ཕྱག་བྱས་ཏེ། དེ་དཔེར་ན་མེའི་ཕུང་པོ་བཞི་པོ་དེ་དག་ཉིད་སྔ་མ་བཞིན་དུ་སྲེག་པ་ཞེས་བྱ་བ་ནས། མེའི་ཕུང་པོ་ཆེན་པོ་ལྔ་པོ་དེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་དོ་ཞེས་བྱ་བའི་བར་དེ་དག་པས་ཀྱང་ཆེས་ལྷག་ཅིང་ཆེས་འཕགས་ལ་ཆེས་བཟང་བ་
D301.072.0073b07.01