完整藏文原文 · 德格版页 当前仅加载第 72 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཇི་ལྟར་ཁྲུས་མཛད་ལགས། །བཅོམ་ལྡན་འདས་ཀྱིས་བཀའ་སྩལ་པ། གཽ་ཏམ་དད་པའི་འབབ་ཆུ་རྙོག་པ་མེད། །བསོད་ནམས་འཇུག་ངོགས་དམ་པས་བསྔགས་པ་སྟེ། །དེ་ལ་རིག་པའི་ཡོན་ཏན་མི་བཀྲུས་ན། །ལུས་མི་གཤེར་བར་ཕ་
D301.072.0097a01.01རོལ་རབ་ཏུ་རྒལ། །རྒྱལ་པོ་ཟས་གཙང་གིས་གསོལ་པ། དཔའ་བོ་ཁྱོད་སྔོན་སེར་སྐྱ་ཡིས། །ཙན་དན་གྱིས་ནི་སྐུ་བཀྲུས་ཤིང་། །ཀ་ཤིའི་མཆོག་གནས་མཛེས་པ་ལས། །དེ་དང་བྲལ་ནས་མཛེས་མ་ལགས། །བཅོམ་ལྡན་འདས་ཀྱིས་བཀའ་སྩལ་པ། ཚུལ་
D301.072.0097a02.01ཁྲིམས་ང་ཡི་རྒྱན་ཡིན་ཏེ། །ཚུལ་ཁྲིམས་ཉིད་ནི་བྱུག་པ་ཡིན། །གསེར་དང་ནོར་བུ་རྣ་ཆ་དག །རྨོངས་སྐྱེས་ང་ལ་ཅི་ཞིག་བྱ། །རྒྱལ་པོ་ཟས་གཙང་གིས་གསོལ་པ། གང་གིས་ཁྱོད་ནི་ཁྱད་དུ་གསོད། །གང་ལས་འཇིགས་སུ་རུང་བ་སྐྱེ། །ཡིད་འབྱུང་བ་ཡང་ག་
D301.072.0097a03.01ལས་སྐྱེ། །ཞུས་པ་དེ་དག་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་པ། གང་གིས་ང་ནི་ཁྱོད་གསོད་དང་། །གང་ཞིག་ལས་ནི་འཇིགས་པ་དང་། །གང་ལས་ཡིད་འབྱུང་སྐྱེས་པ་དག །ཉོན་ཅིག་ཁྱོད་ལ་བཤད་པར་བྱ། །རྒ་དང་ན་དང་འཆི་བ་སྟེ། །གལ་ཏེ་
D301.072.0097a04.01འདི་གསུམ་ཡོད་མིན་ན། །ང་ཡང་ཤིན་ཏུ་ཡིད་འོང་བའི། །ཡུལ་རྣམས་ལ་ནི་དགའ་བར་འགྱུར། །རྒྱལ་པོ་ཟས་གཙང་གིས་གསོལ་པ། ཤཱཀྱ་རྣམས་ཀྱི་རིགས་དགའ་བ། །ལེགས་པར་འཁྲུངས་པའི་དཔའ་བོ་ལེགས། །ཁྱོད་ནི་འཇིག་རྟེན་ཆོས་བརྒྱད་ཀྱིས། །
D301.072.0097a05.01ཇི་ལྟ་བུར་ཡང་མ་གོས་སོ། །དེ་ནས་རབ་དགའ་དད་པ་རྒྱས་བྱས་ནས། །དྲང་སྲོང་དགེ་འདུན་བསྐོར་བ་བྱས་ནས་ནི། །ཐུབ་པའི་ཞབས་ལ་མགོ་བོས་ཕྱག་བྱས་ཏེ། །བདེ་བར་གཤེགས་ལ་ཀུན་ནས་རྟོག་ཅིང་འདུག །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། གང་
D301.072.0097a06.01བདག་གི་བུས་ཡོན་ཏན་གྱི་ཚོགས་འདི་ལྟ་བུ་ཐོབ་པ་ནི་བདག་གི་རྙེད་པ་ལེགས་པར་རྙེད་དོ་སྙམ་མོ། །དེ་ནས་བཅོམ་ལྡན་འདས་ཀྱིས་ནྱ་གྲོ་དྷཱའི་ཀུན་དགའ་ར་བར་འཁོར་དེའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་མཁྱེན་ནས་དེ་དང་འཐུན་པའི་ཆོས་བཤད་
D301.072.0097a07.01