完整藏文原文 · 德格版页 当前仅加载第 72 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སྲོང་གི་དྲུང་དུ་འོངས་སོ། །བློན་པོ་རྣམས་ཀྱིས་སྨྲས་པ། དྲང་སྲོང་ཆེན་པོ་ཁྱེའུ་འདི་གཉིས་སུའི་ལགས། དེས་སྨྲས་པ། དེ་ཁོ་ནའི་བུའོ། །དེ་རྣམས་ཀྱིས་སྨྲས་པ། འདི་གཉིས་ཇི་ལྟར་སྐྱེས། འདི་གཉིས་ཀྱི་མིང་ཅི་ལགས། དེས་
D301.072.0119a01.01བྱུང་བ་དང་བཅས་པར་རྒྱས་པར་སྨྲས་པ། བློན་པོ་རྣམས་ཀྱིས་དེ་ཐོས་ཏེ་མཆོག་ཏུ་ངོ་མཚར་སྐྱེས་ནས། དེ་རྣམས་ཀྱིས་དྲང་སྲོང་དེ་ལ་གསོལ་བ་བཏབ་ནས་དེ་གཉིས་ལས་གཞོན་ནུ་ཕུ་བོ་ཤོས་རྒྱལ་སྲིད་ཀྱི་དབང་བསྐུར་བས་དབང་བསྐུར་བ་ལས་དེ་ཡང་བུ་མེད་པར་ཤིའོ། །དེ་
D301.072.0119a02.01ནས་ཅིག་ཤོས་ནུ་བོ་དབང་བསྐུར་ནས་དེའི་མིང་རྒྱལ་པོ་བུ་རམ་ཤིང་པ་ཞེས་བྱ་བར་གྱུར་ཏོ། །གཽ་ཏ་མ་དག་རྒྱལ་པོ་བུ་རམ་ཤིང་པའི་བུ་དང་། ཚ་བོ་དང་། ཡང་ཚ་དང་། སུམ་ཚའི་རྒྱུད་རྒྱལ་པོ་བུ་རམ་ཤིང་པ་བརྒྱ་ཡང་གྲོང་ཁྱེར་གྲུ་འཛིན་དུ་བྱུང་སྟེ། དེ་རྣམས་ཀྱི་ཐ་མ་
D301.072.0119a03.01ནི་རྒྱལ་པོ་བུ་རམ་ཤིང་པ་འཕགས་སྐྱེས་པོ་ཞེས་བྱ་བ་བྱུང་ངོ་། །གཽ་ཏ་མ་དག་རྒྱལ་པོ་བུ་རམ་ཤིང་པ་འཕགས་སྐྱེས་པོ་ལ་བུ་བཞི་སྟེ། སྐར་མདའ་གདོང་དང་། ལག་རྣ་དང་། གླང་པོ་ཆེ་འདུལ་དང་། རྐང་གདུབ་ཅན་ནོ། །དུས་གཞན་ཞིག་ན་དེའི་བཙུན་མོ་དམ་པ་ཤི་ནས་དེ་
D301.072.0119a04.01ལག་པ་འགྲམ་པ་ལ་གཏད་དེ་སེམས་ཁོང་དུ་ཆུད་ཅིང་འདུག་གོ། །བློན་པོ་རྣམས་ཀྱིས་སྨྲས་པ། ལྷ་ཅིའི་སླད་དུ་ཕྱག་ལ་ཞལ་གཏད་ནས་ཐུགས་མི་དགྱེས་ཤིང་བཞུགས། དེས་སྨྲས་པ། ངའི་བཙུན་མོ་དམ་པ་ཤི་ན་ཅིའི་ཕྱིར་སེམས་ཁོང་དུ་ཆུད་ཅིང་མི་
D301.072.0119a05.01འདུག །ལྷ་གལ་ཏེ་དེ་ལྟ་ན་ཉི་འོག་གི་རྒྱལ་པོ་རྣམས་ལ་བུ་མོ་མཆིས་ན། ཅིའི་སླད་དུ་ལྷའི་བཙུན་མོ་དམ་པ་མི་བཙལ། རྒྱལ་པོས་སྨྲས་པ། གཞོན་ནུ་འདི་དག་ནི་རྒྱལ་སྲིད་མངོན་པར་འདོད་པས་ཕྱིར་རྒོལ་བ་འདི་དག་ཡོད་ནང་ལ་སུ་ཞིག་བུ་མོ་སྟེར་བར་
D301.072.0119a06.01འགྱུར། ལྷ་དགོངས་ཤིག་དང་། བདག་ཅག་གིས་བཙལ་ལོ། །ཇི་ཙམ་ན་རྒྱལ་པོ་གཞན་ཞིག་གི་བུ་མོ་གཟུགས་བཟང་བ། བལྟ་ན་སྡུག་པ། མཛེས་པ་བཙུན་མོ་དམ་པར་འཚམ་པ་ཡོད་པ་དེ་མི་རྣམས་ཀྱིས་བརྟགས་ཏེ། རྒྱལ་པོ་དེའི་དྲུང་དུ་དོང་ནས།
D301.072.0119a07.01